نعم اخي فهاد الله يجزاك خير

هم كذلك


اللي على اليسار معه سكوتر واللي بالمنتصف واليمين سياكل
يمشون بسرعه خفيفة ( مثل المشي )

وصلنا الفندق وتم تقديم واجب الضيافة
ومن زود اللخمة مزودين كوب طبعا من الحر شفطت الكوبين مرة وحدة
طبعا تحس انك تشرب موية مو عصير









وبعد الاعتذار طلبوا الفيزا علشان يمعطون قروشهم
طلبت منهم ياخذون فقط مبلغ الشالهين فقط
طبعا الحجز كان شالية مواجهة للبحر مباشرة وهذا كان افخم نوع عندهم
وبكم يااخوان 1000 رنقت باليوم بينك وبين البحر ممشى العبور فقط
( صورة من غير تحية لربعنا التجار )




اخذوا تامين 300 رنقت كاش
والخصم قيمة الشاليهين من البطاقة
صارت مشكلة ولا قبلت العملية قالوا ما هي مشكلة ناخذها يدوي
عن طريق البنك
ومن الغد وصلتني رسالة السحب ولكن المصيبة انها بالدولار
واروح لهم مطنقر لية تخصمون بالدولار وانا موقع على رنقت
قالوا نتاكد وجابوا الاوراق وفعلا لقوا اني موقع على خصم بالرنقت
قالوا انتظر بالغد لين يفتح البنك ونتاكد
طبعا انا عملت نفسي زعلان لان العشاء بوفية مفتوح عملوا لي خصم
وانا ما ادري
حسبوا مشاري واخوه نفر واحد
قلت هذه مقابل هذه
بعد ما وصلت الرياض لقيت ان البنك الراجحي معدلها وخصم بالرنقت
لكن الرسالة بالدولار
المهم ان المبلغ اللي خصمه بعد العملية صار بالرنقت




نرجع للموقع الخنفشاري للسكن
طلعوا مدلعيني دلع اعطوني احسن شاليهين عندهم
اول واحد وثاني واحد
لاني قايل لهم بجنب بعض بالملاحظات




وهذا كروكي للشاليهات


الشالهبن حقتنا رقمه 101 و 102
طبعا النت موجود بمكتب الاستقبال فقط والشاليه حق الاولاد 101 كان يوصلة النت













النت هنا ضعيف ولا تشتغل الا شبكة DIGI




بعد ما شربنا العصير وانتهيت من اجراءات التسجيل
رحنا للشالية نلقي نظرة












لكل شالية مكان غسيل قبل دخولك للشاليه وايضا منشر غسيل بجانب الجلسة الخارجية

























































































الباب الخارجي المطل على الحديقة والممر الخلفي للشاليهات

الاستقبال كراسيهم غير مريحة وكبيرة




وهذه اللي استقبلتنا بالجزيرة وخرشتها
اللي يمين الصورة





الشهادة لله يااخوان ان طاقم العمل بالفندق جميعا محترمين وخدمة ممتازة


الجو بالجزيرة بعد الظهر وقبل العصر يبدأ بالتغير ويميل الى الغيوم والامطار











عدة المساج وتسعيرتهم



هذا كرسي ولا سرير خشبي :yolks00250:

















المناظر خارج الفندق جميلة وخصوصا بعد ما تتلبد السماء بالغيوم
وتعانق الجبال





































الجزيرة ما فيها اي مكان تسوق يعني مالك الا الفندق تطلب منه
سالتهم منى تسون السي فود
قالوا اليوم البوفية سي فود
صار جزء منه سي فود ويوم شفته هونت
المهم قالوا العشاء اليوم بوفية مفتوح
قلت هلموا ياقوم الى العشاء
وكان زحمة العشاء
وسعر النفر 84 رنقت قلت ماهي مشكلة احنا بمقطعة
المضحك انه معنا اكل بس ما يعجبنا الا البوفية




















صار هذولا اللي مغلين سعر العشاء من بكره تعشينا برضوة عشاء بوفية مفتوح وبدون مطربين والسعر اخو البلاش 35 رنقت للنفر
وانواع الاكل افضل من الليلة اللي قبلها











الضعيف اللي على اليمين يقول ابي اروح السعودية ابي شغل او دبي
واساله كم راتبك يقول 2500 رنقت
واقول في نفسي اغسل يدك بكل المعقمات اذا لقيت مواطن يشغلك وراتبك ذا








هالخواجة مسوين سبرايز اهلة جابوله كيكة وغنو له








هذا البوفية المفتوح حق السي فود
طبعا سعره مستقل عن بوفية العشاء وطريقة حسابة تاخذ الكمية اللي تبيها وتوزن لك ويعطونك السعر




















البنت الصغيرة كنها تقول وشي يبي ذا راقي فوق الكراسي





هذا رحمته عليه ضغط يسوي بيتزا
اول ليلة كانت البيتزا اللي يسويها كبيرة وكل زبون ياخذ اللي يبي
قلت له لية ما تسوي صغار احسن لك واسرع من بكره سواها وشكلة ندم صار الطلب عليه فوق الطبيعي والرجال انبسط
لان علشان تاخذ بيتزا من عنده امسك سرا عشر دقايق او ربع ساعة ويجيك سراك

وهنا تسجيل للشالية بجودة HD






https://www.youtube.com/watch?v=2CJFyHo7PPc

باليوم التالي وكما جرت العادة استيقظت مبكراً قبل شروق الشمس


وكانت السماء ملبدة بالغيوم وياله من جو رائع وقت الصباح الباكر





بالبداية وقبل اي عمل اذهب واخذ قهوة الصباح بصحبة ام مشاري


واثناء مروري بمكتب الاستقبال وجدت جدول اسبوعي لجميع الانشطة اليومية










وقبل حضور النزلاء لا يوجد احد بالمطعم غير ابومشاري وام مشاري
اما البقية بعد الساعة التاسعة يكون هناك مجموعه كبيرة من النزلاء

















لاحظت انهم كل يوم الصباح وقبل حضور النزلاء يصورون وامسك هالاصلع ذا واقول له سلامات لية كل يوم تصورون
يقول هذا للمدير حقهم لازم نصور له الفطور ونرسلها له يشوف وش اطباق الفطور
































هذا من ضمن قسم الاطباق الصينية
والحمد لله على النعمة بس منظر هالبيض عجزت اهضمة ذكرني بمنظر ما ودي اقولة
لكن ما اقول الا الحمد لله على النعمة










لا تدقق بالقزاز





هنا اول يوم وصلت للفندق ذهبت مباشرة احجز مقعد
للغوص ليوم الغد
اخبرني الموظف اين بطاقة الغوص
وانا اقوله يارجل اللحين جايك ومتعني علشان الغوص وتقول وين البطاقة حقت الغوص
عدل بدل شوف لنا حل يالصيني
قال فية امكانية شي اسمة سنور كلينج
وقال لا تخاف بتشوف الاسماك واشياء حلوة
قلنا توكلنا على الله شيء احسن من لا شيء وكم ياصديق :yolks00250:
طلب مني 160 رنقت لمدة 3 ساعات غوص لمنطقتين
كل منطقة 45 دقيقة وساعة روحة وساعة رجعه


وانا اقول اخوك يالبلاش
عدة الغوص عليهم ماعليك الا انك تجي وتدفع وبس


كان العدد بالرحلة 10 اشخاص عائلة صينية مكونة من 5 اشخاص واحد فيهم غاص
وزوج وحرمة عدد 2
ومحدثكم لوحده
وقت الرحلة يقولون احد شاف القرش قلت لهم انا شفته شوي
وياخذون الكام ودهم يشوفونه
شفته مرتين بتشوفونه ان شاءلله بالتصوير:yolks00250:





هذا النموذج تعبية قبل بداية الرحلة





وهذا ايصال بقيمة الرحلة
الايصال اللي اعطانية غير هذا
لاني دفعت كاش





هنا حصل موقف خوفني من الصيني كان يتهرب من انه يعطيني ايصال بالدفع
اعطى اللي بعدي وانا كل ما طلبت الايصال يقول لحظة ويروح يسوي اي شغلة
اخر مرة قمت له ووقفت عند الكاونتر وقلت عطني الايصال
اللي قبلي اعطاهم ايصال نفس اللي بالصور
انا اعطاني ابصال مختلف عنهم لاني دفعت كاش وقال لي لا تعلم الفندق انك رحت للغوص


قلت شكل الصيني يلعب بذيلة ويبي يزرف القروش
والا ليش طلب مني ما اقول للفندق اني رحت للغوص


طبعا انا ما همني طالما اني اخذت الايصال خفت عند التشيك اوت يطلبونها مني
وتصير الفاتورة دليل على الدفع





ودخلت المكتب واجد هذه الصورة لامكان الغوص بالجزيرة








وهذا المسبح قريب جدا من مكتب الغوص





بعد الفطور لليوم الثاني ذهبت والقي نظرة للشاطيء







واحنا نمشي على الشاطيء وصلت لمكان قريب جدا من الفندق
صار هذا فندق اخر وعبارة عن كهوف شيء منها كانه قارب وشيء كانه وسط غابة بالجبل
وللاسف هذا النوع كان فيه قرود عكس النوع الاخر القريب من الشاطيء
وحسب ما عرفت ان عدد الاكواخ عندهم قليل جدا لا يتجاوز الـ20
واول ما قربت منهم الا جاتني موظفة تقول هذه منطقة خاصة
طبعا لا يوجد فاصل بين الفندق اللي احنا فية وبينهم





تصدقون ان هذا مطعمهم











ممر عبر الصخور
اعجبتني الحركة وهي ان الطريق عبر الصخور





محطة توقف ومغادرة الفندق







وهذا مقطع فيديو HD جولة عامة لما بين الشاليهات


https://www.youtube.com/watch?v=DM6rGWV0A5E




يتبع بالرد القادم ان شاءالله رحلة السنوركلينج...

تم الاتفاق مع قائد الرحلة ان ننطلق تمام الساعة الثانية ظهرا وكان عبارة عن شخصان واحد يقود القارب والاخر يغوص مع الصيني
اما البقية
كل واحد يخبص لوحدة :205:




هذا اللي غاص وحاول انه يتهرب من الايصال









وهذا اللي قاد المركب ونزل معنا شوي











انطلقنا وكلي شوق باكتشاف تجربة جديدة

















هذا المكان واحنا بالطريق شفته واستغربت هل فندق او سكن خاص كانه فندق بدون شاطيء

















وصلنا لاول نقطة توقف ومدتها 45 دقيقة
وهي قريبة جدا من فندق برجايا بامكانك رؤية الفندق مباشرة
المسافة تقريبا بوجهة نظري اقل من 500 متر







تلاحظون هنا شاطي فندق برجايا














بعدها انطلقنا للنقطة الثانية ايضا مدة الغوص 45 دقيقة


وهنا توقفنا


وهي قريبة من الفندق بطريق العودة


وهنا وجدت قرش ايضا وكان اكبر من الاول
والمضحك اني لما شفت القرش كنت لوحدي وبعيد عن القروب
واناظر يمين يسار ماحولي احد هههه
وقفت التسجيل وخروج لسطح البحر
بتشوفونه بمقطع الفيديو
وينكم ياجماعة ما يصير كذا :yolks00450:


































بعد ما انتهت الرحلة واسولف مع الشباب اثنا خروج البقية القارب
واقولهم تراني بنشر التقرير بالنت وابي حبتين لكم
وتفقعت خششهم من الوناسة













بالرد التالي ان شاءالله
صور ماخوذه من مقاطع الفيديو + مقطعين فيديو

هذه صور ماخوذه من مقطع الفيديو

التصوير هنا كما ذكرت لكم سابقا
هي كاميرا GoPro HERO4
فالمعذرة على قلة جودة الصورة




















































هذا القرش الاول
















































































وهذا القرش الثاني


طبعا كان كل قرش مشاهدته بمنطقة











مقطع فيديو HD لرحلة السنوركلينج


https://youtu.be/3YUDXNXtR1k


وهذا مقطع مشاهدة القرش باخر المقطع


https://youtu.be/tOYGH8L7ghQ

بعد العودة بدأت الغيوم تتكاثر بالسماء وياله من جو وقتها


بعدها الغروب بدأت الامطار ولوقت طويل بالهطول وحتى الصباح الباكر وصوت موج البحر
يضرب بالحائط




هذه الاجواء تستهويني وبشدة
المطر شديد وانا اتجول بالمطر من مبنى لمبنى




نعود الى استمكال الصور




وهنا المكان المفضل لي باخذ الصور
احببت زوايا التصوير وما ساعدني هو الغيوم








































































تحمست بلعب معهم بس يوم شفت معهم حرمة هونت
حتى عيالي ما لعبوا الا بعد ما خرجت الحرمة لاحظوا ان مشاري جالس واخوه بجانبة


بعدها ذهبت واخترت مكان ثاني للتصوير

















بعد ما تلبدت السماء بالغيوم ذهبت للمسبح ووقت السحب لا يوجد
احد بالمسبح واثناء تواجداي هناك واختياري لزاوية التصوير الا اشاهد من بعيد قوس قزح

جزاك الله خير ، وبارك الله فيك على هذا التقرير الرائع .