عندي استفسار واحب اخذ رايكم




انا ناوي ان شاء الله اروح اوروبا من الفتره 18 ديسمبر وحتئ 9 يناير




والجدول انه راح ازور باريس ولندن ودبي
وحاط الكرسمس يكون في باريس وراس السنه في لندن وان شاء الله الرجعه ع دبي 4 ليالي




وحبيت اخذ رايكم




لو انتو مكاني فين تروحون






علما بان تكاليف السفره انا حاط المصروفات من تذكره طيران بزنس كلاس والفنادق 5 نجوم
والمبلغ = 100،000 ريال سعودي
هل تعتبر كثيره ام قليله


ولكم جزيل الشكر

للرفع !!

حياك الله اخوي

بخصوص الجدول انت عارف وين تبي فالتقسيم عندك


بخصوص المبلغ لازم اعرف انتو كم شخص بس المبلغ كبير فاكيد بيكفي


الجداول السياحيه كثيره بالمنتدى تصفحها


الانتقال بين باريس ولندن لك الخيار بين القطار من تحت البحر او الطيران من فوقه


بس حاول الحجز من وقت مبكر لان الاسعار الان مناسبه قبل موسم راس السنه


بالتوفيق

هلا وغلا رحال الامارات,
طيب الله صباحك وصباح جميع اعضاء وزوار منتدى زاد المسافر
وعسى ربي يعطيكم الصحه والعافيه ولجميع المسلمين ..


بخصوص السفره ..

بصراحه الهدف من السفره الشوبينق وكون هاذي الفتره من اجمل فترات السنة

خصوصا البرد وعروض التخفيضات والكريسمس وراس السنه
ف ايش فكرت

فكرت انه يكون من سفرتي
من بحرين دبي لندن
وبنفس اليوم اطلع بالقطار لين باريس
تكون السفره كالتالي
من يوم 20 ديسمبر لين 27 صباحا تكون في باريس
ومن 27 ديسمبر الين 5 يناير لندن
ودبي اكنسلها

ف ايش اللي عملت

عملت حجوازات طيبه واسعارها تعتبر نوعا لا باس فيها

في باريس حجزت في فندقين
هم كلهم السوفيتيل

واحد منهم اسمه السوفيتيل باريس لاديفانس ( هذا سكنت فيه من قبل )
جميل الفندق وجدا روعه بس بالليل منطقه اللاديفانس ظلام متكامل
فانصح لجميع الاخوه اذا بدهم يسكنون بالفندق هذا
انهم يخرجون من الصبح الين وقت حلول الظلام في حاله استخدام المترو
او بالتاكسي اذا كان ليلا ..
وبالنسبه لفترتي القادمه حجزت فيه 3 ليالي
وبالنسبه للفندق الثاني اللي ودي اسكنه هو
السوفيتيل اللي بالشانز
جدا روعه وكونه قريب من الشانز

وبالنسبه للندن


حجزت في فندق اسمه شانغريلا قريب من جسر لندن
ف مدري اذا عندك فنادق ثانيه تكون جميله وتكون قريبه من الالعاب الناريه بالنسبه لراس السنه
اكون شاكر لك وممنون لك ..

وتقبل تحياتي ..