السلام عليكمقررت اسافر لماليزيا انا وزوجتي وعندي بعض الاسئلة
هل تحتاج ماليزيا تأشيرة للدخول؟ تاشيرة من المطار او قبل السفر ؟؟
ماهي متطلبات السفر لماليزيا هل احتاج لمراجعة السفارة او مكتب سياحي لعمل اي اوراق مطلوبة؟؟
تحويل العملة هل احول للريجنت او الدولار؟
ياليت تعطوني افضل اماكن للسياحة وتكون رائعة ومناسبة للعائلة المحافظة
آخر سؤال/انا مسافر عالخطوط القطرية واحتمال ان ننتظر في مطار الدوحة عدة ساعات ,وش الحل لقضاء وقت الانتظار هل ننتظر بالطائرة او نجلس في فندق المطار ؟؟

وعليكم السلام ورحمة الله
هلا اخوي من وين انت وكم يوم تبي في ماليزيا


تم كتابة الرسالة عبر تطبيق زاد المسافر

هلا وغلا اخوي

الله ييسر امركم


ماليزيا ما تحتاج تأشيرة توكل على الله والأمور تياسير ولله الحمد
ترى فيه بنك للراجحي بالعاصمة هناك فاطمئن الأمور بماليزيا طيبة ومريحة وميسرة
انصحك تقرأ بالبوابة وتشوف ما الذي يناسبك خاصة الموضوعات المثبة
مطار قطر جميل فيه اسواق وبمطاعم وجلسات فلا تطلع منه اذا انتظارك 5 او 6 ساعات ما يسوى إذا اكثر ممكن تطلع وتروح لسوق واقف تغير جو وتتفرج وترجع خاصة انه قريب
كم مدة سفركم افضل المدن
مدينة بيننق تأخذ فندق على البحر الهولدي إن وما جاوره لا تأخذ شيء ما يكون على البحر لأن الزبده الألعاب البحرية
مدينة لنكاوي منتجعات بحرية جميلة وفيها برامج التلفريك الرائع والرحلة النهرية كلهن زينة
العاصمة فيها البرجين وشارع العرب والأكوريم والتسوق وغيره
كاميرون أيلند هذي منطقة باردة تحيط بها مزارع الشاي


فحدد ما تريد والله يسمح دربك علما بأن التنقل بينها يحتاج وقت طويل إما باصات فخمة أو طيران


وبالتوفيق

10 ايام

مشكور
هل هناك رسوم على السحب من صراف الراجحي لان بطاقتي الراجحي العادية

ياليت تعطوني افضل الاماكن في ماليزياوكم مقدار الميزانية المقترحة لشخصين بالنسبة للاكل والدخول للاماكن السياحة والتمشية فقط؟

ياليت احد يفيدني

بالنسبة للأماكن السياحية في كوالالمبور .. مول klcc والبرجين التوأم ..

كمان منارة كوالالمبور ممكن تتغدوا أو تتعشوا فيها جدا جميلة ..

وشارع العرب طبعاً جميل فيه مول بافليون ..


وكمان برجايا تايم سكوير فيه ملاهي ..


الإكواريوم ..


حديقة الزهور وحديقة الفراشات وحديقة الطيور ومصنع الشوكولاتة ومصنع القهوة هذي مالقيت فيها متعة بس إذا كان عندك وقت زيادة روحها .. كمان مدينة الأضواء في سيلانجور خلها للوقت الفاضي ..
سيلانجور .. المدينة المائية .. وصنواي لاجون مول

جنتنج تروحها من كوالالمبور جميل التلفريك بس الملاهي مغلقة وأحتاط بملابس ثقيلة شوي الجو هناك بارد


لنكاوي ..

تلفريك لنكاوي ..


بينانج .. هضبة بينانج ..


...


بالنسبة للتكلفة تختلف من شخص لشخص ومدة الإقامة وهل فيها تسوق أو لا من تجربتي الشخصية تقريبا 6000 شاملة الأكل والشرب والتمشية ودخول الأماكن السياحية ..


..


بالنسبة للسحب من الصراف إيه راح ياخذون رسوم ..

عندك طريقتين .. يا إنك تسحب كل المبلغ اللي يلزمك وتحوله ف المطار لما توصل وهالشي بيسبب لك قلق ..

أو إنك تطلع لك فيزا ومرة أنصحك بهالحل 👍


أي إستفسار أنا حاضرة 💛