تقرير رحلتنا الى ارض الطيبة والاحترام البوسنة والهرسك
السلام عليكم ورحمة الله وبركاته
البـــــــــــــــدايــة انا اول مره ادخل منتدى واول مره بحياتي انزل تقرير فعذروني اذا كان في اخطاء بطرحي لتقرير صار لي كم يوم راجعين من السفر وحبيت انزل هـ التقرير ..
هذي رحلة كانت بنسبة لنا صدفه من اجمل الصدف...في البداية كنا نخطط انا وابو العيال نسافر مكان
وقررنا مره النمسا ومره المانيا ومره الصين ومره سريلانكا وماخلينا مكان ما زرناه وحنا بالبيت هههههه
ويوم من الايام وبصدفه اشوف مقطع باليوتيوب عن البوسنة واعجبت فيها ورحت اقول لابو العيال عن البوسنة
قالي انتي مهبولة في حرب قلت خلصت الحرب المهم مالكم بطويلة حطيناها بالنا وقمنا نجمع معلومات عنها
ونخطط ونبحث ونقرآ .. اول خطوة كانت موضوع الفيزآ وطلع ان فيزة البوسنة لازم دعوه من شخص او مصحه او فندق .وقام ابوالعيال الله يخليه يبحث من منتدى لمنتدى ومن مكان لمكان يدور شخص ثقه وحصل شخص كاتب رحلته ومادح سواق وانا من هنا ادعي له من كل قلبي فعلآ ربي وفقنا في سفرتنا من هالشركة ولله الحمد اخذ زوجي رقم السواق الي نزلة الشخص ب احد المنتديات وراسله واتس وقال له راسلني ايميل وفعلأ ارسل له زوجي وهذا كله قبل لا نحجز تذاكر وقال لازم اول تحجز التذاكر عشان احجز لكم الفندق وارسل الفوتشر الاصل عشان الفيزآ ..
[CENTER]اولا :
تم حجز التذاكر قبل موعد الرحله بشهرين فقط وكانت بتاريخ 8/9/2015 على الخطوط التركية والعوده بتاريخ 19/9/2015[/FONT] وكانت بقيمة 6160 ريال وسعر هذا مع الغاء وتعديل الحجز تم من مكتب الطيار لشخصين انا وزوجي فقط سير خط الرحلة من مطار عمان الاردن الى اسطنبول وترانزيت كانت ساعه فقط ومن اسطنبول الى سرايفو والعودة من سرايفو الى اسطنبول ترانزيت ساعه من ثم عمان الاردن وسبب اختيار المطار عمان لان اقرب مطار دولي لاهل الشمال القريبين منها واختصار كثرة النزول في المطارات..
الخطوط قريت الكثير يسبها وكنت خايفه منها ومن تعامل الي قريت عنه ولكن للامانه بعض الكلام عكس الواقع من اجمل الخطوط التي مرت علي من تعامل الموظفين الى الطايره والخدمات والوجبات والشحن الامتعه بصراحة شهادتي فيها مجروحه من جد شي رائع وجميل بنسبة للوزن المسموح للامتعه للامانه ماادري كان وزن حقيبتين 40 كيلو وماخذو علينا شي
ثــــانيـــــــــــا :
تم مراسلة الشخص عدنان جواد البوسنوي صاحب الشركة ترايفل وطلب من زوجي ارسال صورة الجوازات وفعلا ارسل له صور الجوازات كان ودي احط صور مراسلاته معاه لكن للاسف ايميل زوجي يطلع ولا اعرف احذف واعدل بالصور وفعلا ارسل له الصور وراح انسخ محادثته معاه
(لاستخراج التأشيرة تحتاج نسخة أصلية من الدعوة او الفوتشر من الفندق نحن نقدر نساعدك بفوتشر من الفندق كي تحصل على الفوتشر لمدة كاملة لازم تدفع للفندق مقدما ثلث أو نصف المدة حسب الفندق أول يكون الحجز ثم الدفع، و بعد الدفع استخراج الفوتشر و إرساله لك عندما يصل لك تذهب به إلى السفارة و تستخرج التأشيرة كل إجراءات حول التأشير تتخلص ب٢ظ** يوم تقريب)
الفنــــــــــــــــــــــــــ ادق ..
طبعآ زوجي حط له البرنامج الرحلة كانت 10 ليالي ل 11 يوم وحط له اسماء الفنادق الي حابين نسكن فيها مدينة سرايفو.. خمس ايام الاولى فندق هوليود غرفه مطلة على المسبح منطقة بيهاتش.. ..يومين فندق اوبال غرفة مطلة على نهر واخر يومين فندق هوليود
وجميعها شامله الافطار مجانآ ف طلب من زوجي تحويل مبلغ قدره 315 يورو لتاكيد الحجز وارسال فوتشر للعلم ان المواصلات مع الفنادق ب 1615 يورو مع توصيل من والى المطار راح زوجي يحول المبلغ من البنك الراجحي على حساب شركة رفضو وراح الى بنك انجاز ورفضو وقالو ممنوع نحول لاسم شركة وحاولنا ورفضو راسل زوجي الله يحفظه الاخ عدنان وقال له ارسل لي اسم شخص ارسل المبلغ عليه وفعلأ ارسل له ب الايميل اسم الشخص وارسل زوجي المبلغ وجلسنا ثلاث ايام وحنا خايفين يكون نصاب وسحب علينا ولايرد علينا وبعد ثلاث ايام ارسل لنا انو ارسل الفوتشر عن طريق شركة UPC
طبعآ خبرنا الاخ ان الشركة يقولون انو اتصلو علينا وماردينا وهم اصلا ماتصلو ولا حصلنا أي اتصال منهم وارسل لنا الاخ عدنان صورة رقم الشحن واتصل زوجي على الشركة الي برياض وخبرونا انها وصلت وبعد يومين توصل لمنطقتنا ب الشمال عن طريق مندوب وانتظرنا يوم ثاني يوم وماوصل شي واخذنا رقم المندوب التابع لشركة وتعذر منا على التاخير وقال يومين بالكثير واكون عندكم وفعلا يوم الاربعاء استلمنا الفوتشر الاصل
ثــــــــالثــــــــــــــــــ ـآ :
الفــــــــيــــــــــــــزآ
انطلقنا يوم الجمعة الى مدينة الرياض من اجل الفيزآ شروط الفيزآ 1/ صورة التذاكر والجواز مع الاصل + صورتين شخصيتين 2/ تأمين طبي وللاسف طلع علينا ب 400 ريال من التعاونية لاشخصين 3/ تعريف من العمل 4/ الدعوة ((الفوتشر الاصل الي ارسله الاخ عدنان)) 5/ تعبيئة نموذج ونموذج اخذه زوجي من السفاره وجلس يومين يحاول يعبي فيها الغة الانجليزية مشكلة 6/ تسديد 155 ريالاً لكل جواز سفره مفردة. يوم الاحد راح زوجي لسفاره وكانو يداومون من ساعه 11 الى 2 ثلاث ساعات واول يوم ماخلصها زوجي ف نصيحه لكم حاولو طلعون نموذج وطباعته من السفارة بحسابهم بالفيس بوك اختصار للوقت وعدم اضاعة الوقت والتوهق مثلنا ثاني يوم خلص النموذج وهو يوم الاثنين وسلمة لهم وسدد الرسوم عن طريق الصرافه وقالو بعد اسبوع نرسلها لك عن طريق DHL وفعلأ تسلمناها بعد اسبوع ودفع اول مااستلم الجوازات من DHL اتوقع 100 ريال وعليها والله مدري كم ..وللمعلومية ضروري حضور ولي الامر شخصيآآ.. اما انا ما طالبو حضوري فقط زوجي والسفاره عطلتهم يوم الثلاثاء والجمعة والسبت..
جهزنا شناطنا وارسلنا للاخ عدنان لتذكير بموعد وصولنا واستقبالنا بالمطار واعذروني راح انزل صور وكلها كنت انزلها بسناب شات وحفظتها عندي موعد رحلتنا يوم الاربعاء ساعه 3 الصباح ومشينا يوم الثلاثاء العصر الى الاردن عن طريق سواق ب 500 ريال من منطقتنا الى مطار عمان وصلنا المطار ساعه 9 ب ليل وجلسنا ننتظر طول هالوقت بالمطار
ودهمنا الجوع فقلنا ناكل أي شي لحد ماتفرج علينا الجو كان مره عجاج وغبار .. وخفنا بصراحة يومها
وبعد مااكلنا شي خفيف راح زوجي للمصرف لتحويل مبلغ الى يورو وللأسف كان فارق العملة واضح تندمنا ان ما حولنا من مصارف السعودية اتوقع حول مبلغ يمكن4500 ريال فقط الى يورو وطلع ب954 يورو فقط وهذا كان لسواق وكان باقي له فلوس بعد ماسحبناها قلنا هناك نسحب ف نصيحة اسحبو من الصراف بالبوسنه لان ماحد يتعامل باليورو كله ب المارك والشركة عادي قالو بعد ماوصلنا مو ضروري ب اليورو العملة...ريال سعودي يساوي 2 مارك بوسنوي المهم نكمل سالفتنا ودخلنا بعد مافتح المسار وخلصنا امورنا وكانت سهلات ولله الحمد وجلسنا نتسوق لحد مايجي موعد فتح البوبة
وفتحو البوابة وكانت مره زحمة للمتوجهين لاسطنبول للاسف ماعندي صوره عندي فديو لزحمة ماكنت عارفة اني بقرر انزل تقرير وإلا حسبت حسابي توكلنا على الله وطلعنا الطيارة وجلسنا بمقاعدنا وانا للحين احس اني بحلم مو مصدقه اني بروح البوسنة وطارت الطياره ويهبط قلبي من الخوف وذكرت ربي وتشهدت وطول ما انا فوق ب السماء كل ماغفى زوجي صحيته اقول الحين تطيح الطياره مالت مالت وتجود واذكر ربي المسافه بين عمان واسطنبول ساعتين جاء وقت الوجبة وطلبنا كولا مع الوجبة
وصلنا اسطنبول بمطار أتاتورك وكان مبنى كبير وزحمة وكنا نمشي مع الي يمشون وشفنا رقم بوابة الرحلة وركض لها وعلى طول نختم جوازاتنا ونطلع الباص ونروح لطياره
وطلعنا الطياره واخذت صوره كالعاده بسناب قبل تطير الطياره
واقلعت الطياره وانا اتشهد واذكر ربي
وجاء وقت وجبة الافطار
كانت الرحلة تستغرق ساعه و45 دقيقة ولكم الصور بعد ماصرنا فوق الاراضي البوسنية
وصلنا مطار سرايفو بسلام ونزلنا وخلصنا الاجراءت وكانت مره سهله وبسيطه في المطار اخذنا شناطنا وطلعنا وسواق كان ينتظرنا عند المطار حامل اسمائنا واسم سواق عمر من شركة ترايفل وبصراحه هالشركه انصحكم فيها وبقوه ناس يغلبونك ب احترامهم وطيبتهم واخلاصهم مهما مدحت فيهم مااوفي حقهم.. وصلنا فندق هوليود وخلص السواق اوراقنا عند الاستقبال
صورة اطلالة غرفتنا
وبعدها رحنا نكتشف المنطقة الي حول الفندق وكان فينا نوم وطار
وبعدها رجعنا للفندق ونمنا وصحيينا على العصر وكان فارق توقيت ساعه فقط بين البوسنة والسعودية وبنسبة للفندق كان ينقصة شطاف الوضوء. وبعد ماصحينا صلينا ولبسنا ورحنا نتمشى وكان الفندق قريب منة الكافيات والاسواق و والمطاعم .
بعدها داهمنا الجوع ورحنا مطعم واخذنا بيتزآ وكولا
وكان طعمها مرا جميل برغم اخذنا وسط الا انها كبيره وتشبع وسعر البيتز الوسط اتوقع ب 5 مارك يعني 10 ريالات سعودي والكولا كانت ب 1 ونص مارك يعني 3 ريالات اسعارهم قريبه جدآ من اسعارنا مافي فرق الا شي بسيط ..بعدها رجعنا للفندق واخذنا كافي فيه وجلسنا نسهر انا وابو العيال
رد: تقرير رحلتنا الى ارض الطيبة والاحترام البوسنة والهرسك
اليوم الثاني
صحينا بدري على ساعه 8 تقريبآ وتجهزنا ونزلنا للافطار وكان مجانآ
الافطار بالفندق كان غير متنوع وكان ثابت بمعنى كل يوم نفس الفطور مافي تنوع ابدآ..
بعدها جاء السواق وطلعنا معاه وكان برنامجنا اليوم ..جبال الومبية,نبع البوسنة
كانت عندنا مشكلة ان جوالاتنا طفت شحن وماحسبنا حسابنا ب النقاط الكهرب
واحنا طالعين للجبل كانت المناظر مرا جميلة جدآ واخذ زوجي جوال السواق وصور بعض صور بس للامانه استحينا من السواق ف ماصورنا كثيررر
وهذا مسجد المجاهد ابو حمزة
الجو كان مرا بارررد ومنظر الضباب مرا جميل
وبعدها طلعنا نبع البوسنة ولا صورنا ولا صوره لان جوال سواق كمان طفى
بس هاليوم كان جميل مع الاجواء واستمتعنا فيه للامانه بعد مارجعنا شرينا نقاط كهرب وشحنا جوالاتنا استعداد ليوم غد موثق بصور
اليوم الثالث
البرنامج كان - موستار, نبع بونا , شلالات كرافيتس
الطريق بين سرايفو موستار كان مرا جميل اعذروني مااعرف انزل فديوهات وان شاء الله اذا خلصت التقرير انزل اخر شي الفديوهات بعد مااتعلم هههه
وصلنا موستار وكان الجو مرا حار وللامانه حسيت اني بسوريا القديمة
هذا جسر موستار
اخذنا كافي وجلسنا مع حرارة الجوو اخذنا شي حار مااروعنا هههههه
بعدها طلعنا نبع بونـــا وقال انو في تجديف بس ماطلعنا فيه
وتغدينا بمطعم بنبع بونا بس ماانصحكم فيه طلبنا مشاوي وكان مرا طعم مو حلو نكهة الزيت ماعرفت شنو نوعه وتقريبآ دفعنا بالسعودي حول 180 ريال مع غدا السواق دفعناه احنا غير مسؤولين بطعامه ولا شي بس اخلاقه وتعامله تجبرك على احترامه واكرامة للامانه..
الجسر الي يودينا للمطعم
اعشق الورد وكل ماشفت ورد صورته
علمتني الورود ..أن أكون مثلها وان أرتدي ثوب الطهر والعفاف
وأن أصنع لنفسى ساترا اجعل منه شوكة فى وجه من يحاول أن يقترب مني..
بعدها طلعنا شلالات كرافيتــــسا واتركم مع صور
وبعدها رجعنا لسرايفو وصلنا على ساعه 9 ب ليل وتعبنا ونمنا على طول وبكذا خلصت تقرير يوم الثاني والثالث في صور كثيره بس ماتوقعت ان تقرير متعب لدرجه ذي ف اختصرتهم انتظرونا لليوم الرابع والخامس .
صحينا وافطرنا بالفندق وتجهزنا كان البرنامج كهف بيامباري والمدينة القديمة الكهف بصراحه ما أنصحكم فيه ممل وكل ماتدخلون بوابة تدفعون تكت وياليت على شي حلو وجهة نظري مرا تندمنا ان حطينها بالبرنامج اول ماوصلنا دفعنا تكت ودخلنا صوره قبل ركوب القطار
بعدها دفعنا فلوس لركوب القطار الي يوصلنا للمغاره وكان بعيد شوي
وصلنا وقالو مقفله المغاره تفتح بظبط ساعه 12 وكالعاده اخذنا كافي وهذا ادمان بنسبة لنا
وتمشينا شوي حول هالكوخ واعجبني مرا جميل
بعدها مشينا للمغاره وكانت المشي لها متعب مرا المغاره كانت بارده مرا ثلج سبحان الخالق ولكم بعض الصور
وبعدها دفعنا لركوب القطار لرجوع بصفة عامه المغاره اكبر ندم ان ضيعنا وقتنا فيها وارجع اقول وجهة نظري انا والناس اذواق وداهمنا الجوع وطلعنا لمطعم مرتفع قريب من السوق القديم لسرايفو المطعم اطلالتة جميل مرا ومرتفع والاكل فيه حلو وللاسف اغلب الي التقطته كان فديو يمكن صوره حصلتها
وجاء طلبنا وكالعاده خلينا السواق يطلب على حسابنا
بعد ماتغدينا وسولفنا على هالمنظر الرائع نزلنا لسوق القديم وماحبيت اروح له فــ رحنا لمجمع بي بي سنتر والمجمع يعتبر اكبر مول بسرايفو ولكن مقبول
وطلعنا برا المول وتمشينا حوله
بعدها رجعنا وتمشينا كالعاده لنهر البوسنه ويقلون انه فيه كبريت وكان قريب مرا للفندق هالنهر
ولازم نشرب كافي ادمان ..
وبكذا خلص يومنا الرابع ..ِ
جميلٌ جدا ان تكون هناك يداً تشد يدك نحو السعادة ..
رد: تقرير رحلتنا الى ارض الطيبة والاحترام البوسنة والهرسك
[QUOTE=ابو الخفوق;1044833]ما شاء الله التقرير روعه
استفسار هل هي مناسبه للاطفال
هلا اخوي انا من وجهة نظري الخاصة غير مناسبة
لايوجد امكان ترفيهيه للاطفال البوسنة كاطبيعية
اغلب الاماكن مهملة لايوجد حتى جلسات مناسبه
بنسبة لنا لم ناخذ الاطفال ومخططين السنة الجايه
نروح اذا ربي كتب لنا عمر مع الاطفال