بسم الله الرحمن الرحيم وبه نستعين
كانت لي تجربه شخصيه في بعض التأشيرات راح اتكلم عنها للفائده عسي الله ان ينفع بها الأخوه واتمني المشاركه ايضا من الأخوان تجاربهم الي حدثت معهم اثناء تقديمهم علي تأشيارتهم
اولا احب اتكلم عن التأشيره السويسريه وبعدها راح اتكلم عن بعض الاسئله الي كانت تدور في ذهني واريد اجابه عليها
طبعا دخلت سويسرا من ضمن دول ( الشنقن )
متطلبات الحصول على تأشيرتها:-
1- صور شخصية مكشوف الرأس والخلفية بيضاء.
2- تعريف بالراتب من العمل مترجم للإنجليزية. أو تعريف ولي أمر المسافر أو أحد أخوانه اذا كان طالب او طالبه او عاطل عن العمل .
3-كشف حساب لمدة 6 أشهر من البنك على أن يكون حديث جدا باللغة الإنجليزية.
4-تأمين سفر.
5-حجز طيران مؤكد.
6-حجز سكن مؤكد.
تقدم جميع المتطلبات مع جواز السفر... ودفع الرسوم الخاصة بالفيزا
طبعا من تجربتي الشخصية..
( طلعت الشنقن كثير ولم أقدم لها في أي مرة الشروط الثلاثة الأخيرة اكتفيت بالصور والتعريف وكشف الحساب فقط ,, أعتقد اني فهمت للسفارات الأوروبية شوي كل شي يمشي عندهم بس يعتمد على المكتب اللي تعطونه أوراقكم فيه ناس مجتهدة تحب تروح بنفسها لكن ما أنصح لأنه اذا راح بشكل شخصي لهم مضطر ياخذ موعد ولازم يوفر جميع المتطلبات أما بعض المكاتب لهم معارف وتمشي أمورهم بشكل أيسر والواحد ما عنده مانع ميه ولا ميتين زياده مقابل إنه يفتك من وجع الراس ,, أفضل سفارة تعاملت معاها الإيطالية وأسوأ سفارة اليونانية والأسبانية ,,,

بعض الناس تظن أنها إذا طلعت الفيزا من ايطاليا معناها لازم تدخل عن طريق إيطاليا
وهذا الشي خطأ,
نظام الإتحاد الأوروبي يفرض على جميع دول الإتحاد استقبال اي زائر ما دام يحمل فيزا من دولة تحت مظلة الإتحاد الأوروبي...
أنا طلعت فيزا من ايطاليا والنمسا واليونان علما اني ما قد زرت الدول الثلاثة نهائيا كمحطه وصول لاول مره
يعني طلع من فرنسا وادخل اسبانيا وطلع من ايطاليا وادخل اليونان وطلع من اليونان وادخل المانيا او البرتغال ما عندك مشكلة نهائيا
لكن لو واجه الشخص سؤال من موظف الجوازات مثلا ليه طلعت الفيزا من المانيا وانت داخل هولندا او سويسرا اوغيرها
يجاوب جواب دبلوماسي يقول كنت مخطط لألمانيا وغيرت واخترت هولندا وتمشي الأمور بحول الله او ام اجد رحله مناسبه لالمانيا وماحصلت الا هولندا او سويسرا وهذا حصل معي شخصيا

الفيزا البريطانية نفس المتطلبات مع مرونة أكثر ويطلبون الحضور الشخصي للمكاتب المتعاونة معهم وأخذ البصمات ولكن هم يطلبون المتطلبات بدقة وجميع الشروط الستة بدون نقص أي شي ليس كما في الشنقن
الفيزا السويسرية نفس متطلبات الشنقن + بإمكان المواطن السعودي الدخول لسويسرا بفيزا الشنقن والعكس غير صحيح
دول الإتحاد الأوروبي هي:-
سويسرا | إسبانيا | إستونيا | ألمانيا | أيرلندا | إيطاليا | البرتغال | بلجيكا | بلغاريا | بولندا | التشيك | الدانمارك | رومانيا | سلوفاكيا | سلوفينيا | السويد | فرنسا | فنلندا | قبرص | لاتفيا | لتوانيا | لوكسمبورغ | مالطا | المجر | المملكة المتحدة | النمسا | هولندا | اليونان.
طبعا هناك انواع كثيره من الفيز ( التأشيرات ) وكل نوع له متطلبات مختلفه علي حسب السفاره المقدم عليها
انواع التأشيرات :
1- الفيزا السياحيه
2- الفيزا الدراسيه
3 - الفيزا العلاجيه
4 - الفيزا الترانزيت ( وهذا قليل )
5 - الفيزا التجاريه ( وهاذي لها متطلبات خاصه )
طبعا ليس المجال مناسب لذكر متطلبات هذي الفيز ولكنها متوفره عندي اذا حب احد اذكرها له انا حاضر بالنسبه للأسئله المحيره التي كانت تشغلني كثير وابي اجوبه عليها وانا بذكر بعضها فقط
هل سويسرا لها فيزة خاصة فيها يعني انت مثلا تبي تروح سويسرا وترجع فقط بدون دخول فرنسا مثلا ( وترى فرنسا من سويسرا ميب شي تدخلها وانت ما دريت تحس انك في سويسرا لسا ) الجواب كان اذا سفرتك على سويسرا بس طلع من السويسرية فيزا لكن اذا انت تبي تروح اوروبا فا تطلع شنقن و الشنقن تدخلك انت يالسعودي لسويسرا سواء كانت محطه وصول او مع اقامه

يعني ما انصح اي مواطن سعودي يطلع سويسرية ابدالا اذا كانت سفرته لسويسرا فقط واذا كانت لباقي الدول يروح ويطلع شنقن والشنقن
خلاص تدخله لسويسرا وغيرها ايضا

لكن العكس غير صحيح
معاك فيزا سويسرية وبتحاول تدخل دولة اوروبية بيقولك ارجع فيزتك ما تسمح لك بالدخول
أفضل سفارة تعاملت معاها الإيطالية وأسوأ سفارة اليونانية والأسبانية
الفرنسيه ممكن تتجاوز اوقات
ايطاليا كانت الأسهل ودخلت فيه النمسا والمانيا وسويسرامن غير المرور بايطاليا
وبرضو طلعتها مره ثانية ودخلت فيها سويسرا من غير الاقامه فقط مرور، الفيزا البريطانية نفس المتطلبات مع مرونة أكثر ويطلبون الحضور الشخصي للمكاتب المتعاونة معهم وأخذ البصمات ولكن هم يطلبون المتطلبات بدقة وجميع الشروط الستة بدون نقص أي شي ليس كما في الشنقن

السفاره البريطانيه ماتحتاج تأمين طبي
مع اني تمنيت ان التأمين يكون إلزامي، لأن مستشفياتهم غاليه صراحه الالمانيه لاتقولون لهم انكم بتطولون فيها لانهم عارفين شعبنا مستحيل يطول في المانيه ويقعد فيها السفره كلها فممكن هالشي يشكك مصداقية الطلب عندهم هذا من تجربه شخصيه
طبعا التأشيره الأمريكيه دقيقه جدا ومواعيدهم دقيقه ومتشددين نوعا ما
بلجيكا وهولند والمانيا مايرضون تدخلها الا بتأشيرتهم مع انهم من ضمن دول الشنقن وحصل لي شخصيا اني فيزتي كانت ايطاليه وتعرضت للمسائله في القطار وانا داخل لألمانيا من قبل الجوزات ولكن الحمدلله الله سهل الأمور طبعا ذي ماذكرت فوق سويسرا تدخل لها باي تأشيره ايطاليه فرنسيه المانيه
ولكن اذا تأشيرتك سويسريه احيانا ماتدخلك الي باقي دول الشنقن
طبعا هناك كثير من الأمور الي ودي اتكلم عنها لاحقا ان كان في العمر بقيه انشاءلله
تحياتي لكم


تم كتابة الرسالة عبر تطبيق زاد المسافر

الله يعطيك العافيه عندي سؤال اخوي اذا تكرمت انا من سكان الخبر وبطلع فيزه سويسريه لازم اروح للرياض عشان ابصم ولا ممكن المكتب السياحي يسويلي هيا

اخوي عاشق انا مقدم فيزا شنقن من السويسرية مع العلم انه بعدها اروح النمسا وألمانيا و ممكن فرنسا
هل يسمح لي دخول هاذي الدول اذا طلعتها من السويسرية
وانا قدمت طلبي يوم ١٧ فبراير والى اليوم ماقد حصلت اي خبر مع العلم اني اشيك ع موقعهم يطّلع لي انه السفارة استلمت الجوازات فقط


أكون شاكر وممتن لك

وهل من الشروط ان يكون مبلغ كافي في البطاقة الائتمانية وإذا قدمت شنغن عن طريق السويسرية مع العلم اني قدمت لهم حجوزات في سويسرا فقط
هل من الممكن يرفضوها لأَنِّي ممكن اروح اكثر من دولة

اخ عاشق اوروبا

دائما متميز بطرحك
الله يجزاك خير ويجعل ماكتبت في موازين حسناتك

اخوي ابوجودي الله يجزاك خير علي كلامك الجميل والدعوه الصادقه ومرورك الجميل
الي يقول انا من سكان الخبرالسويسريه لازم تروح للرياض للتبصيم بعد اخذ الموعد لان مافيه سفاره في الخبر انا اخوي راح سويسرا قبل اسبوع شهر عسل وانا الي عملتله التاشيره ( شنقن ) ايطاليه ودخل سويسرا ولااحد سئله اي سؤال
اخوي محمد اذا طلعت السويسريه ودخلت سويسرا بعدها تقدر تروح وبن ماتبي خصوصا عن طريق البر ماعدا المانيا الله بعبنك عليهم شوي في المطار بيبهذلونك بالأسئله شوي وبعدين يدخلونك انا ذكرت سابقا من خلال مالاحظت ان السويسريه تدخلك سويسرا فقط ماتدخلك باقي دول الشنقن الا بشق الأنفس واكن اذا دخلت سويسرا تقدر تروح ايطاليا وفرنسا والنمسا ماعندك مشكله ولكن الألمانيه تدخل عن طريق البر سهالات لكن عن طريق المطار انواع التعقيد والأسئله
تحياتي لكم



تم كتابة الرسالة عبر تطبيق زاد المسافر

تسلم يمينك اخوي عاشق ... مبدع كعادتك يالغالي 🌺
اخوي مدحلي ؛ بالنسبة للبطاقة الإئتمانية يوم طلعتها التاشيرة من السويسرية قبل اسبوعين ماشيكوا كم فيها بس صورة البطاقة (والاصل معاك احتياط ) انا حطيت نفس الفيزا اللي فيها حجوزاتي ..

تقبل تحياتي وتقديري 😘


تم كتابة الرسالة عبر تطبيق زاد المسافر

معلومات مهمة جدا وكفيت ووفيت، مشكور

جزاك الله خير اخوي نور التقرير بمرورك
البطاقه الأئتمانيه الي يطلبونها عند استخراج التأشيره شكليه بمعني للتأكد من وجودها والايهمهم كم فيها من مبلغ يغطي السفره او لا السفاره الايطاليه مثلا يأخذون صوره منها مع كشف اوتعريف بالراتب واحيانا البطاقه مايكون فيها اي مبلغ
وهذا صار معي كثير كل سفاره لها متطلبات معينه موجوده علي موقعهم ولما تقدم عن طريق مكتب مثلا يقولك ماعليك منهم جيب كذا وسبحان الله تطلع التأشيره
تقبل تحياتي


تم كتابة الرسالة عبر تطبيق زاد المسافر

اخوي احمد الصين
شكرا لمرورك جزاك الله خير


تم كتابة الرسالة عبر تطبيق زاد المسافر