السلام عليكم ورحمة الله وبركاتة
اخواني وخواتي
انا محتار بين مكانين بسكن
١- فندق جنة الخليج الدوحة
٢-أجنحة الليوان الفندقية
ابي مشورتكم ايهم افضل واذا احد مجرب واحد منهم يقولي او سامع شي عنهم يقولي لان راح احجز فيهم اسبوع ومعي العائلة وما ودي اتوهق
الله يسعدكم يااهل قطر



تم كتابة الرسالة عبر تطبيق زاد المسافر

شوف بوكينج والتعليقات اللي عليه وانت تقرر

اخوي العزيز
كل فندق من الي ذكرتهم له مميزات وله سلبيات
وانت قرر


جنه الخليج : يتميز في الموقع
حيث قريب من الكورنيش والاماكن السياحيه
و يقع قريب من طريق سلوى الرئيسي

اما كاثاث ونظافه لك عليه من تجارب بعض الاخوه
مايسوى

الليوان :
انظف وارتب من جنه الخليج
قريب من سوق واقف و الكورنيش
قريب من الوكره اذا راح تزور سوق الوكره التراثي

بعيد نوعا ما من طريق سلوى وموقعه مب حلو


اذا تبغي رايي
الليوان افضل


واذا ودك في اقتراحات
اذكر لي العدد و الميزانيه

وفي خدمتك