انصدمت لما شفت ورق اللخنة، أتاري الأتراك بيعرفوها وبيحشوها ويلفوها زينا، وكمان بيعملوها شوربة وبيسموها لاهانا، والله ما أنا عارفه همه الأتراك أخذوا أكلاتنا الفلسطينية ولا العكس

كملنا مشوارنا

سبحانك ربي ما أعظمك

وقبل ما نوصل بعشرة كيلو تقريبا لشامباشي لقينا مزرعة الفراولة اللي كانت طبعا فى المخطط، وكنا خايفين ما نلاقي فراولة لأنه السوق فى أوردو ما فيه فراولة، والحمدلله لقينا وعشنا تجربة من العمر.

اشترينا 3 كيلو سعرالكيلو 5 ليره يعني 7 دراهم فقط واحنا عنا العلبة ما فيها ربع كيلو وسعرها 10 دراهم طبعا العيلة ساعدونا ولقطوا معنا.

كيلو النا

وكمان كيلو النا

وكمان كيلو النا

تعرفنا على عائلات سعوديةمعانا فى الفندق وما هان علينا ناكل من الفراولة اللذيذة وما نطعميهم، فجبنا لكل عيلة كيلو والحمد لله انبسطوا كتير فيهم وبالعافية عليهم.

اليوم مشوارنا على ست الجمال مرتفعات بارشمبا Perşembe Yaylası، زرناها السنة الماضية وانبسطنا فيها مع انه مشوارها بعيد ساعتين ونص تقريبا عن اوردو، بس الحقيقة انها تستحق العناء والتعب.

تطلع من فندق انيمون اوردو باتجاه فاتسا وحتشوف لوحة مكتوب عليها Perşembe Yaylası ولما توصل فاتسا وعلى يسار الطريق حتلاقي لوحة بتقول ايباستي Aybastı تمشي معها، لما توصل بعدها بشوي بتوصل لبارشمبا.

شوفوا أنا مش رح أعلق كتير هون خلي الصور لحالها تحكي قصتنا اليوم

وصلنا لأيباستي وهذا منتجع كنت

كملنا طريقنا ونحن نسبح الله ونحمده تعالى على نعمه

والله اني عاجزة عن وصف جمال خلق الله فى بارشمبا