بسم الله الرحمن الرحيم ..
السلام عليكم ورحمة الله وبركاته ..
اخواني واخواتي اطلب منكم العون والمشوره في حل مشكله ممكن تتسبب في الغاء فكرة السفر ..
انا والاهل اتفقنا على السفر لاوربا وهي التجربه الاولى من نوعها بالنسبه لنا وكانت البدايه في تحديد الميزانيه واختيار الفنادق وغيره الى ان وصل الحال لتقديم الاوراق والمستندات الى السفاره الالمانيه لاصدار التاشيرة ..
ذهبت الى احد مكاتب السياحه الموجوده في الخبر وشرحت لهم الموضوع طبعاً موضوعي اني انا اكبر اخواني وعندي اخ واختين اصغر مني والوالده الله يحفظها اما الوالد فهو متوفي رحمة الله عليه ..
عموماً انا واخواني غير موظفين ولايوجد مصدر دخل ثابت غير مرتب تقاعد الوالد الله يرحمه وعندي كشف من التامينات مذكور فيه نصيب والدتي واخواتي فقط وعندي انا بحسابي الشخصي مبلغ كبير جداً طبعاً هالكلام شرحته لموظف المكتب وقال مافي مشكله دام رصيدك بالبنك كبير مايحتاج كشف مرتب وطمني من ذي الناحيه ..
حجزنا الموعد وجهزنا الاوراق كامله وقدمناها للسفاره طبعاً ماكنت متوقع ينرفض لان ماعندي كشف مرتب وانلغى طلبي وراح علي مبلغ الموعد مع اني حاولت استردها بس قالوا لي موظفين مركز التاشيرات الموحد المبلغ المدفوع غير مسترد ف سألتهم عن مشكلتي وحلها واظاهر ان خبرتهم قليله او انهم مايبون يتعاونون قالوا لي كشف المرتب اجباري لتثبت ان مقصدك من السفر ليس هجرة او غسيل اموال وبرر بان مصدر الدخل الثابت هو السبب الوحيد لاثبات عودتك للسعودية ..
استفساري لكم ياجماعة الخير واعتذر ع الاطاله هل هناك حل لموضوعي وهل سفارة بريطانيا تتجاهل كشف المرتب او ع الاقل تقبل بكشف مرتب تقاعد الوالد الله يرحمه اتمنى تساعدوني في حلول تسهل علي اجراءات التاشيره وشكراً لكم ..
انا اخذت موعد VIP وطلب مني الموظف(هندي الجنسيه)كشف حساب فقط وقلت له ماتبي تعريف بالراتب او بالعمل قالي اذا موجود جيبه وعطيته يعني ماطلبه مني كان يبي كشف حساب فقط والله اعلم وهذا الكلام في نص رمضان