السلام عليكم ورحمة الله وبركاته.
مسافرين بإذن الله الى امريكا بالتحديد كاليفورنيا شهر 9/2016 بنقعد فترة طويلة الغرض السياحة والترفيه عندي استفسار ياريت تردون علي لاصحاب الخبرة السابقة ابغي اخذ معاي بهارات وقهوة ؟؟هل مسموح ان تدخل هاذي الأغراض امريكا بدون اسئلة ونقاشات بسبب المشاكل الاخيرة اللي صارت متخوفين ناخذ شي معانا بس محتاجينهم لان فترة طويلة بنقعد شهرين واذا مسموح ندخل هالاغراض كيف طريقة التغليف وللعلم البهارات والقهوة صنع منزلي (شغل بيت) كيف اغلفهم وطريقة الإفصاح عن هالأغراض كيف لو سألوني بالتفتيش ؟؟؟

او هل في محلات في كاليفورنيا تبيع شغلنا من بهارات وقهوة عربية اصحاب الخبرة فيدونا وخبروني بعناوينهم لو عندكم محلات تبيع هالأغراض !!

بكون شاكرة لكم لو حصلت احد يساعدني ويفيدني

بالنسبة لي شخصيــاً


غلفتهــا و حطيت عليها تاريخ الانتاج و الانتهــاء عند اي محل للعطارات و المكسرات يخدمك فيهــا


بمشيئة الله تتيسر اموركم

طريقة التغليف كيف هل في اكياس او علب او كيف ياريت احد يفيدني جزاكم الله خير

اهم شي انكم تذكرون ان معاكم اكل في الابلكيشن اللي يعطونكم اياه في الطياره هذا مهم جدا

ثانيا اخذوا اللي تبون ماعدا اللحوم والدواجن

القهوه والهيل تغلف باحكام بكيس شفاف اذا امكن ويجب ان يكون عليه تاريخ الصلاحيه هذا مهم جدا

واذا امكن تحطونهم في شنطه واحده علشان التفتيش
تاريخ الصلاحيه بالامكان اخذه من اي منتج اخر مو مهم بس الحرص ان يكون ساري المفعول لمده طويله


تم كتابة الرسالة عبر تطبيق زاد المسافر

آسفة على كثرة الأسئلة بس لاني متخوفة من موضوع السين والجيم هناك ممكن صورة للابليكشن اللي اعبيه كمثال الكتابة اللي اكتبها فيها وهل لازم التعبئة من محمصة او عادي بالبيت مع تغليف حراري وعليها تاريخ الصلاحية شكرا لك عالرد وجزاك الله خير