شبكة ومنتديات زاد المسافر / زاد المسافر الاوروبية / زاد المسافر الى النــمسا

إضافة رد
02 / 08 / 2015, 43 : 09 PM
رقم المشاركة :  11 
مسافر جديد



الملف الشخصي
تاريخ التسجيل : 18 / 01 / 2015
رقم العضوية : 90298
الإقامة : طيبة الطيبة
المشاركات : 60
التقارير : 1
الجنس : ذكر
الحالة : @carlito@ غير متواجد حالياً
رد: شغف الروح - فيينا, فالس, سالفلدن ام ستينه, بيرتيساو, بادن بادن, باريس

اليوم الأول والأخير بفيينا
15/05/2015
وصلنا ع الساعة 2 الظهر موعد جيد نوعا ما لقضاء بعض اليوم
بفيينا خاصة أنو النهار طويل جداً يعني عندك إلين الساعة 9 ع غروب الشمس
نزلنا من الطيارة ودربي روسك مع الروس
وصلنا لكاونترات الجوازات كانت نازلة تقريباً أكثر من رحلة
انتظرنا في الصف ما يقارب 20 دقيقة وصل دورنا
عطيته الجوازات بابتسامة
طالعني ويشيك ع الجواز طالع بالتأشيرة زين
قالي المدام خليها تكشف وبكل روح رياضية
نزلت النقاب شيك سريع
وأتوقع أنه بصمنا ماني متأكد
ع العموم ختم لنا الدخول وع سير الشنط لقينا شنطنا مباشرة
والحلو بمطارهم ارشاداتهم ما تضيع ابد
ودرب راسك يا باشا
طبعا مثل ما تم التنويه انه العربية ما تقدر تاخذها الا بـ 2 يورو حديد
اخذنا شناطنا ودربي دربي دربي
لقينا نفسنا عند بوابة الخروج
طبعاً المطار موهذاك القد يعني اعطيه 6 من 10
مطارنا الجديد احلا منه
اول ما طلعنا من البوابة
شهيق وزفير
شهههههيق طويل وزفييير
يااااااااه من جد إنتعاش وجو رااايق طبعا استقبلتنا فيينا بالامطار (الندى)
وأشوف سرا السيارات التاكسي اول واحد مرسيدس 200 جا اخذ مني الشنط
وحملها بالسيارة اول ما ركبنا قال السلام عليكم
مرحب وعليكم السلام
انا احمد من تركيا كيف حالكم طيبين
طبعا مكسر
ويلكم يا اخ احمد كيف حالك انتا وكيف المسلمين بفيينا
تمام تمام
انا امام مسجد لا والله قال أنا مؤذن بمسجد
ماشالله
ما أخفيكم اني قلت بنفسي من كثر ما اقرا بالتقارير انه بينصب علي الحين
ويصلخني وعين ع الجو الرائع والاشجار الطويلة
وعين ع العداد
طبعا قلت له هيلتون الدانوب
قال ان شاء الله 20 دقيقة ونوصل
طبعا قام يسولف كم يوم قاعد ووين بتروح
وانا بصراحة صادق معاه جداً
انا قلت اذا كان سعره زين بقول له ينتظرنا تحت نسوي شيك ان
ونغير ملابسنا ونطلع معه
من ضمن السوالف سألته بكم توصلون لسالزبورغ لو بغيت اروح بسيارة
قالي 400 يورو حطيت يدي ع راسي
المهم وصلنا الفندق وما ودي أوصل ابي اتمتع بالجو
قالي اذا ما خاب ظني 20 او 25 يورو
قلت له انتظرني عشر دقايق
رحب بابتسامة


الفندق من الخارج













سوينا تشيك ان سريع وسلس جداً


الغرفة















الاطلاله ع نهر الدانوب





عجبتن صراحة






طلعنا غيرنا ملابسنا ونزلنا


ودينا يا احمد ع ساحة ستيفنز
وصلنا الساحة قلت له ابي اتمشى وأروح بعدها ع شارع ماريا هيلفر
وصف لي الطريق
طبعا نزلنا وانا يدي وعقلي وقلبي كله مع ايش ؟؟
مين يجاوب؟
صح عليك
مع القارمن شلون بتنقل وبروح واجي طبعا من ركبت مع احمد من المطار
وانا فاتح قوقل ماب واشوف الطرق وشلون طريقة المخارج
وخط السير
نزلنا الساحة وقابلتنا عربية ايسكريم ويبدوا لي انه تركي اللي يبيع
اخذنا لنا ايسكريم بسكويت وقعدنا نتمشى زحمة يا دنيا زحمة طبعا
حاط قوقل ماب ع وضعية المشي وألف ألف من الساحة الى هذاك الزقاق
يعني الممر يا متعلمين يا بتوع المدارس
ومن هذاك الزقاق للشارع اللي ورا ومن هناك الى هنا
الساحة حلوة وحيه وجيدة لا تخلوا من التماثيل



















والأشكال اللي تلفت النظر











لحظة
من جد انا بفيينا ؟؟
ايه والله الجو حكاية بس ما ازعجنا الا اجراس الكنيسة
بصراحة مزعجة جداً ومقززة
المهم هدنا الجوع من اللفلفة
طيب وش نسوي الحين نبي اي شي ناكله
ومع هذي الافكار والمشي المتهالك
الا ألقى قدام عربية ويتبوسم لي
اممممم
شعنده ذا
اممممم كونان
الا عنده شاورما طيب خلينا نشوف وش وضعه
قربت منه الا يا مرحب يا مرحب إزيكوا يا بشوات
مصري الحبيب أهلاً وسهلاً
طيب اعطينا خلينا ناكل جوعا يا شيخ
من وين الاخوان
قلت له من المدينة المنورة
صراحة اول ما استقبلنا ما ارتحت له
بس بعد ما قلت له المدينة المنورة
قام يذكر الله ويصلي ع الحبيب
صلوا على خير البشر يا قارئين
اللهم صل وسلم وبارك وأنعم على نبينا محمد وعلى آله وصحبه وسلم
ما أخفيكم أنو الذكر يريح القلب
والله اني ارتحت له وأنا اشوف عينه تبرق مع ذكر الحبيب
المهم زبط لنا 4 شاورما وكان معاه واحد هندي بس الاكيد انه مو مسلم
لانو قلت له هات مويه ويقول لي قاز ويضحك ضحكة رفعت ضغطي
ويقوم المصري ويزعق عليه نو قاز نو قاز
بيني وبينكم هذي المعلومة انا ما قريتها بالمواضيع ممكن تكون ذُكرت لكن ما انتبهت لها
دائم المويه خذوها طبيعي ناتشيورال
المهم ما اذكر حسابنا كم كان
واعذروني على موضوع الصرفيه
تراني ما احسب وما ادقق حيل يعني اغلب المواضيع يمكن ما اذكر الحساب المدفوع
طالع يمين طالع شمال ما في مكان نتكي فيه
طلعنا من شارع ودخلنا بشارع طلعنا من ساحة ودخلنا بساحة
وأشوف الا في شارع عام هناااك
وفي كأنه استراحة أو كراسي خشب
توجهنا لها والجو كل ما له يزيد روعه وبرودة شوي
جلسنا واكلنا وبصراحة طلعت الشاورما مرة كبيرة اكلنا وحده وشبعنا
ما عرفت وين اودي الباقي فخليته ع الكرسي بشكل لائق مخافة الله اني ارميه بزبالة
طبعا الجلسة رايقة وحلوة والجو يزيدك روقان ومافيها الا واحد جالس مع المز
طبعا ع قد ما يصير قدامك سو نفسك منت شايف
وشفنا بزاوية الشارع بيلا السوبر ماركت
اوووووه طبعا هنا تسوي نفسك ابو العريف ع الضعيفة اللي معاك
هذا بيلا صراحة ممتاز وتلقين كل شي فيه
طبعا احنا اتجاهنا كان ع شارع ماريا هيلفر ووصلنا له وقعدنا نتمشى فيه شوي

طيب احنا تعبنا وش السوات وش الدبرة
طبعا مرينا ع اماكن كثير منها متاحف ومنها نقطة تجمع عربيات الأحصنة
اللي تلفلف فيك
بس احنا ما اخذناها واللي يروح انصحه انه يركبها لانها حلوة ومريحه
المهم خلاص طفينا نبي نرجع للفندق
تقريباً الساعة 7 ونص اطالع يمين واطالع شمال
طيب الحين نبي ليموزين عشان نرجع
طلعنا ع شارع دخول ع بوابة كبيرة كأنك داخل ديرة
ما حينفع لازم شارع خروج
دورنا لقينا شارع عام طيب كويس كيف النظام طيب
نأشر ولا كيف
قلت والله ما في الا هالحل
على كثر التاكسي اللي مروا محد وقف لي
ألين ما واحد دب بسيارته التاكسي هو ووجهه
أشرت له فقام أشر لي بيده يعني اقلب وجهك
عرفت انو هالنظام غلط وما هو مزبوط
طيب والعمل ؟؟؟
(أحمد) المنقذ ترن ترن ترن ترن
قيد هو معطيني كرته وحطيته بشنطة اليد
ع فكرة اللي بيسأل عن الشريحة أنا اخذتها من قاصرها
وفعلت خدمة التجوال والنت شهر من الاتصالات السعودية
بقيمة 350 ريال 4 جيجا
ولا بهذلت اطلع شريحة وحوسة اشحنها وفعلها وحطها ع جهازك
مشوار ما عجبني
المهم ترررررن رد يا مسلم
والله ويرد واقول يابويا ايش الحل ابغى ارجع الفندق قام يضحك وين انت
وصفت له ع شارع عام عند بوابة متحف وقريت له اسم المتحف
صراحة متحف كبيييييييييييييير وفخم ليتني دخلته بس مع التعب خلاص مابي الا الغرفة
والله شويه كذا ربع ساعة الا يجي بسيارته ونركب
وع الفندق عِدل.
واحنا واقفين ننتظر تقريبا ع زاوية شارع كل ما وقفت السيارات بإشارة تطفى
قلت والله انهم قعيطيه لهالدرجة البنزين والديزل عندهم غالي
ما يوقف الا اقل من دقيقة وكل ما وقف طفت السيارة استغربت!!
وصلنا فندقنا وطلعنا غرفتنا تروشنا وتزبطنا ونمنا
اوه صح قبل لا انزل قلت لأحمد تكون عندي بكرة الساعة 7 ونص الصباح
عشان توديني لمحطة القطارات وش اسمها ؟؟؟
هيبنهوف شي زي كذا
اللي يقرا ترا هذا مو تقرير معلومات تعتمد عليه
هذا تقرير حكاوي عن رحلتي
برجاء اللي يبي معلومات دقيقة وصحيحة في تقارير افضل بكثير يُعتمد عليها


--------------------------------------------------


صبااااااح الخييير
16/05/2015


موعدنا لاستلام السيارة من قرية فلاريسنق الألمانية ولازم نكون عندهم
قبل 12 الظهر لأنو يوم سبت ويقفلون 12


الصحوة على جو بارد وإطلاة جيده جداً ع نهر الدانوب
الهادي والرايق
الساعة تشير الى 6 ونص الصباح
نمنا نومه مريحة والحمدلله انفاسنا فيها كانت من عبير شذاها
اطالع من الشباك ما في ابن امه بالشارع
نزلنا تحت للفطور ونزلنا شناطنا معنا خليناها بالاستقبال
وسوينا تشيك أوت أسرع من الشيك ان
رهيبين بالدخول والخروج
ونزلنا تحت للافطار
الفطور جيد ومتنوع كان ودنا نفطر بالجلسات الخارجية لكن قالوا
ما تجهز الا بعد الساعة 7 اتوقع ينظفوها ويزبطوها
فاكتفينا بالنظر للنهر من خلف الزجاج







من جهة ثانية

















خلصنا ولله احمد فطورنا قبل لا يجي موعدنا مع احمد


طلعنا نتمشى ع ضفاف النهر





الين جت 7 ونص وبالفعل الرجال موجود أشرت له ع الشنط شالهن وحملهن
وع محطة القطار يا معلم
طبعا الشوارع فاضية والدنيا هاجدة ممكن عشان يوم سبت اي دونت نو
وصلنا محطة القطار وودعت احمدوه ودخلنا المحطة
مافيها ابن امه فاااااضيه
قعدت الفلف الفلف وين اروح ووين القطارات يا هوه
احد يكلمني طبعا رحت أقصى الصالة اسحب شنطي
شفت اشكال ما عجبتني من السمر واللي ما ترتاح لهم
ولا لنظراتهم
امممممم
تذكرت أنو لازم اقص تذكرة من الجهاز
لقيت ثنين عند الجهاز يقصون تذاكر
واحد قص وراح
والثانية قصت وانا واقف عند ام هالجهاز
اللي بالالماني ولا ادري وش اضغط
اممممم اكس يوز مي
بليز وي وانت قو تو سالزيورغ
اي نييد تيكت
المهم فهمت علي
قالت كم شخص قلت لها شخصين وطفل
والله ما قصرت قصت لي التذكرة
وقلت حط حاجه وتسعين يورو
درجه سياحيه
دخلنا بالجهاز 100 يورو طبع لي التذاكر ورجع لي الباقي
طيب وبعدين وشلون وين القطار
طلعت فوق بالسلم الكهربائي لقيت القطاراات واقفه
وجنبها شاشات صغيرة كل شاشة مكتوب عليها الوجهه
ثالث قطار ع اليمين
لقيت قطارنا (المشؤوم) الأحمر
اللي أكرهه


رحنا نجر شنطنا ووصلنا ولقيت واحد دب ابيض كأنه بطريق اكرهه يا ناس والله اكرهه
المهم عطيته التكت وقالي يلا اركبوا طبعا مو بالعربي
قلت لأم البندري اركبي وشيلي البندري معاك واحنا عند الباب
ركبت المدام وشلت الشنطة الاولى ورفعتها داخل القطار
إلا القطار بدأ يتحرررررك
هالددب الله ............ قام ركض وركب
انا قلت يا ولد خلك نفس الافلام واركض طيب والشنطة
قمت اهرول وشلت الشنطة وامدها للحمار اللي بالقطار قام ودفني
الله يلعن أبو شكل ....................
طبعا ً القطار أسرع وبح بح بح رااااااح القطار
قلبي طلع من مكانه ورب الكعبة
تخيل تشوف زوجتك وبنتك بقطار بأوروبا
ويروح فيهم !!!!!!!!!!!!!! وانت تطالع اخ بس
ونظرات بيننا شي يخلي القلب يتقطع

طبعاً بعد ما اختفى القطار عن الأنظار رجولي ما شالتني
القطار اللي بعده ما يمشي الا 10 ونص تقريباً
قعدت ماني عارف وش اسوي اتصلت ع جوال المدام
طلع لي مغلق ياا مصيبتي


وش صار ووش سويت ووشلون تصرفت ان شاء الله بالحلقة الجايه
الى اللقاء ..
مسوي بريزون بريك











03 / 08 / 2015, 52 : 08 AM
رقم المشاركة :  12 
مسافر جديد



الملف الشخصي
تاريخ التسجيل : 27 / 09 / 2010
رقم العضوية : 21022
الإقامة : مكه
المشاركات : 93
الحالة : سحابة الشرق غير متواجد حالياً
رد: شغف الروح - فيينا, فالس, سالفلدن ام ستينه, بيرتيساو, بادن بادن, باريس

كمل ������ ايش صار.. متابعين معاك..
04 / 08 / 2015, 10 : 10 AM
رقم المشاركة :  13 
مسافر جديد



الملف الشخصي
تاريخ التسجيل : 18 / 01 / 2015
رقم العضوية : 90298
الإقامة : طيبة الطيبة
المشاركات : 60
التقارير : 1
الجنس : ذكر
الحالة : @carlito@ غير متواجد حالياً
رد: شغف الروح - فيينا, فالس, سالفلدن ام ستينه, بيرتيساو, بادن بادن, باريس

اعذرونا ع التأخير
ان شاء الله اليوم بكمل
04 / 08 / 2015, 15 : 11 AM
رقم المشاركة :  14 
مسافر جديد



الملف الشخصي
تاريخ التسجيل : 18 / 01 / 2015
رقم العضوية : 90298
الإقامة : طيبة الطيبة
المشاركات : 60
التقارير : 1
الجنس : ذكر
الحالة : @carlito@ غير متواجد حالياً
رد: شغف الروح - فيينا, فالس, سالفلدن ام ستينه, بيرتيساو, بادن بادن, باريس




السلام عليكم ورحمة الله وبركاته..
وين وصلنا ؟؟؟
هههههههههههه
(لا تلوح للمسافر , المسافر راح )
(ولا تنادي للمسافر , المسافر راح)
(يا ضياع أصواتنا .. في المدى والريح)
(القطار وفاتنا) (المسافر راح)
هذا وضعي وهذا اللي ينطق به لساني يالمتنبي
طيب بديت اتصل ع المدام الجوال مغلق ؟
البطارية الاضافية (الشحن) معاي بشنطتي
صورة جواز وتأشيرة البندري معاي بعد
هي معاها بسصورة جوازها.
ألف فكرة وفكرة براسي وش اسوي
ووش هي راح تسوي بقطار تقريباً فاضي ما في الا كمواحد
بديرة ما تعرف فيها اليس من النو ؟؟؟
لا ومعاها حشاشة يوفي خخخ
قلت اكلم الادارة يرجعون القطار ولا يوقفونه
انا اعرف انكم كلكم تقولون مستحيل
بس أنا بموقف ما احسد عليه
ووقت النكبة ما تفكر ابد
تبي أي حل تتعلق فيه
لقيت أمنالمحطة واقفين قلت لهم اللي صار
بكل بجاحة وبرودة ووبتسامة حيوانه يقول
عادي انتظر القطار اللي بعده
والله الشرهه مو عليك
علي انا ,,
نزات تحت للمحطة وشنطتي اسحبها خلفي
ورجولي مو شايلتني
والقى كاونترات كثيرة فيها ممكن شخصين
شكلهم ناوين يجلطوني
وللأسف ما استفدت أي شي منهم
شي يرفع الضغط
وعيني ع التلفون
الا رسالة واتس من المدام
تقولي (وش السالفة)؟
انت وينك ؟
ليش ما جيت؟
طبعاً أناهنا لازم دور السوبر هيرو
قلت لها القطار راح انتي جلستي؟
تقول لي لا واقفه ومعاي الشنطة عند الباب
لا , هنا وجب علي سب الدب الخنزير
حتى ما كلف ع نفسه يقولها
اجلسي ولا يوريها مكانها مع انه شايف التذاكر
طبعا سبيته سب ما ينفع اكتبه لكم
قلت لها اقعدي بأقرب كرسي وخلي الشنطة عند الباب
ثقيلة عليك وخليك ماسكه البندري لا تتركينها ابد
طبعا هنا أنا صرت مهند خخخخخخخخخخخ
تقولي طيب وشلون الحين متى بتجي انتا؟
ما علي الا اكذب عليها كأنها بيبي
خلاص الحين شوي اشوف انا
اذا احد كلمك دقي علي وانا اكلمه ع الجوال
لا تكلمين احد .
طبعاً هنا انا جا ببالي (المنقذ) احمدوف
هو في غيره
اتصلت عليه وقلت له حصل معاي
كيت وكيت وكيت
لا حول ولا قوة الا بالله هو يقول خخخ
طيب يابو شوف لنا حل
قالي انا جايك الحين ربع ساعة اكون عندك ان شاء الله
خليك بنفس مكان ما نزلتك
وطول الربع ساعة هذي وانا ع الواتس مع المدام
شوي إلا قالت لي (نزلونا) ؟؟؟؟؟؟؟؟؟
ايش قالت وقف القطار وقالوا لي أنزلي!!!!
طبعا أنا هنا جنييييت وارجع وأسب مو بس الدب
سبيت فيينا كلها
طيب وين انتي الحين قالت مادري
كأنها محطة قطارات اللي نشوفها بالافلام
في كراسي جنب السكة ومظلات مكسرة
وفااااضيه ما فيها احد
قلت لها اكيد في محطة ادخلي وشوفي لي أي دليل
عشان اعرف وين انتو
دخلت لقت وحدة عجوزة اتصلت عليها
وكلمتها يا ام الشباب انتو وين ؟
وش اسم المحطة ؟؟؟
طبعا تهرج ألماني وما فهمت عليها والله.
قلت لها صوري لي أي شي قدامك ع الشارع العام
قامت صورت لي محل كبير كذا لون لوحته صفرا
طيب يمين شمال ما في امل
ساحات فاضية
طيب والحل جتني فكرة قوقل ماب
قلت لها ارسلي لي موقعك من الواتس
تحاول تدخل تبي ترسل يقول لها لا يمكن ارسال الموقع
ثاني ثالث ما في امل
صورت لي الشاشة اتضح لي انه من الاعدادات مغلقة
ادخلي ع الاعدادات وشغلي تمكين المواقع
وادخلي ع الواتس تقولي مكتوب (مطلقاً)
شوفوا شلون الاعصاب مشدودة والعقل موقف
وانا بصراحة انصح اللي يقابله أي موقف لازم يهديعشان يعرف يفكر
تقولي مكتوب (مطلقاً) وانا اقول لها ايه كويس
خلاص روحي ارسلي ونفس المشكلة لا يمكن مشاركة الموقع
طيب والحل في ام الليلة هذي
بال مع المدام
وبال مع السيارة اللي لو ما استلمتها قبل 12 راحيروح علي اليوم
وبكرة الاحد
ويخرب ام الجدول ؟؟؟؟؟؟؟؟؟؟؟؟؟
الساعة صارت تقريبا 8:45 واحنا ع هذي الحالة
عاد قامت فكرت هي شوي وادخلت ع قوقل ماب وحددتموقعها
وصورت الشاشة وارسلتها لي كصورة.
زين كويس ممتاز ع الاقل عرفت هي وين مكتوب
اسم المنطقة والشارع
قلت لها اقعدي بمكان كذا مفتوح يعني قدام ممر الناس
لا تقعدين بمكان صاد لو صار لك شي ما راح احد يدريعنك
ها وينك متى بتجي
هذا انا بالطريق جايك
وانا اصلا ما تحركت من مكاني
وجا احمدوه وينك ياخي تأخرت ؟؟
المهم وريته الصورة وفيها اسم الشارع
قام حطه بالقارمن عنده وتقريباً 20 كيلو من موقعنا
وهذي لاحظتها اغلب السيارات هناك كبيرة او صغيرة
ما تمشي الا بقارمن بالسيارة
المهم ودينا خلينا نخلص
وبسم الله
تحركنا ويجيبنا القارمن من المحطة من الخلف
وقدامنا سكة الحديد قالي استنى شوي اجيبك
من البوابة قلت له لا نزلني هنا وانتا
تعالي من عند البوابة
وانزل والشنطة معاه واقطع السكة مثل الغزالخخهخهخهخه
التفت يمين التفت شمال لا يجيك قطار مشوووت موشايفني
قيد انا كرهت ام هالقطارات وخاصة الاحمر
وتصير نهايتي ع قطار ويطلعوني بالاخبار
وفاة سعودي دهساً بالقطار أثناء محاولته لانقاذزوجته وبنته
خخخخخ
المهم نقزت السكك تقريبا خطوط كثيرة فيها أكثر من 10خطوط
وشفت الكرسي والمظلة المكسورة اللي قالت لي عنها اهيا قلبي
نزلوك هنا يا بعدهم وبعد طوايفهم
هالدب انا حاقد عليه للحين
هههههههههههههههههههههههههههههه ه
طيب شلون بروح للجهة الثانية ما يمدي لانه عميقومسار السكة عند
محطة الوقوف اللي شايف عميقه ما حيمديك
اذا نزلت ما راح تطلع من الجهة الثانية
تذكرت احد التقارير انو اللي بيروح من جهة للجهةالثانية ينزل من تحت
زي القبو او الممر الأرضي يطلعك للجهة الثانية
والله وبالفعل شفت الدرج ونزلت واطلع داخل المحطة
يالله وش ذي المحطة خرابه
قديمة ومكسرة وظلمه وما فيها الا ثنين او ثلاثهيمشون
واطالع الا المدام قدامي
طبعا ما اخفيكم هنا مو مهند ولا يحي ولا اللي جابهم
طلع الاسباني اللي بداخلي من جد
ترا يمكن البعض يقول اني مبالغ
لكن بجد تراه تحدي خاصة بلاد غربة وأول مرة
وقطارات وما في احد
تراه شي صعب.........


طيب الحين وش السوات
طبعا ما كسرت خاطري الا البندري
تقولي بابا لا تروح مرة ثانيه وتخلينا
هنا نفسي امسك هالدب واصفق ابو ابوه
ههههههه حرتي ما طلعت للحين فيه
المهم واكلم احمد ها وينك قالي جايك
شوي الا هو قدامي ويحمل الشنطة بالسيارة
ويقول للمدام حمدلله ع السلامة هو ووجهه
اقول خلك بطريقك لا تتصفق بس
احمدوه تدل سالزبورغ
قالي ايوا معروف
قلت توكل على الله
لا ابو القطارات ولا ابو فيينا ولا ابو الفلوس
خلاص قفلت معاي بس بشرط ابي اكون هناك
قبل 12 الظهر وتقريبا الساعه جت 9 وربع
واعطيه احداثيات محل سيكست اللي بقرية فيلاريسنق
وعطاني وقت متوقع ع الساعة 11 ونص الظاهر او شي زيكذا
قلت له ع دعسة وحدة وديني
وبالفعل مسكن الطريق ووقفنا بمحطة نزلنا اخذنا
لنا مويه وسناكس وقهوة بالحليب
بصراحة قهوتهم رهيبة وطعمة من أي مكان
تاخذ قهوة راح تعجبك
وصلنا بالسلامة اتوقع 11 وربع واحنا قدام محل شركة
سيكست وانا ادعي انه ما يصير لي شي
واستلم سيارتي واشوف وضعي
دخلت هيلو هيلو
واعطيه الحجز والرخصة الدولية والفيزا والجواز
شيك قالي وقع ع شاشة قدامي وقعت الكتروني طبعاً
انطبع التوقيع ع الشاشة وسلمني اوراقي وبرنت
تفاصيل الدفع وقالي وقت ما تجي
تسلمها تجيب معاك هالورقة وفي رقم
اشر لي عليه قال هذا اذا صار لك أي شي
اتصل عليه 24 ساعة
ثانكيو
ويلكم
وسلمني مفتاح السيارة
هنا قلت لاحمد اقلب وجهك
ونزل الشناط وحاسبته الظاهر اني اعطيته 450 يورو
وين سيارتي
قالي هذي اللي قدام الباب
واطالع الا جيب مرسيدس 350 اسود




ماشي تقريبا 18 الف كيلو نظيف وحلو

مع انه كان حجزي انا ع مرسيدس صغير
بس اعطوني هالجيب وبنفس السعر والمواصفات
ديزل كيلومترات مفتوحه تأمين شامل ضد الغير
حملت اغراضي ودخلت احداثيات
الفندق اللي بقرية فالس وأول تحدي بين
المنطق والعرف هل راح أوصل للفندق
ولقريتي الجميلة
وكيف راح تكون السواقة ونظام الطرق
طبعاً في محطة عند محل سيكست رحت
وانا كأني اول مرة أسوق سيارة حط ع الدي امش شوي
حط ع الار ارجع شوي اسحب البريك
فك البريك
زبط المرايات
اربط حزامك
ها امورك مزبوطة
ايه ان شاء الله تمام
نزلت واخذت الستيكر حق الطرق
وبما اني جالس 14 ليله اخذت
حق عشرين يوم
يعني 10 ايام و10 ايام بعدها
لانو يا تاخذ 10 ايام او شهر
فأخذت استكرين وخرمت لي تاريخ البداية
طبعا لزقت الاستيكر الاول وبسم الله ع قرية (فالس)
وش صار ووصلت تمام ولا ضيعت وشلون تجربة السواقة بأوروبا
ما راح أتأخر ان شاء الله
شكراً لكم ولمتابعتكم

04 / 08 / 2015, 11 : 01 PM
رقم المشاركة :  15 
مسافر جديد



الملف الشخصي
تاريخ التسجيل : 01 / 05 / 2014
رقم العضوية : 73735
الإقامة : السعودية
المشاركات : 74
الجنس : ذكر
الحالة : انترلاكن2014 غير متواجد حالياً
رد: شغف الروح - فيينا, فالس, سالفلدن ام ستينه, بيرتيساو, بادن بادن, باريس

الحمدالله على سلامة الاهل والدب الله لايوفقه قهرررررررررني
04 / 08 / 2015, 58 : 01 PM
رقم المشاركة :  16 
مسافر جديد



الملف الشخصي
تاريخ التسجيل : 18 / 01 / 2015
رقم العضوية : 90298
الإقامة : طيبة الطيبة
المشاركات : 60
التقارير : 1
الجنس : ذكر
الحالة : @carlito@ غير متواجد حالياً
رد: شغف الروح - (فيينا, فالس, سالفلدن ام ستينه, بيرتيساو, بادن بادن, باريس) مايو 2015

اقتباس: المشاركة الأصلية كتبت بواسطة انترلاكن2014
الحمدالله على سلامة الاهل والدب الله لايوفقه قهرررررررررني




هههههههههههههههههه
والله انه صورته مطبوعه بعقلي
ان شاء الله اقرب سفره لفيينا
بروح اشوته خخخخخ


شكراً لمشاعرك
04 / 08 / 2015, 38 : 06 PM
رقم المشاركة :  17 
مسافر جديد



الملف الشخصي
تاريخ التسجيل : 02 / 08 / 2014
رقم العضوية : 80998
الإقامة : السعوديه الجبيل
المشاركات : 7
الجنس : ذكر
الحالة : سفير الجنوب غير متواجد حالياً
رد: شغف الروح - فيينا, فالس, سالفلدن ام ستينه, بيرتيساو, بادن بادن, باريس

صراحه موقف لاتحسد عليه
والحمدلله انك لقيت زوجتك وبنتك بالسلامه
ومتابعين معك التقرير
05 / 08 / 2015, 24 : 07 PM
رقم المشاركة :  18 
مسافر جديد



الملف الشخصي
تاريخ التسجيل : 02 / 08 / 2015
رقم العضوية : 109121
الإقامة : KAS / Riyadh
المشاركات : 44
الجنس : ذكر
الحالة : كوخ سويسري غير متواجد حالياً
رد: شغف الروح - فيينا, فالس, سالفلدن ام ستينه, بيرتيساو, بادن بادن, باريس

هههههههههه
والله موقف مريب والحمد لله قدرت تتصرف




افضل شي استأجار السياره من اول يوم


اول ما توصل المطار تكون سيارتك جاهزه وتروح بكيفك




الحمد لله ع السلامه
06 / 08 / 2015, 15 : 09 AM
رقم المشاركة :  19 
مسافر جديد



الملف الشخصي
تاريخ التسجيل : 18 / 01 / 2015
رقم العضوية : 90298
الإقامة : طيبة الطيبة
المشاركات : 60
التقارير : 1
الجنس : ذكر
الحالة : @carlito@ غير متواجد حالياً
رد: شغف الروح - فيينا, فالس, سالفلدن ام ستينه, بيرتيساو, بادن بادن, باريس

اقتباس: المشاركة الأصلية كتبت بواسطة سفير الجنوب
صراحه موقف لاتحسد عليه
والحمدلله انك لقيت زوجتك وبنتك بالسلامه
ومتابعين معك التقرير


شكراً لمرورك
ان شاء الله اليوم بكمل

06 / 08 / 2015, 17 : 09 AM
رقم المشاركة :  20 
مسافر جديد



الملف الشخصي
تاريخ التسجيل : 18 / 01 / 2015
رقم العضوية : 90298
الإقامة : طيبة الطيبة
المشاركات : 60
التقارير : 1
الجنس : ذكر
الحالة : @carlito@ غير متواجد حالياً
رد: شغف الروح - فيينا, فالس, سالفلدن ام ستينه, بيرتيساو, بادن بادن, باريس

اقتباس: المشاركة الأصلية كتبت بواسطة كوخ سويسري
هههههههههه
والله موقف مريب والحمد لله قدرت تتصرف




افضل شي استأجار السياره من اول يوم


اول ما توصل المطار تكون سيارتك جاهزه وتروح بكيفك




الحمد لله ع السلامه




الله يسلمك
كلامك صحيح لكن احياناً
تضطر لستأجار سيارة من قرى أخرى
خاصة اذا كان تسليمها بدولة ثانية
شاكر لك يا غالي
إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
[أماكن سياحية] هدية لعشاق بادن بادن #حديقة حيوانات Karlsruhe ZOO # قرب بادن بادن وعلى بعد خطوات من قصر Schloss Karlsruhe خالد الشمري زاد المسافر الى المانــيا 16 10 / 04 / 2016 12 : 05 PM
رقم سواق تاكسي في بادن بادن للذهاب إلى باريس vertigo بوابة الأسـتـفسارات عن الـمـانـيـا 1 31 / 07 / 2015 39 : 02 PM
كم قيمة تذكرة القطار من بادن بادن الى باريس الاديفنس ايمنو الرياض بوابة الإستفسارات عن فرنسا 0 09 / 09 / 2012 01 : 04 PM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .