شبكة ومنتديات زاد المسافر / زاد المسافر الافـريـقـيـة / زاد المسافر الى جـنـوب أفريـقـيـا

إضافة رد
03 / 09 / 2016, 35 : 09 PM
رقم المشاركة :  1 
مسافر جديد



الملف الشخصي
تاريخ التسجيل : 04 / 06 / 2016
رقم العضوية : 122547
المشاركات : 37
الجنس : ذكر
الحالة : (ابو زياد) غير متواجد حالياً
تنبيه للمسافرين لجنوب افريقيا، طريقه جديده لعصابات السرقه

السلام عليكم ورحمه الله وبركاته


حصل لي موقف سرقه قبل شوي وحبيت اطرحه لكم عشان تحتاطون


مع اني ما احتك مع اي احد في الشارع او اشتري منه او اتعامل معه لكن سبحان الله مقدر

كنت بعبي بنزين وبسحب فلوس كاش ولقيت لي محطه فيها سوبر ماركت وداخل السوبر ماركت صرافه ، وقفت على جنب وزوجتي خليتها في السياره وخليتها تقفل على نفسها الباب ودخلت السوبر ماركت وسحبت بشكل طبيعي من الصرافه وشريت لي كم غرض وطلعت والا شوي يجي واحد يقولي الكاشيرة تبيك روح لها، قلت له اوكي وسحبت عليه رحت اعبي بنزين شوي يجيني واحد ثاني يقولي الكاشيره تقولك ان حسابك في الصرافه مفتوح روح قفله، انا هنا شكيت وتذكرت اول مره سحبت من صرافه في مطار كيب تاون لما خلصت وطلعت البطاقه كانت فيه خيارات تطلع لي شكيت هل هي الصرافه كذا او ان هذا حسابي مفتوح بس بعدين تبين لي انها هي كذا. المهم رجع لي الشك انه فعلا ما تسكر، ورحت اسال الكاشيره وكانت ساكته والقى ٤ خوال عند الصرافه زعلانين يقولون انت ما خليتنا نسحب يلا قفل حسابك عشان نسحب رجعت اسال الكاشيره هل فعلا كلامهم صحيح ماردت علي وراحت تشوف زبون عندها وانا لسه ما ارتحت لهم، شوي دخل راعي البنزين الي عبيت عنده داخل السوبر ماركت وسالته هل كلامهم فعلا صحيح رد علي و قالي انا مافهم انقليزي ولما شافوني متردد ومتخوف اجتمعوا علي واخذوا الصرافه الي في يدي ودخلوها في الصرافه وانا على طول ضغطت زر كنسل عشان تطلع البطاقه ومارضت تطلع، فاضطررت اني ادخل الرقم السري عشان اطلعها ولما دخلت برضو ماطلعت شوي جاني واحد ثاني قالي تبيني اطلعها لك وبدون استاذان ضغط كم زر بشكل سريع وكان واضح انه متمرس بعد كذا هربوا كلهم، وبطاقتي ماطلعت من الصراف.

رجعت السياره ع طول ركض عند زوجتي اتطمن عليها ولقيتها الحمدلله سليمه، فتشت الجوال لقيت خصم ٥٠٠٠ راند، ورحت للصرافه احاول فيها تطلع الصرافه وماش ماطلعت بلعتها، رحت عند الكاشيره وقلت لها ليش ما قلتي لي انك ماكنتي تبين مني شيء يوم اسالك هل انتي قلتي ان حسابي مفتوح ولازم اقفله، ردت علي وقالت انا كنت خايفه منهم، بعدين رحت ادور على الي عبالي بنزين كان لابس لبس رسمي تبع المحطه وما لقيته !

ع طول اخذت الجوال ودخلت عن طريق النت لبرنامج الراجحي والغيت البطاقه.

والعجيب اني ما شفت فلوس طلعت من الصرافه لما كانوا عندي فمادري وين راحت وبمعنى اصح كيف سرقوها

الخلاصه والله العالم، انهم لعبوا بالصرافه بحيث لما ادخل بطاقتي ماعاد تطلع بعدين هم يجون ياخذوها ويسحبون منها

المشكله والي يقهر ان الحدث هذا صار في كامبس باي في كيب تاون الي يعتبر مكان آمن في النهار وسط الناس والكاميرات مغطيه المكان ولا احد تجرا وفزع لي، وكان فيه تواطئ من الكاشيرة وعامل المحطه

بعدين رحت لقسم الشرطه وقلت له الي صار قالي جيب من البنك الي يثبت بان 5000 راند انسحبت منك عشان نفتح محضر، طبعا ما اقدر لان الراجحي ما يطلع عمليات السحب الخارجية الي صارت اليوم لازم انتظر الى بكرا

دقيت على السفاره ورد علي واحد صراحه كان متعاون جدا وقالي ان الحركه هذي تصير كثير واعطاني نصايح وباذكر ابرزها:

١- لاتسحب من الصرافات الي داخل السوبر ماركت
٢- يفضل السحب في مجمعات كبيره ومشهوره
٣- اذا كان وراك "خال" (هذي كلمة موظف السفارة ) لا تسحب ابدا
٤- لا تكلم ولا ترد على اي احد في الشارع
٥- تجنبوا الاشياء الي تدل على انكم سياح (مثل ساعات وملابس راقيه وكاميرات..الخ) طبعا انا الحمدلله منتبه لهذي النقطه لكن زوجتي متحجبه وعرفوا منها


والحمد لله على سلامتنا والفلوس الحمد لله الي راح شيء لا يذكر، وترا كانوا بيسحبون اكثر لكن الصرافه رفضت ولله الحمد مادري ليه والا كان باكون مشرد بدون فلوس ههههههه

والسالفه هذي تتكرر كثير وقالي موظف السفاره ان فيه واحد بنفس الطريقه انسرقت منه 20 الف ، طبعا استغرب من المبلغ الي انسرق مني 5000 راند طلع ان المكينه رفضت مرتين ولقيت الايصالين بعد هههههههه

المهم سلامة زوجتي هي الي خفت عليها والا الفلوس تروح وتجي، وانتبهوا من الراجحي دقيت عليهم ابلغ ان بطاقتي مسروقه طبعا هذا بعد ما قفلت بطاقتي من النت قلت بتاكد مره ثانيه المهم دقيت عليهم وطولوا ما ردوا ولما ردوا قلت للموظف بطاقتي انسرقت وابيك تقفلها قالي دقايق وطول بعدين قالي السستم معلق انتظر

وقعد يحاول لين ما قرب رصيدي يخلص وجت النغمه هذيك الي تنبه ان الرصيد بيخلص و قلت له انا رصيدي بيخلص خذ رقم الهويه الان سجله عندك وقفل بطاقه الصراف قالي دقايق ههههههههه مادري وش يبي يسوي بعدين خلص رصيدي وانقطع الخط.

فانتبهوا وحملوا في جوالاتكم برنامج البنك الي تتعاملون معاه بحيث لو صار شيء لا سمح الله تقدرون تقفلون البطاقه بضغطه زر.


طبعا السرقه تصير في جميع الدول ومو يعني اني انسرقت خلاص جنوب افريقيا مو امان بالعكس امان لكن لا تتعاملون مع احد غير حقين الفندق او الامكان السياحيه الي بتروحون لها.


بالتوفيق
04 / 09 / 2016, 02 : 02 PM
رقم المشاركة :  2 
مشرف بوابة جنوب افريقيا
{ مـؤسـس }



الملف الشخصي
تاريخ التسجيل : 23 / 06 / 2007
رقم العضوية : 4
الإقامة : ][ السعودية ][
المشاركات : 7,700
التقارير : 3
الجنس : ذكر
الحالة : مساعد التميمي غير متواجد حالياً
رد: تنبيه للمسافرين لجنوب افريقيا، طريقه جديده لعصابات السرقه

الله يخلف عليك
ويعوضك خير
ولحمد لله على السلامه
واهم شيء تستمتع بالرحلة ولا تضيق صدرك هالمواقف وتخرب الرحلة .

تنبيه مهم وجزاك الله خير
04 / 09 / 2016, 01 : 03 PM
رقم المشاركة :  3 
مسافر جديد



الملف الشخصي
تاريخ التسجيل : 20 / 08 / 2016
رقم العضوية : 128672
المشاركات : 32
الجنس : ذكر
الحالة : الكنغ8 غير متواجد حالياً

الله يعوض عليك اتصل عالبنك واطلب الغاءالعملية ان كانت عملية اي نوع غير سحب كاش سيتم الغاءها وعمل استرجاع لكن ان كانت عملية سحب كاش فستعتبر سرقة ولن ينفعك البنك سوا قسم الشرطة بالنسبة لعمليات الغير كاش لاتصل الى الطرف الاخر الا بعد مدة وهذه ميزة عندما يكون المبلغ معلق بينك وبين الجهة الاخرى يقوم البنك بعمل نزاع عالبلغ وبعده يسترجعه بكل بساطه


تم كتابة الرسالة عبر تطبيق زاد المسافر
04 / 09 / 2016, 29 : 05 PM
رقم المشاركة :  4 
درجة الأفق



الملف الشخصي
تاريخ التسجيل : 15 / 01 / 2008
رقم العضوية : 998
الإقامة : السعودية
المشاركات : 445
الجنس : ذكر
الحالة : abdulwahab غير متواجد حالياً
رد: تنبيه للمسافرين لجنوب افريقيا، طريقه جديده لعصابات السرقه

عليكم السلام

حمدلله ع سلامتك


صار معي وزميل لي في سوق نيلسون مانديلا نفس الشيء بعد ما سحب صديقي من الصرافة الي بوسط المول جت وحده وقالت العملية ما انتهت رجعنا للصرافه ولقيت طلب من الجهاز بوضع الرقم التسلسلي كامل للبطاقه سألت الي معي بطاقتك طلعت قال ايه قلت خلاص وشكيت فيها لان فيه ٦ صرافات وكلها فاضيه ليش بس جت للصرافه الي سحبنا منها فأعتقد انها بسرعه ركبت قطعه الكترونيه صغيره على مدخل البطاقه لقرائتها ونسخ بطاقه اخرى شف هالمقطع ب النمسا هههههه


https://m.youtube.com/watch?v=ll4f0Wim4pM


ودايم ينصح انه تركز ما تسحب الا من مكان ثقه وابعد عن الصرافات الي بالشوارع يعني تسحب من البنك والصرافه الي داخل البنك احسن وبالنهار طبعا وتنتبه لمدخل البطاقه احيانا يركب قطعه ع المدخل عشان تقراء البطاقه وكل ما يحتاجوا انهم بس يشوفوا الرقم السري فعشان كذا ركز على الصرافه من فوق انه ما فيه شيء مكسور ومركب عليها كمره تشوفك وانت تضغط الرقم السري او شخص يجي يقولك العملية ما انتهت ويبي يشوفك وانت تحط الرقم السري او لو التكنلوجيا تطورت كل ما يحتاجه هو رقم البطاقه الطويل وينسخ وحده ثانيه وطبعا دايم هذولا يكونوا فريق كامل انا متاكد البنت الي جتنى بالسوق فيه معها مساعدين حواليها


وشكرا لكتابة تجربتك عشان غيرك يعرف ويستفيد
08 / 09 / 2016, 21 : 02 PM
رقم المشاركة :  5 
مشرف بوابة جنوب افريقيا
{ مـؤسـس }



الملف الشخصي
تاريخ التسجيل : 23 / 06 / 2007
رقم العضوية : 4
الإقامة : ][ السعودية ][
المشاركات : 7,700
التقارير : 3
الجنس : ذكر
الحالة : مساعد التميمي غير متواجد حالياً
رد: تنبيه للمسافرين لجنوب افريقيا، طريقه جديده لعصابات السرقه



اخونا ومشرفنا معشي الذيب من ألمانيا اعترضه رجال لابسين زي عسكري وأرادوا سرقته بالابتزاز قبل كم يوم !
في النمسا اخونا ابو عمر تم سرقته مرتين
في إيطاليا ينسمون الكفر ثم يتابعونك الله ياخذهم
وفي جنوب إفريقيا هذي طريقة جديدة
وفي تركيا يمر بجوارك ثم يقع على الأرض لتشتغل به فتسرق بخفة يد من اصحابه وفجأة يقوم وما فيه إلا العافية


كل هذه المواقف حدثت هذا العام فالله يستر اصبح الخليجي هدف للأسف يجب أن نأخذ الحيطة في عدم ليس الغالي وليس العادي جدا وعدم التميز فالحشر مع الناس نعمه !
الله يخلف عليك اخوي ومع اهمية الاستمرار بالتواصل مع البنك !
19 / 09 / 2016, 24 : 02 AM
رقم المشاركة :  6 
مسافر جديد



الملف الشخصي
تاريخ التسجيل : 04 / 06 / 2016
رقم العضوية : 122547
المشاركات : 37
الجنس : ذكر
الحالة : (ابو زياد) غير متواجد حالياً
رد: تنبيه للمسافرين لجنوب افريقيا، طريقه جديده لعصابات السرقه

الله يسلمكم


بالنسبة للعملية طلعت سحب كاش (مادري كيف اخذوا المبلغ ؟؟؟)

عبدالوهاب فعلا نفس الحركه الي صارت لكم صارت لي و كان مكتوب رقم تسلسلي في شاشة الصراف


المهم اليوم الي بعده بلغت الشرطة وفتحت محضر بمساعدة المانجر حق الفندق الي انا فيه، وقالوا لي ان المحقق بيجي بكرا وبندق عليك ودقوا علي بعدها ب ٣ ايام وقالوا الكاميرات الي في المحطه ما نقدر نشوفها الا اذا جاء صاحب المحطة بعد كم يوم ورجعت للسعوديه ولسه ما انحلت


صراحه كل ما اتذكر الموقف انغبن واقول كييف مشت علي

وموظف السفارة نصحني وقال في كل بلد لهم طرقهم الخاصه في السرقه ولازم اول ما توصل اي بلد تسجل الجوازات في السفارة السعودية وتسالهم عن اشهر طرق السرقه عشان تحتاط.

وانا اقترح ان يكون فيه موضوع مثبت في كل بوابه ونتواصل مع السفارات ونكتب فيه البلاوي الي تصير.


طبعا وانا في قسم الشرطة لقيت ٢ خليجين كلهم مسروقين

واحد انسرقت جوالاته كلها مع الفلوس والبطايق والثاني ما اسعفني الوقت اساله

وياليت يا مشرفنا تقولنا كيف انسرق ابو عمر عشان تعم الفائدة للجميع
19 / 09 / 2016, 17 : 05 PM
رقم المشاركة :  7 
مسافر جديد



الملف الشخصي
تاريخ التسجيل : 20 / 08 / 2016
رقم العضوية : 128672
المشاركات : 32
الجنس : ذكر
الحالة : الكنغ8 غير متواجد حالياً
رد: تنبيه للمسافرين لجنوب افريقيا، طريقه جديده لعصابات السرقه

اخوي حمدلله عالسلامه انا كنت هناك قبل فترة المكاين تطلع البطاقة وتتأخر لين تعطيك الفلوس فيمكن ما انتبهت لهالشغله
بالنسبة للسرقات انا الحمدلله لم اتعرض لشي لكن اجزم ان البلد الامن فيه ضعيف لم اسكن في منزل كان او فندق او شقه او حتى كوخ الا ووجدت بوابات تفتح بالريموت واشباك شائكة وحرص زايد اتوقع انه لم يأتي من فراغ


تم كتابة الرسالة عبر تطبيق زاد المسافر
19 / 09 / 2016, 27 : 10 PM
رقم المشاركة :  8 
مسافر جديد



الملف الشخصي
تاريخ التسجيل : 04 / 06 / 2016
رقم العضوية : 122547
المشاركات : 37
الجنس : ذكر
الحالة : (ابو زياد) غير متواجد حالياً
رد: تنبيه للمسافرين لجنوب افريقيا، طريقه جديده لعصابات السرقه

اقتباس: المشاركة الأصلية كتبت بواسطة الكنغ8
اخوي حمدلله عالسلامه انا كنت هناك قبل فترة المكاين تطلع البطاقة وتتأخر لين تعطيك الفلوس فيمكن ما انتبهت لهالشغله
بالنسبة للسرقات انا الحمدلله لم اتعرض لشي لكن اجزم ان البلد الامن فيه ضعيف لم اسكن في منزل كان او فندق او شقه او حتى كوخ الا ووجدت بوابات تفتح بالريموت واشباك شائكة وحرص زايد اتوقع انه لم يأتي من فراغ


تم كتابة الرسالة عبر تطبيق زاد المسافر


لا ياخوي الي صار لي سرقة من عصابة منظمه وخدعة محبوكة مع مساعدة راعي البنزين وكاشيرة السوبر ماركت، وقد سحبت قبلها مرة وماكانت فيه اي مشاكل، وموظف السفارة كان عارف الطريقة هذي وقالي انها صارت لناس واجدين غيري


وبالنسبة للفنادق فعلا ، القيست هاوس الي سكنت فيه في نيزنا كانوا يشغلون نظام حماية على الساعة 6 الليل حول البيت، هو عبارة عن اشعة واي شخص يقرب حول البيت بيتشغل انذار على طول.


وبالنسبة للمحلات البقالات والمتاجر في موسل باي حاطين عليها شبوك وعشان تدخل لازم تضغط الجرس بعد كذا يتحققون منك ويفتحون لك بس الامانه لله ماحسيت بخطر طول السفره هذي ولا تعرضت لموقف غير موقف السرقه هذا


ترجع بالسلامه
20 / 09 / 2016, 39 : 12 AM
رقم المشاركة :  9 
درجة أولى



الملف الشخصي
تاريخ التسجيل : 02 / 06 / 2016
رقم العضوية : 122458
الإقامة : مكة
المشاركات : 696
التقارير : 1
الجنس : ذكر
الحالة : الهذليksa غير متواجد حالياً
رد: تنبيه للمسافرين لجنوب افريقيا، طريقه جديده لعصابات السرقه

وعليكم السلام ورحمة الله وبركاته
اولا الحمدلله على سلامتك انت وعيالك
ثانيا الله يعوضك خير
ثالثا جزاك الله خير على سرد قصتك ونصائح السفارة بالذات لانها راح تفيد الكل بدون استثناء


تم كتابة الرسالة عبر تطبيق زاد المسافر
21 / 09 / 2016, 08 : 12 PM
رقم المشاركة :  10 
مسافر جديد



الملف الشخصي
تاريخ التسجيل : 20 / 08 / 2016
رقم العضوية : 128672
المشاركات : 32
الجنس : ذكر
الحالة : الكنغ8 غير متواجد حالياً
رد: تنبيه للمسافرين لجنوب افريقيا، طريقه جديده لعصابات السرقه

اخوي الحافظ الله ولكن والله لم احس في الامان الا عندما ختمت المغادرة فالمطار البلد جميل لكن الامان غير موجود عندما سكنت احد الشقق نظام اكواخ سالتهم عن الامان بالمنطقة وضحكت وقالت لا خطر هنا لكن لا يفتحون لك الابواب الا بعد ماتعرف عن نفسك وكانوا جدا خائفين عندما ادخل فالمساء متأخر البلد جميل لكن مشكلته الامان


تم كتابة الرسالة عبر تطبيق زاد المسافر
إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
استخراج الفيزا لجنوب افريقيا Asaad@@ بــوابـة الاسـتفـسـارات عـن جـنـوب أفـريـقـيـا 6 04 / 06 / 2014 03 : 12 PM
ساعدوني ببرنامج سياحي لجنوب افريقيا _sasa_ بــوابـة الاسـتفـسـارات عـن جـنـوب أفـريـقـيـا 6 16 / 07 / 2012 07 : 09 AM
كم مدة صلاحية الفيزا لجنوب افريقيا .. ؟ عبدالله النعيمي بــوابـة الاسـتفـسـارات عـن جـنـوب أفـريـقـيـا 4 20 / 08 / 2011 38 : 04 PM
برنامج شهر عسل لجنوب افريقيا الجهني بــوابـة الاسـتفـسـارات عـن جـنـوب أفـريـقـيـا 14 10 / 06 / 2010 18 : 11 PM
[ خـبـر ] تنصيب زوما رئيسا لجنوب افريقيا ابو راشد زاد المسافر الى جـنـوب أفريـقـيـا 7 13 / 05 / 2009 12 : 02 PM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .