إضافة رد
03 / 08 / 2016, 03 : 05 PM
رقم المشاركة :  1 
مسافر جديد



الملف الشخصي
تاريخ التسجيل : 16 / 06 / 2016
رقم العضوية : 123305
المشاركات : 57
الجنس : أنثى
الحالة : vkh غير متواجد حالياً
تجربتي مع السفارة النمساويه ..

السلام عليكم و رحمة الله و بركاته .. بعد الانتهاء من شغل السفر و إستلام الفيزا ب أذكر لكم تجربتي الاولى مع السفاره النمساويه للاستخراج فيزا شنقن
أول شيء بديت أبحث عنه هي الفيزا و متطلباتها المعقده و أشوف الناس مصعبه الموضوع و الاغلبيه مكتب يسويها له لكن وش الفايده ادفع فلوس و أروح أبصم !!
المهم قلت للوالد لا تفكر تتعامل مع مكتب أنا بضبطكم و جلست أسابيع و أنا أبحث و أسئل وأتأكد ، بعد ما عرفت الطريقه حجزت موعد لكل شخص من العائله (بالغ أو طفل ) جهزت الطلبات الي هي
طباعة حجز الموعد
الابلكيشن (الاستماره)
صورتين 3.5-4.5( مع العلم انهم اخذوا مننا وحده لكن احتياط جيبوا الثنتين)
تأمين طبي من التعاونيه
صورة من حجز الطيران
صورة من حجز الفنادق ( جميع المده)
صورة للجواز
تعريف عمل ( للوالد)
كشف حساب (للوالد)
توقع على الجواز عند الخانه الي مكتوب فيها توقيع صاحب الجواز
و بالسفاره عطوا الوالد تعهد يوقع عليه (تعهد طبي)

حجزنا موعدين 12/7/2016 و 13/7/2016
الوالد قدم أوراقه بالموعد الاول و بالموعد الثاني قابلنا نفس الرجال الي سوا أوراقنا و قال له انهم اطفال تبعي أرفقهم مع بيانات أمس و ما طلب من الوالد الا ماستر كارد
و طلعت تأشيرات الموعد الاول بعد 4 أيام و الموعد الثاني بعد 8 أيام
لكن الي استغربته انهم خلونا نفتش !! على كثر المواضيع الي قريتها و لا واحد قال انه ما فيه غرف انتظار عوائل يعني حريم و رجال بصاله وحده و صغيره وكذا قدامهم قال لي افتشي زين ان الغرفه ماكان فيها الا كم واحد و كلهم صدوا
يعني صدمتي الاولى كانت بالمكان الي جلسنا فيه حاطين كراسي المستشفى هذيك الحديد و الغرفه صغيره مره و حر 😩 و الصدمه الثانيه يوم قال لي اكشفي يعني انلخمت في حرمه اشوفها داخل ليه ما اكشف لها هي 😐
المهم ان الي يضبط اوراقك قبالك على طول تتكلم معه و أنت واقف و أنا على بالي مكتب و كنب و حركات على كل ذا الفلوس الي ياخذونها المهم ابوي اخذ كل أوراقنا و قدمها لهم بعدين ناداني و سئل هل انا موظفه أو طالبه و كشفت و طابق الصوره و بصمت و طلعناا .. طبعا بالوقت الي طلعت التأشيره كنا مسافرين ف قبل اسبوع رجعنا الرياض و اخذناها و للاسف ما عطونا سنه ☹ المفروض أقل شيء سنه على ذا المعلومات الي عطيناهم كأننا بنهاجر مو سفرة عشرين يوم 😑
بس الصدق لا تشيلون هم الاجراءات بالسفااره سهله مره أخذنا تقريبا نص ساعه ل 6 جوازات
يعني جهز أوراقك و توكل على الله و كل شيء خذه معك كشف حساب و ماستر كارد و بطاقة العائله و تعريف عمل
و اذا جيت تستلمها ما يطلبون الا بطاقة العائله ..
وإنتهينا من الفيزا ولله الحمد كنت قد المسؤوليه 😁
و الان ننتظر موعد السفر بعد أربع أيام 💃🏻💃🏻💃🏻.. صراحةً استفدت من مواضيعكم بشكل كببببير يعطيكم ألف عافيه .. أتمنى اني أفدتكم 🙏🏻
14 / 08 / 2016, 44 : 12 AM
رقم المشاركة :  2 
مسافر جديد



الملف الشخصي
تاريخ التسجيل : 21 / 05 / 2016
رقم العضوية : 121741
المشاركات : 3
الجنس : ذكر
الحالة : s2s1 غير متواجد حالياً
رد: تجربتي مع السفارة النمساويه ..

كم المده من التصبيم لاستلام الجوازات , وهل تواصلو معكم يوم جهزت ولا كيف
لاني بصمت باربعه من الشهر وحتى الان ما جا رد منهم :(
05 / 09 / 2016, 21 : 08 AM
رقم المشاركة :  3 
مسافر جديد



الملف الشخصي
تاريخ التسجيل : 19 / 07 / 2016
رقم العضوية : 126078
المشاركات : 49
الجنس : ذكر
الحالة : ابوعبداللطيف1 غير متواجد حالياً
رد: تجربتي مع السفارة النمساويه ..

غريبه كيف تفتشين ؟؟ العوائل لهم قسم خاص مستقل عن العزاب امس انا عندهم بفرع الرياض قدمت على السويسرية وكانو كل الموظفين حريم مافيه ولا رجال بقسم العوائل
إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
[ معلومات عامة ] تجربتي في السفاره النمساويه بالرياض 17/6/2015 osama abdullah زاد المسافر الى النــمسا 6 21 / 07 / 2015 22 : 11 AM
متى اجازة السفارة النمساويه ؟ الزعيم النمساوي زاد المسافر للتأشيـــــرات VISA 4 17 / 07 / 2015 44 : 01 PM
تجربتي 13 رمضان بالسفاره النمساويه. الزعيم النمساوي زاد المسافر للتأشيـــــرات VISA 5 14 / 07 / 2015 26 : 04 AM
استفسار عن نقاط في ابليكيشن السفارة النمساويه الرهيبة بوابة الإسـتـفسارات عن النـمـسـا 2 01 / 04 / 2013 49 : 05 PM
سؤال عن الابلكيشن حق السفارة النمساويه day747 بوابة الإسـتـفسارات عن النـمـسـا 5 11 / 03 / 2013 07 : 01 AM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .