في فندق ممتاز وسعره جيد ليس ببعيد عن الرامبلا. مكانه الافضل في برشلونة من وجهة نظري.
اسم الفندق وعنوانه تحت. ( اتوقع غير موجود في بوكينق دت كوم) تقدر تحجز من خلال ايميلهم او الموقع الرسمي والجميل فيه ان السويت داخله مسبح في الهواء الطلق. ( قد يعيبه الاصنصير او اللفت لان فيه اثنين فقط للفندق كامل).
Catalonia ramblas مصنف اربع نجوم
الايميل:
ramblas@hoteles-catalonia.es
الموقع الالكتروني: hoteles-catalonia.com
موقعه للتاكسي: Pelai 28 . 08001 Barcelona
رقم تلفون الفندق: 34933168400+
اول ماتطلع من بوابة الفندق يمين تمشي سيدة ثلاث دقايق بتحصل بداية الرامبلا على يمينك عند برجر كنج وماكدونالدز والساحة في وجهك الجهة المقابلة لك فيه مجمع جميل جدا جدا لازم تدخله وتتسوقون ( ولاتنسى تمر المكتب تحت فالمجمع عشان يعطونكم كرت الخصومات).
نصيحة اخرى: انتبه تعطي أي أحد وجه هناك واللي يكلمك لاترد عليه واللي يسلم عليك رد عليه السلام واسحب عليه واللي يبيع لك تذاكر مباريات اعرف انه نصاب اذا تبي تححز مباريات حق برشلونة احجز عن طريق موقع برشلونة الرسمي واذا تبي تروح الكامب نو فيه كشك في وسط الرامبلاا يبيع لك تذاكر مباريات وتذاكر دخول متحف برشلونه ( انا دخلت متحف برشلونة عن طريقهم ) لكن مباريات برشلونة دايما احجزها من موقع برشلونه الرسمي وتكون التذكرة PDF وهناك السيكوريتي يشوف التذكرة بالجوال ويدخلني المباراة. على العموم اذا بغيت اي مساعدة حاضرين ونتمنى لكم سفر سعيد.
فيه مقهى للريوق وايذ عجيب اسمه brunch & cake لازم تجربونه. وفيه فالرامبلا مطعم تركي لكن غالي يعني جربوه مرة وحدة بس مايستدعي كل يوم.
تم كتابة الرسالة عبر تطبيق زاد المسافر
فنادق ممتازة بالرامبلا 
