مسافر بعد العيد لحالي لأني ما لقيت أحد معي الكل مرتبط ومحتار بين أندونيسيا أو البوسنة بعد العيد أغلب الظن 9 يوليو لمدة أسبوعين

وأخاف من الملل وش تنصحوني ...

أرجو الرد سريعاً عشان أحجز قبل الزحمة

السلام عليكم الصراحه البوسنه حلم جميل تتمنى طول الصيف تكون فيها في كل سنه حتى ودك تشتري فيلا او شقه .. اجمل دوله
بس صعبه بدون صديق ولا ونيس
تخيل نفسك لحالك في المطار والطياره والفندق وبلاد الغربه شي موحش ... بس كثير من الناس متعوده على السفر لحالها

اندونيسيا

خاصة جزيرة بالي لا تمل فعاليتها ولا تنتهي

البوسنة بلد جميل انا اصراحه جيت لي اندونيسا خاصه بونشاك ممله فوق 7 ايام لن ليست هناك اماكن ترفيه الا قليل وقليل ايضا الي يستاهل فوق هذا الابتزاز الي راح تلقائه من تدخل المطار لين تخرج حتى عند الخروج ابتزاز

كلا الدولتيــن فيهـا نشاطات و فعاليات و مغامرات جميــلة و يكتمل جمالها بوجود الرفقه الطيبـــة


افضل البوسنـــة على اندونيسيـــــــــــا


فهي جميــلة و تستحق الزيــارة و هي تتطور سنة بعد سنــة الى الأفضــل

اندونيسيا اعتقد الافضل وخيارات الترفيه اكثر والمناطق اكثر

حنا طالعين تاريخ 14 شوال لمدة 21 يوم

وعليكم السلام ورحمة الله وبركاتهوالله أخوي ما أدري شقول لك .. السفر بروحك ما أنصحك فيه
سواءً إلى إندونيسيا أو البوسنة لكن لو تاخذ وياك رفيق بيكون أفضل


بالنسبة لي .. من وجهة نظري إندونيسيا حلوة وزينة وناسها طيبين
بس أمشي على قاعدة (عامل الناس بمثل ما تحب أن يعاملوك)


إندونيسيا فيها أماكن كثيرة سياحية وحلوة لكن ألاحظ الكثير
ما يعرف فيها غير جاكرتا وبونشاك وباندونغ وبالي


طبعاً بالأول والأخير رحلتك تعتمد على الميزانية إللي انت مخصصها للرحلة
وإذا كنت تبي تسافر جواً من منطقة إلى منطقة أخرى داخل إندونيسيا فالأفضل
تاخذ من شركات الطيران الداخلية لأنها أرخص حيل من الشركات الدولية
مثل جارودا.. عندك لايون آير .. إلخ.. هالشركات داخلية وتعتبر أرخص
من جارودا


والله ودي أساعدك بس مدري شلون لأنه مثل ما قلت لك رحلتك تعتمد في الأول
والأخير على الميزانية إللي إنت مخصصها للرحلة.


تقبل مروري ومشاركتي
أخوك/ بو الماس