السلام عليكم

ابي برنامج لدبي لمدة 6 يام من 9 يناير إلى 15 يناير الشهر الجاي ...

طبعا اول يوم 9 بكون طالع من السعودية وبوصل تقريبا الساعة 3 او 4
واخر يوم 15 بطلع من دبي إلى السعودية // مدري متى احرك بالضبط .. رايكم ؟

9 يناير /
10/
11/
12/
13/
14/
15/

عليكم السلام ورحمة الله وبركاته...
اول يوم طبعا راحه لكم...
عندك حديقة الخور + حديقه الفراشات و الزهور + حديقه الحيوانات+ ممشى الجي بي آر فيها مطاعم كوفيهات ومحلات جميله وفيها العاب شطائيه + ممشى ذآ ووك مطاهم كوفيهات محلات+ المولات+ القريه العالميه....


تم كتابة الرسالة عبر تطبيق زاد المسافر

يعطيك العافية فيصل .. ابي رايك في توزيع هالأماكن على الخمس/ ست ايام اللي عندي

السلام عليكم و رحمة الله و بركاته،


حياكم الله في الإمارات.


1. أنصح بتخصيص يوم كامل للقرية العالمية، تفتح الساعه ٤ العصر لين الساعه ١٢.
http://globalvillage.ae/plan-your-visit/park-timings/




2. ممشى ال جي بي أر منطقة حلوة و خصوصا مع إضافة القسم اليديد The beach
http://thebeach.ae


3. من المناطق السياحية اليديدة قرية رسوم فريج و مطعم زمان الأول في من قرية البوم التراثية على الخور و فيها رحلات بحرية بالسفن.
أتوقع مكانهم عند حديقة ونرلاند الترفيهية عند جسر القرهود.
http://www.alboomtouristvillage.ae


4. حديقة الزهور و الفراشات ميراكيل جاردين، تقريبا ربع ساعة من مول الإمارات فتقدر تدمجهم في يوم.
http://www.dubaimiraclegarden.com


5. و أكيد مهم تخصص يوم لدبي مول و برج خليفة و منطقة الداون تاون.


ترتيب الأيام و الأماكن شي راجع لك، و البرنامة يعتمد أكثر شي على الاهتمامات و الاشيا الي بتسويها.


أنصحك تدخل هالموقع و بتحصل كل شي عن دبي
http://www.visitdubai.com/ar-ae/

برنامج دبي

برنامج لمن اراد الذهاب لدبي بصحبه العائله


اليوم الأول
دبي مول + الاكورايم + سوق البحار + برج خليفة + النافورة الراقصة – (الغداء والعشاء)

اليوم الثاني :
تايمز سكوير سنتر ( الكافي الثلجي ) + مول الامارات +صالة الثلج (غداء ) + مرسى دبي + دبي مارينا مول + الممشى JBR ( عشاء)

اليوم الثالث :
القرية العالمية ( غداء) + تسوق +عشاء في احد المطاعم المفضلة

اليوم الرابع
غدا + الذهاب للسوق الصيني

اليوم الخامس
فستيفال ستي سنتر (غداء) + رحلة بحرية رومانسية بقارب قرية البوم او الباتو الزجاجي مع العشاء

اليوم السادس
جولة في منتجع اتلانتس ( غداء ) + مجمع ابن بطوطة ( عشاء) + المنطاد

اليوم السابع
منطقة وحديقة جميرا + ميركاتو مول ( غداء) + سوق مدينة جميرا + جولة بالقارب ( عشاء)

اليوم الثامن
مجمع البرجمان + الباص العجيب ( غداء) + حديقة الخور+ سوق نايف + سوق مرشد+ مجمع منال + عشاء

اليوم التاسع
عالم فيراري ( ابو ظبي)


جدول مبدأي وقابل للتعديل والاضافة او الحذف...
تقبلوا تحياتي

ــــــــــــــــــــــــــــــ ــــــــــ
فيصل بن كرم
ــــــــــــــــــــــــــــــ ــــــــــ


تم كتابة الرسالة عبر تطبيق زاد المسافر

يعطيك العافية فيصل بس عندي كذا سؤال

الاكواريم موجود في دبي مول .. صح ؟
صالة الثلج موجودة في مول الامارات .. صح ؟
بالنسبة للجولة بالقارب .. هذي في الجميرا ؟
المنطاد اخذه من وين ؟
وش اسوي في منطقة جميرا .. وش بشوف ؟

الله يعافيك ...
صح الاكواريم في دبي مول

صح صالة الثلج موجوده في امارات مول
جي بي ار + المارينا ( المرسى )+ المارينا مول ينب بعض
الالعاب الشاطئيه فالجي بي ار عالبحر خلف السينما...
اما ابن بطوطه تبعد شوي منهم.....
المنطاد قبل الجي بي ار وانته قادم من جميرا بعد الجسر عاليمين مكتوب سكاي دبي
سيتي وووك قريب من دبي مول


شارع جميرا فيه كوفيهات ومطاعم وعلو بحر جميرا كذالك....

يعطيك العافية فراشة ابوظبي .. عندي كذا سؤال

برايك .. كم معلم يمديني اقضي في اليوم في دبي .. ثلاثة او اربعة او .. ؟
واحد قالي عن حديقة الفراشات و المعجزات .. هل هي نفسها حديقة الفراشات والزهور ؟
منطقة الداون تاون ... شلي فيها .. وين بروح فيها وشلي بشوف ؟

مشكور فيصل

فراشة

reminder