السلام عليكم ورحمة الله وبركاته
مرحبا جميعا .. رجعنا لكم بعد غياب دام اكثر من شهور بسبب انشغالي ..
أسأل الله التوفيق لي وللجميع يارب ..
هذه كانت اخر مواضيع رحلاتي الى اوروبا وتحديدا لندن
اليوم ان شاء الله باخذكم الى آسيا ودولة تبعد تقريبا 9 ساعات و اكثر عن دولتي الكويت
ميزة هذه الدولة ان شعبها فله ماشاء الله تبارك الله هههههههه
شلون فله انا اقولكم 
بحياتي ما حطيت عيني بعينهم الا اهما مبتسمين ماشاء الله شعب جدا متواضع
وشعب محب للحياة والمرح والضحك ..
يمكن البعض عرفهم والبعض لا ...
وسأطلق عليها لقب بلاد المليون مبتسم ^_^
كانت رحلتنا الى اندونيسيا لمدة اسبوعين .. ولا اخفي عليكم ان الرحلة كانت مفاجأه ولم يتم التخطيط لها مسبقا ...
ولله الحمد اعتبرها من الرحلات الجميلة ..
تم حجز طيران الاماراتية في شهر 6 سنة 2014 وكان ترانزيت من الكويت الى دبي ومن دبي الى جاكرتا
عند وصولنا الى مطار جاكرتا كان جدا بسيط ومطار عادي جدا وتم عمل الفيزا ايضا بنفس المطار بس كانت سريعة وما اخذت وقت كثير ..
الجو في اندونيسيا وتحديدا جاكرتا اقدر اسميه جو مجنون نوعا ما لان غالبا يكون برد بس مو برد شديد
واحيانا رطوبة واغلب الاوقات امطار !! يعني الجو متقلب جدا خصوصا في جاكرتا العاصمة
وصلنا الفندق ولله الحمد وكان سكن خاص ومتوفر فيه كل شي ولله الحمد ..
وهذا اكثر شي سهل علينا سفرتنا لان انا اخاف من اكل اندونيسيا صراحة فكان اغلب اكلنا من البيت
في شغلة لفتت انتباهي بالسفر صراحة وانا استغربت من نفسي جدا
يمكن انا ما احب التسوق تستغربون امرأة وتكره التسوق اي نعم انا التسوق عندي للحاجة فقط اخلص شغلي وخلاص اطلع من السوق بسرعة لاني اكرهه ...
تصدقون اني عشقت التسوق من بعد جاكرتا اجمل مافيهم اسواقهم شي خيال خيال وفوق الخيال
اسواقهم ولا بالاحلام ويمكن مره قبست عليهم ههههه
صار معاي موقف مضحك صراحة بعدين اقوله لكم ان شاء الله ...
اول اسبوع في جاكرتا ومن كثر ما اسواقهم حلوة حسيت الوقت بسرعة يخلص وانا اتسوق 
هذي بعض قائمة الاسواق اللي عشقتهم صراحة في اندونيسيا
غراند اندونيسيا – اللي كان احلا مافيه كافيه ماغنم عجيب
وهذا اللي صار فيني معاه الموقف ههههه طبعا اول ما دخلت المجمع اهو كبير وفخم
لما دخلت طفت الكهرباااا هههههههههه طبعا انا خلاص قلت ما راح ادخله ولا اشوفه ولما رجعت الكهربا طلعت قلت مابيه كرهته وغيرت وجهتي الى مجمع ثاني
في ايضا اسواق بسيطه اللي اسعارهم جدا جدا رخيصه فرصة اللي يبي يشتري بضاعه منهم – مثل
في ايضا مثل السوبر ماركت جمعيات مثل
يتبع رحلتنا الى بونشاك الجبل الاخضر حيث الطبيعة والمتعة الحقيقية
بونشاك. اعتبرها مكان استرخاء ومتعة للناظرين يعني اذا جمال الطبيعة في بونشاك ساحر
كيف اذا الجنة اللهم اسألك ان تجعلنا جميعا في جناتك
تصدقون اكثر شي ماحبيته في اندونيسيا زحمة السير للاسف كانت الشوارع اغلبها مغلقة من الازدحام
بس السايق كان ذكي اخذنا الى بونشاك عن طريق مختصر وهذا اللي حببني بالمسافة لان التصوير كان جميل في المكان المختصر ومررنا على بيوت الفقراء وشوارعهم وكنت اشاهدهم يجلسون في بيوتهم واللي متجهين الى المسجد واطفال يلعبون رغم الفقر ...
الحمدلله يارب على كل النعم
تقريبا اخذنا 3 ساعات للوصول الى بونشاك والجبل
وصلنا اخيرا الى بونشاك واتجهنا الى سفارى وكانت الاشجار تغطي المكان والشي اللي تغير علينا
الجو .. الجو كان جدا بارد وحسيت بفرق عن جاكرتا ..
واتجهنا الى مشاهدة الحيوانات في سفارى وكانت لحظة الخوف عندي هههههههه
حجزنا عرض الكاوبوي اللي اعتبره من اجمل العروض اللي شاهدتها في حياتي كان مميز والدقة في التمثيل والمؤثرات روووعة وما حسينا بالملل طول العرض
رحـلتي الى اندونيسيا !! جـاكرتا + بـونشاك !! 
