| رد: طلب مساعدة في تخطيط جدول سياحي لعائلة كبيرة بأفراد بالغين | |
برنامجك طوييييييييييييييل جدا جدا على اسبانيا وصدقيني ماينفع كذا
اول شي انتي اهملتي برشلونه ، وهي القلب السياحي النابض لاسبانيا ، لحالها برشلونه يبيلها 5 ايام
وبعدين ترتيبك للتنقلات فيه لخبطه وفيه مبيت بمدن ماتستحق
اولا شي ، ضروري تضيفين برشلونه ، اول ماتوصلين مدريد ريحي ليله وحده ، وبعدها احجزي قطار الى برشلونه واجلسي في 5 ايام
من برشلونه احجزي طيران الى ملقا ، ملقا الافضل لانها تتوسط غرناطه وماربيا ، بما انك بتسكنين في ماربيا ، خلي السكن في ملقا 2 - 3 ايام بس
يوم لملقا نفسها تتمشون فيها وتشوفون السنتر والقصبات الاندلسيه
ويوم تروحون لقصر الحمراء ، عن ملقا 130 كيلو ، اما مدينه غرناطه نفسها انا جيتها مافيها شي يذكر زحمه وقرف
بعدها تتجهون لماربيا ،
الاجمل في ماربيا هي ماربيا القديمه خصوصا ساحه البرتقال لازم لازم تروحون له
وخصوصا نهار كامل تروحون لقريه ميخاس جميله جدا ، واهلها عسل وحبوبين
ويوم لفينخرولا كذلك ليه لا
اما اشبيليا وقرطبه فهي قريبات من بعض ، يعني لازم تسكنين في اشبيليا افضل ومنها تزورين الكاتدرائيه والقصر لانهن جنب بعض اساسا ، ومنها تتمشين فيه جميله جدا اشبيليا خصوصا المنطقه اللي حول القصر والكاتدرائيه ، ومنها تزورين قرطبه ، لان مافي قرطبه شي يستحق المرور سوى الجامع اللي هو تحفه فنيه ، وكذلك القصر وهو جنب الجامع وتتمشون في القريه وتركبون الباص السياحي جميل جدا وفيه لغه عربيه
البرتغال ماسبق زرتها ولا اعرفها
ضروري تروحون شمال اسبانيا ممتع جدا بلباو وسانسبستيان طبيعه حلوه وجو حلو
واخر يومين في الرحله خليه لمدريد
نصيحه اخو انا سبق ورحت اسبانيا قبل كم شهر ونفس الجدول اللي كتبته لك الان هو اللي مشيت عليه وانبسطت جدا
وحطي في بالك موضوع الجو ، اذا سفرتكم بالصيف عز الله بتشوفون حر يقطع القلب ، اسبانيا مافيه طبيعه زي سويسرا
الجنوب في اسبانيا حااااااار جدا في الصيف
| 
طلب مساعدة في تخطيط جدول سياحي لعائلة كبيرة بأفراد بالغين 
