السلام عليكم
اخواني سوف اشرح لكم بعض الملاحظات والأمور المهمة عن التسوق في أمريكا
انا اقسم الأسواق الي الأقسام التالية :
أولا المجمعات التجارية
ثانيا الاوت لت
ثالثا محلات last call
راح اشرح بعض الملاحظات علي كل جزء
أولا المجمعات التجارية
يا اخوان انا ما انصح باشراء الملابس من المجمعات الا اذا كان في تنزيلات في المحلات اللي في المول مع ملاحظة ان أحيانا اذا في تنزيلات في المحل ممكن يكون ارخص من الاوت لت
من المهم أي مجمع تدخله سواء مجمع او department store مثل macy's او Nordstrom وغيرها
انك تروح الي الانفورميشن سنتر تعطيهم هويتك ويعطونك مباشرة خصم 10% علي مشترياتك وهذا في اغلب المجمعات

ثانيا الاوت لتيا اخوان من المهم انكم تعرفون ان الاوتلتات في أمريكا مسيطرة عليها 3 شركات أهمها علي الاطلاق شركة premium outlets اللي تغير اسم الشركة وصار اسمها Simon mills واللي تملك اهم واكبر الاوتلتات في أمريكا
مهم انك تدخل علي موقع الشركة وتعمل اشتراك وهو مجاني اسمة vip club
بعد ما تعمل اشتراك حدد الاوتلتات اللي راح تزورها في أي ولاية
راح يعطيك شيئين الأول العروض الحصرية والثاني دفتر الخصومات
بالنسبة للعروض الحصرية يفضل تطبعا وتاخذها معاك الي الاوتلت او توريهم من تلفونك عند الكاشير الخصم اما دفتر الخصومات فتحصل عاية من الانفرميشن سنتر اللي في الاوتلت
الخصومات تستاهل و ممتازة و حقيقية وتعطيك خصم ما بين 15 الي 30 % من السعر حسب العرض
ولاحظ انك تحصل علي كل ذلك مجانا

ثالثا محلات last calls
وهذه مهمة وحلوة وممكن الواحد يلقط منهم أشياء حلوة
مثل محلات
ross dress for less
Burlington
last calls
وغيرها كثير
المحلات هذه طريقتها ان البضاعة اللي ما تنباع في الاوتلتات تتجمع هناك وتنفرز حسب المقاس
مثلا قياسك في التيشيرت xl تلاقي علاق طويل مكتوب علية xl فية متات التيشيرتات من هذا المقاس اختار الماركة والشكل اللي يعجبك
عاد مرة شريت تي شيرت من كاليفورنيا بأربع دولارات او خمسة يعني دينار ونص كويتي
لقيتة بالمجمع بالكويت ب 35 دينار والله
ومرة شريت بالطو ماركة polo ralph lauren ب 70 او 80 دولار يعني حوالي 20 دينار وبالكوبت مو اقل من 180 دينار حلو جدا فوق الدشداشة
واوصي الاخوات اللي يدورون فساتين للعروس و المناسبات تلاقونهم مفروزين حسب القياس وعندهم مقاسات كبيرة بعد والله مرة في نيوجيرسي شريت 5 فساتين اغلي واحد ما يتجاوز ال 18 دينار وبالكويت تلاقونهم بمئات الدنانير
ولاحظوا ان جميع الملابس اللي أتكلم عنها ماركات مثل مايكل كورس و من هالمستوي
والله يوفق الجميع

موضوع رائع جدا و مفيد و يهم كل مسافر و لان سفرتي قريبه ان شاء الله فادني موضوعك كثير يعطيك العافيه و حابه استفسر منك عن الميزانيه لمده 14 يوم بالتقريب بتكون كم؟ انا اعرف ان هذا الموضوع يتفاوت من شخص لاخر لكن ميزانيه تقريبيه بما انك خبير بأمريكا و شكرا جزيلا لك

احسنت بارك الله فيك

الله يجزاك الخير ويبارك فيك موضوع مهم

الله يجزاك خير

السلام عليكم و رحمة الله و بركاته ...
يعطيك العافية أخوي بدر على هالموضوع الأكثر من رائع و الحاوي على معلومات قيمة و مفيدة ....
بس أنت نسيت شئ مهم ما ذكرته في نهاية الموضوع ... " شراء شنط أضافية لوضع المشتريات" )

يعطيك العافيه اخوي
بس بسال محلات ال last calls
وين القاها ؟
وفي الاوت لت ولا وين

جزاك الله خير