هلا اختي انا تو جاي من امريكا وزرت نفس الاماكن اللي ذكرتيها
خط السير بالنسبة لي كان نيويورك - سان فرانسيسكو - لاس فيجاس - ايرفاين - سان دييقو - لوس انجلوس
التنقل كان بالطائرة من نيويورك الى سان فرانسيسكو ،، ومن سان فرانسيسكو الى لاس فيجاس واخر يوم في فيجاس اخذت سيارة وانطلقت الى كليفورنيا
بالنسبة للايام اقترح عليك نيويورك 4
سان فرانسيسكو 3
لاس فيجاس 4
سان دييقو 3 او 2
ولوس انجلوس شمال وجنوب بين 10 - 14 يوم
خطوط الطيران انا صراحه جربت فيرجن وكانت جميلة ومرتبة ومضبوطة في التوقيت وبالنسبة للشنط تدفعين 25 دولار للشنطة اللي تدخل العفش وما تزيد عن 23 كيلو وتقريبا اغلب الخطوط الاقتصادية في امريكا تتبع هذي السياسة
الفنادق
نيويورك لازم يكون السكن في منهاتن بالقرب من التايم سكوير لانها المنطقة الاجمل وارشح الماريوت عن تجربة
سان فرانسيسكو بالقرب من يونيون سكوير او الفيشرمان وبالنسبة لي سكنت بالمنطة الاولى في جي دبليو ماريوت
فيجاس ضروري يكون في احد فنادق السترب الخمس نجوم وبالنسبة بس كان فندقي اريا
سان دييقو منطقة الداون تاون ع البحر اشوفها الاجمل وسكنت في الهيلتون
لوس انجلوس كبيره شوي بالنسبة للشمال في بفرلي هيلز وسانتا مونيكا وست هوليود انا كان سكني في انتركونتينتال بفرلي
الجنوب في ارفاين وانهايم ونيوبورت انا كان سكني في ارفاين دبل ثري
بالنسبة للفنادق اللي ذكرتها لك هذا اللي سكنتها ومن وجهة نظري كانت كلها ممتازه وانتي ممكن تشوفين خيارات اخرى
اتمنى اكون افدتك بأستفساراتك
جولتي في امريكا 