| | -
الفجر -
الظهر -
العصر -
المغرب -
العشاء -
... ... ... -
... ... ... -
... ... ... -
... ... ... -
... ... ... | | |
26 / 12 / 2008, 25 : 10 PM
عضو الزاد النشيط الملف الشخصي تاريخ التسجيل : 23 / 06 / 2008 رقم العضوية : 1862 الإقامة : KSA المشاركات : 2,553 التقارير : 3 الحالة :  |  رحلة ( نور الشمس) الى تركيا شتاء 2008 الجزء الثاني | |
اليوم بالصور للجزء الثاني من الرحلة
واللي ماشاف الجزء الأول منها يلقاه هنا الجزء الاول لمن لم يشاهده
ثالث يوم وصول لنا كان يوم الجمعة صحينا ونزلوا اهلي يفطرون
واستأجرنا باص وكان الجو غائم جزئي وبارد وماما بخاطرها تروح
كيليوس قمنا توكلنا على الله وتحركنا وابتدا مشوارنا مرورا في
شارع عثمان بيك وشفت هالمسجد قمت صورته
كملنا طريقنا و شفت هذي البناية وقال لنا المرشد انها بتكون
اطول بناية في اسطنبول و باقي يبنون فوقها مثل اللي بنوه ..
بعدين كملنا مشوارنا ومشينا من طريق الغابات بس الاشجار
تقريبا كلها متساقطها اوراقها ومرينا بمناطق مرة حلوة للاسف
ماصورتها كلها فلل وشقق خاصة واسطبلات خيول.
ثم اخذنا بالطريق الى البحر الاسود وفي الطريق اذنوا للجمعة
نزلنا في المقهى ولو انه خالي مافيه غيرنا عكس الصيف مزدحم
جلسنا في المطعم وكان الهوا بارد جدا دخلنا في غرفة مقفلة صلينا .
جا البابا وكملنا طريقنا الى كيليوس لكن المنطقة متغيرة عن زمان
وفيه مطاعم الغوها وبنوا بنايات جديدة المهم لقينا الاول ما اعجبنا
ولقينا مطعم ثاني قال هذا افضلهم حاليا نزلناه وكان خالي مافيه غيرنا
ولا بالصيف فيها كل شي بالذات الخرفان المشوية وفيه خيول وباعة متجولين
وبعض الفرق الشعبية لكن حاليا ولا شي المهم اني صورت كم صورة للمطعم
جلسنا شوي في البرد وطلبنا الغدا والاسعار في هذي المطاعم
اذا ماراجعتها بينصبوا عليك وياخذوا منك مبالغ مالها داعي فلازم
قبل تطلب اكلك تسأل عن سعر كل شي وتكتبه بورقة حتى الخبز
وبعد ماراجعنا الفاتورة معاهم استرجعنا 50 ليرة = 120 ريال سعودي
وهذي سفرتنا تقريبا كلفتنا 150 ليرة = 375 ريال وكل الاكل تحضر لما بوقتها
السلطة
البطاطا المقلية
وهذا الذ شيء بحبه في تركيا الرز
المسقعة
المحمرة فيها شوي فلفل لكن مادري ايش اسمها في تركيا
الكفتة المشوية الذ شيء يقدمونه
لحم شقف ( اوصال )
المهم على ماخلصنا كان صار بعد العصر وصارت السماء مشمسة
رحت آخذ اغراضي الا تجي بجنبي هالقطوة انا اخاف منهم بس
يوم شفتها نظيفة قلت خليني اصورها ومن شافتني الا اشوفها
بتجيني ويوم وقفت باهرب  شافتني خايفة وقفت تناظرني قمت صورتها
ركبنا الباص واخذنا طريق البحر ووقفنا بهذي المنطقة ومنها
صورت لكم بحر مرمرة اللي تشوفونه قدامكم
هنا في طريق نزولنا من الجبل
كملنا طريقنا مرورا في منطقة ساريار وكان زحام شديد وانصدم الباص
مساكين جديد توه ماله 3 ايام بس عندهم نظام حلو اذا انصدمت
صور الحادث انت واللي صدمك وروح لشركة التامين وهم يصلحونه
بدون شرطة ولا يحزنون والشرطة انوجدت وقتها بس عشان تمشي
حركة السير ..
مشينا الى ماوصلنا منطقة ترابيا قبل المغرب بشوي تمشينا في
المنطقة وبكينا على الاطلال شوي لانها كانت اكثر منطقة بالصيف
يسكنها العرب والفندق للاسف رغم ان موقعه واطلالته رائعة الا
انهم من كم سنة بيعيدوا بناءه وللحين ماخلصوا منه مثل ماتشوفوا
شويات وصارت الدنيا ليل
اخذنا طريقنا للفندق ورجعنا ارتحنا شوي كم ساعة ونزلنا نتمشى
في شارع الاستقلال وشرينا عشا وبكذا انتهى يومنا الثالث.
اليوم الرابع بعد الفطور جلسنا نتشاور وين نروح واخر شي قررنا
نروح السوق وسألنا عن افضل سوق وقريب منا قالوا لنا روحوا
جواهر مول اخذنا تكاسي لكن لانهم عند الفندق ومتعودين على
العرب الظاهر قال المشوار بـ 10 ليرة وافقنا وركبنا وطلع المشوار
مايستاهل 6 او 7 ليرة بالكثير وبالمترو ارخص وموقف المترو عند
السوق لكن ماجربناه رغم ان الكل يقول انه حلو
الصورة للمول اخذتها بالليل
المهم جلسنا في المول يمكن 5 ساعات و اول مادخلنا لقينا كافي
حلو وهادي جلسنا فيه الماما والبابا الى مانخلص تسوق يالبنات
وفيه محلات ديكور وملابس وسوبرماركت وصيدلية وتجميل وسينمات ومطاعم والعاب اطفال
وهذي الصورة خذيتها من فوق للسوق.
في هالسوق محلات دبنهامز كانت مقدمة عروض حلوة كل ماتشتري
بألف ريال سعودي يعطونك كوبون بـ خمسمية ريال مجاني وللمعلومية
اسعاره ارخص من اسعار دبنهامز عندنا ومثله في ماليزيا كانت ارخص .
.. معلومة ..
كل محلات الشركات العالمية اللي دخلناها يعطونا كوبونات :
( كاش ريفاوند - تاكس فري ) نستبدلها من المطار وناخذ تقريبا
5% من سعر البضاعه اللي شريناها . لكن اخذناها وماساتبدلناها
في مارك & سبنسر في سوق مترو سيتي نظامهم غير سوت لي خصم
الـ 5% بنفس اللحظة وقالت لي وقعي هنا واكتبي جنسيتك بس فانتبهوا
لهذي النقطة بالتسوق
بعد ماخلصنا تسوق رجعنا للماما والبابا وكان خلاص ذبحنا الجوع
قمنا طلعنا في ادوار المطاعم وطلبنا غدانا مدري عشانا والحمدلله
وطلبنا الحلو كنافة بالفستق وهذي من الحلويات المشهورة عندهم
يسمونها فستقلي كنافة ويسوونها لك بنفس اللحظة حسب الطلب
لكن اطلبوها بدون شيرة ( سكر ) حتى تقدروا تاكلونها لانهم يغرقونها.
الذ طعم ذقناها فيه في مطعم جليك وله محل صغير في سوق جواهر .
هذي بقايا ماكان يسمى أكل
طلعنا من السوق ورجعنا الفندق ورجعنا زرنا السوق مرة ثانية بعد العيد
وهذي بعض مشترواتنا
المهم يوم رجعنا الفندق ارتحنا شوي ومثل كل يوم لازم ننزل نتمشى
شوي في شارع الاستقلال ونشوف العالم ولانها كانت اجازة كان الشارع
مزدحم رجعنا 1 ونص الفندق والوقت كانه الساعه 9 وهذي الصورة صورتها
الساعه 3 ونص الفجر ( اضغطوا على الصورة للتكبير ) :
.
خامس يوم صادف يوم عرفة وكان يومها مطر والجو خيالي
و ولاننا كنا صايمين ماطلعنا من الفندق بالنهار بس طلعنا العصر نشتري
لولد اختي كان خاطره في بدله و السوق المسقوف اللي يبيعونه
فيها بيقفل ايام العيد فما عندنا فرصة الا اليوم ويوم وصلنا السوق
عرفنا ان السوق اصلا اجازته يوم الاحد ولان له ابواب متعددة وقفنا
عند جهة خلفية ماستفدنا من مشوارنا له شي
هذا مبنى شفته بس لانه مكتوب عليه بالعربي صورته
ادارة امور عسكرية لكن مدري ليش كاتبينه عربي او ايش صاير حاليا
بعدها اخذنا تاكسي ورحنا لسوق مترو سيتي
وبالطريق افطرنا على شوكليت نسينا حتى نشرتي موية نفطر
عليها ووصلنا السوق وجلسنا فيه ساعتين او زيادة شوي
بس ماستفدنا منه كثير نحلاته مو كثيرة و اكلنا قبل نرجع شفت مطعم
لفت انتباهي لوحته نفس اختصار اسم صاحبتي Hdقمت صورته لعيونها
طلعنا من السوق شفت شكل الجو خيالي للاسف بالصورة مابين
بعض الغيوم مخلية السما منوره كأنه نهار
رجعنا الفندق لـ الماما و البابا وشوي زارتنا بنت خالو بالصدفة عرفنا انها
هونيك واتفقنا اننا نتقابل ان شاءالله تومورو يوم العيد.
استعدينا للعيد ولو انه العيد بدون اهلك وناسك مو عيد ابد 
لكن الحمدلله ان بنت خالو كانت هناك حسينا اننا مع الكل 
ونزلت شارع الاستقلال اشتري حلو للعيد قمت لقيت محل اسمه
Koskaعنده جميع انواع الحلويات و الشواهي والكستناء المعلبة
المهم صورت كم صورة في المحل ومن هالمحل شرينا هدايا السفر
البقلاوات شكلها مشهي لكن ولا مرة ذقناها وغالبا مايصبون قطر كثير في الحلو
هذي انواع الشواهي ( تفاح , ليمون , برتقال , توت ) التفاح مرة يمي
انواع مختلفة للحلويات المغلفة اللي يصنعها هالمحل
بعض انواع الحلاوة الطحينية وياكثرها عندهم وعند نفس المحل
يقدمون ساندويشات حلاوة طحينية حارة بخبز التورتيلا او بكوب
شرينا وحدة كلنا ماكملنا حتى ربعها لانها حالية مرة سعرها بـ 2 ليرة = 5 ريال
هذي انواع مختلفة من انواع الحلويات اللي نسميها حلقوم بالمكسرات او الملبن
وهذي ( الحلوة التركية ) الـ لوكوم اللي شرينا منها هدايا
هذي حلويات بأطعم مختلفة وعند المحلات العادية ارخص من هنا
مشيت شوي انا و ولد اختي ودخلنا محل حاجي بكير هذا اقدم محل
حلويات تقريبا من عام 1777 م
وللاسف ماصورته لكنه موجود في شارع الاستقلال هو صغير ولكنه
الاقدم والافضل دلتنا عليه صديقة تعرفنا عليها تركية من اصل عربي
( اللقم ) او الحلوى التركية ارتفع سعرها عن زمان كثير كنا نشتري
الكيلو بـ 25 ريال ان زاد سعرها والحين شرينا الكيلو بـ 33 ليرة = 82 ريال .
وعند koska يبيعها بـ 22 ليرة = 55 ريال الكيلو
تفضلوا
اخر شي باختم هالتقرير بـ ملخص عن :
.. التسوق في اسطنبول ..
اسطنبول مدينة مليئة بمراكز التسوق بمختلف الاسعار و اشهر الأسواق :
السوق المسقوف
وهو يعتبر معلم من معالم اسطنبول لابد من زيارته وفي هذا السوق
كل مايخطر في بالك من تحف وهدايا وملابس ومؤكولات وجلود وحراير
وسجاد وتختلف الاسعار ومن اقسامه غراند بازار والسوق المصري
ومحمود باشا وباب بايزيد ولكن هذا السوق اجازته الرسمية يوم الاحد .
شارع عثمان بيك
في هذا الشارع كل محلات الجملة والتي تصلنا منها غالبية التجارة التركية
وهناك في الشارع بعض المحلات لبيع المفرق والاسعار متفاوتة .
البازارات الاسبوعية
في كل يوم من الاسبوع تنصب الخيام وتعرض المنتجات بجميع انواعها
والاسعار فيه ارخص بكثير من المحلات وغالبا ماتكون مسعره وهناك
بازار كبير في اسيا يوم الجمعة او السبت اعتقد
المراكز التجارية
تحتوي على ماركات عالمية ومحلية والاسعار تختلف ولكنها ثابته منهم :
اكمركز , جواهر , مترو سيتي , استوريا , غاليريا , كانيون , كاروسيل
بروفيليو , نايوتيلوس , إستنيه بارك , كابيول , كارفور وغيرهم كثير .
ما زرنا من هالاسواق الا جواهر و مترو سيتي وبعض محلات السوق المسقوف
ان شاءالله ما اكون ثقلت عليكم وافدتكم وباذن الله بتشوفون في
الجزء الثالث يوم العيد من بدايته وحتى نهايته وبجد كان امتع يوم لنا .
.. تقبلوآ مني أعطر و أعذب تحية ..
. | | |
26 / 12 / 2008, 36 : 10 PM
مــراقـب عـام
{مؤسس} الملف الشخصي تاريخ التسجيل : 24 / 06 / 2007 رقم العضوية : 44 الإقامة : زاد المسافر المشاركات : 56,705 التقارير : 7 الجنس : ذكر الحالة : | | رد: رحلة ( نور الشمس) الى تركيا شتاء 2008 الجزء الثاني | |
الله يعطيك العافية اخوي سليمان
جزء خطير ابدعت فيه كاتبته دخت عند الحلويات :  | | |
27 / 12 / 2008, 58 : 02 PM
كـبـار شـخـصـيـات الـمـوقـع الملف الشخصي تاريخ التسجيل : 26 / 06 / 2007 رقم العضوية : 72 الإقامة : السعودية - الرياض المشاركات : 1,765 التقارير : 6 الجنس : ذكر الحالة : | | رد: رحلة ( نور الشمس) الى تركيا شتاء 2008 الجزء الثاني | |
أخي الكريم / سليمان الذويخ .. يحفظكم الله
سلمت يمينك على النقل لهذا الموضوع الرائع .. وبالفعل كاتبه مبدعه في تقريرها .. بارك الله فيكم
وحيّاكم الله وأشكر لكم تواصلكم العطر .. وفّقكم الله .
أخوكم / العاشق المسافر . | | |
27 / 12 / 2008, 47 : 10 PM
مشرف زاد المسافر الى أستراليا ونيوزلاندا الملف الشخصي تاريخ التسجيل : 06 / 04 / 2008 رقم العضوية : 1318 الإقامة : جـ أم الشدةـدة المشاركات : 6,958 التقارير : 14 الجنس : ذكر الحالة : | | رد: رحلة ( نور الشمس) الى تركيا شتاء 2008 الجزء الثاني | |
تقرير حلو وبااااااااااااااااارد ما شاء الله.
مشكور وما قصرت. | | |
28 / 12 / 2008, 14 : 08 AM
مــراقـب عـام
{مؤسس} الملف الشخصي تاريخ التسجيل : 15 / 01 / 2008 رقم العضوية : 1001 الإقامة : نادي الهلال المشاركات : 20,285 الجنس : ذكر الحالة : | | رد: رحلة ( نور الشمس) الى تركيا شتاء 2008 الجزء الثاني | |
جزء ثاني رائع
يعطيك العافيه اخي الكريم سليمان
| | |
28 / 12 / 2008, 40 : 06 PM
كـبـار شـخـصـيـات الـمـوقـع الملف الشخصي تاريخ التسجيل : 30 / 06 / 2007 رقم العضوية : 139 الإقامة : الامارات المشاركات : 2,022 التقارير : 7 الجنس : ذكر الحالة : | | رد: رحلة ( نور الشمس) الى تركيا شتاء 2008 الجزء الثاني | |
جزء جميل و وصور اروع..... اكثر شى عجبنى صور الاكل و الحلويات
تسلم اخوى على النقل
| --------------------------------------------------------------------------- |
28 / 12 / 2008, 27 : 07 PM
{ مـؤسـس } الملف الشخصي تاريخ التسجيل : 23 / 06 / 2007 رقم العضوية : 6 الإقامة : الامارات الحبيبة المشاركات : 3,717 التقارير : 21 الجنس : ذكر الحالة : | | رد: رحلة ( نور الشمس) الى تركيا شتاء 2008 الجزء الثاني | |
السلام عليك
تسلم احوي على هذا التقرير و الجزء الاكثر من رائع
اسلوب و اختيار جميل للصور
مشكور و ما قصرت | | |
28 / 12 / 2008, 34 : 09 PM
عضو الزاد النشيط الملف الشخصي تاريخ التسجيل : 23 / 06 / 2008 رقم العضوية : 1862 الإقامة : KSA المشاركات : 2,553 التقارير : 3 الحالة : | | رد: رحلة ( نور الشمس) الى تركيا شتاء 2008 الجزء الثاني | |
اقتباس:
المشاركة الأصلية كتبت بواسطة garmin
الله يعطيك العافية اخوي سليمان
جزء خطير ابدعت فيه كاتبته دخت عند الحلويات : اهلا بك اخي العزيز
اشكر لك حضورك وتعليقك
بارك الله فيك ووفقك
| | |
28 / 12 / 2008, 36 : 09 PM
عضو الزاد النشيط الملف الشخصي تاريخ التسجيل : 23 / 06 / 2008 رقم العضوية : 1862 الإقامة : KSA المشاركات : 2,553 التقارير : 3 الحالة : | | رد: رحلة ( نور الشمس) الى تركيا شتاء 2008 الجزء الثاني | |
اقتباس:
المشاركة الأصلية كتبت بواسطة العاشق المسافر
أخي الكريم / سليمان الذويخ .. يحفظكم الله
سلمت يمينك على النقل لهذا الموضوع الرائع .. وبالفعل كاتبه مبدعه في تقريرها .. بارك الله فيكم
وحيّاكم الله وأشكر لكم تواصلكم العطر .. وفّقكم الله .
أخوكم / العاشق المسافر . اهلا بك اخي العزيز
سلمت ولا هنت
اشكر لك ثناءك النابع من حسن ذاتك
ونزجي الشكر لصاحب الموضوع الأصلي ( نور الشمس )
بارك الله فيك ووفقك
| | |
28 / 12 / 2008, 38 : 09 PM
عضو الزاد النشيط الملف الشخصي تاريخ التسجيل : 23 / 06 / 2008 رقم العضوية : 1862 الإقامة : KSA المشاركات : 2,553 التقارير : 3 الحالة : | | رد: رحلة ( نور الشمس) الى تركيا شتاء 2008 الجزء الثاني | |
اقتباس:
المشاركة الأصلية كتبت بواسطة busharaf
تقرير حلو وبااااااااااااااااارد ما شاء الله.
مشكور وما قصرت. باااااااااارد :114:
نسينا نحطه في حافظة الحرارة :106:
شكرا لمرورك وما قصرت
| | |
| | المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .  | | |
