السلام عليكم ورحمة الله وبركاتهمبارك عليكم شهر رمضان
افكر زيارة مدينة كارلوفي فاري وسوف اذهب إليها من براغ بإذن الله
فما الافضل هل اذهب وارجع بنفس اليوم ام الافضل المبيت هناك وكم يوم يكفي لزياره كارلوفي فاري هل يكفي يوم واحد للتجول فيها؟ وما افضل الفنادق؟ وهل يوجد قطار من براغ الى كارلوفي فاري وكم تبعد المسافه؟ وماهي العملة المستخدمه في التشيك؟ وهل يسمح بدخول التشيك بفيزة الشنغن؟

انصحك بالمبيت فيها عمله التشيك كرونا تشيكيه ولكن بالامكان استخدام اليورو
نعم ممكن الدخول بفيزا الشنقن
المدينه جدا جميله استاذي
تتهنى باذن الله

براغ جميلة جدا اخوي وتستاهل بس مو اكثر من 3 ليالي وتسكن في praha1 القديمة ولقربها من الاماكن الاثرية الجميلة في قلب براغ القديمة كلها سيرا ع الاقدام ... وبالنسبة لكارلوفي يوم كامل يكفيها لصغرها وهي فعلا جميلة وتستاهل

Sent from my HTC One_M8 using Tapatalk

  سجلت مخصوص في هالمنتدى علشان أرد على هذا الموضوع مع ان تاريخ السؤال قديم لكن أعرف فيه كثير مثلي ( قراءات) ويحتاجون معلومات 
لأن المنتدى مرررررررررره مفيد وشكرا لكل القائمين عليه والمشاركين فيه .. تحطيط رحلة السفر مايكمل الا مع هالمنتدى تبارك الله 

المهم 

من بحثي عن كارلوفي فاري بمواقع عربية واجنبية فهمت إنه:


ما الافضل هل اذهب وارجع بنفس اليوم ام الافضل المبيت هناك؟

كل الخيارين ممكنة حسب رغبتك .. المبيت يسمح لك زيارة اشمل للمدينة وعدم المبيت يريحك من هم نقل العفش والتشيك ان واوت ..

وكم يوم يكفي لزياره كارلوفي فاري هل يكفي يوم واحد للتجول فيها؟

بشكل عام يوم يكفي .. اذا حصرتي نفسك بأهم الأماكن .. يوم وليلة أشمل ..

وما افضل الفنادق؟

إذا رحلة يوم ويومين ف طبعا اللي بالسنتر .. كل شيء يصير مشي
لكن اذا مدة طويلة للاسترخاء والاستجمام ففيه اوتيلات في وسط الغابات صورها خرافية ..
وافضل الاوتيلات فيه  Hotel Promenana
والاوتيلات اللي حواليه في السنتر تعتبر ..

وهل يوجد قطار من براغ الى كارلوفي فاري وكم تبعد المسافه؟

فيه قطار .. لكن انصدمت انه ياخذ حوالي اربع ساعات مع ان المسافة حوالي 100 كيلو ..!!!!
فالأجانب ينصحون بالباص بحكم ان التشيك فيها شركات باصات جدا مميزة .. باصات بخدمات قطار يعني .. زي فلكسي وstudent agency
طبعا وفيه رحلات يومية سياحية تكون بحجوزات مسبقة .. بس انا شخصيا ما احب هالنوع لانها تحددك بوقت ومكان وازعاج !
وممكن بالسيارة لو تقدرون .. لكن ساعتها انصح بالسكن في منطقة اسمها Marianske Lazne المدح عليها اكثر بكثيييييييييير من كارلوفي واروق واخف زحمة سياح واجمممممممممممل ( يقولون) لكن للأسف مالها رحلات لا باصات ولا قطارات 

وماهي العملة المستخدمه في التشيك؟ وهل يسمح بدخول التشيك بفيزة الشنغن؟

العملة هي الكورونا .. بس يستخدمو اليورو برضو ..
ونعم طبعا يسمح بدخول التشيك بفيزا الشنقن .. دخلت التشيك ضمن الشنقن في 2006 اظن تقريبا ..

إضافة من عندي:

فيه برج ومطعم فوق الجبال وفيه اطلالة جميلة و(شكلها رهيبة) على المنطقة كلها .. اسمه مطعم وبرج دايانا .. لايفوت اي شخص يروح لكارلوفي فاري ..
الوصول اليه يكون ب فنكلير "مقصورة القطار السعنونه اللي ترقى الجبال" ومكان محطة الصعود جنب اوتيل قراند باب المشهور ..

الله يسمح امورنا وامور كل مسلم يارب .. ويسهل علينا سفرنا ويحفظنا في حلنا وترحالنا ..

20 يوم في التشيك وبولندا ممكن تفيدنا

مدينة كارلوفي فاري في شئ مميز ممكن تذكرون لنا