السلام عليكم ورحمة الله وبركاته
أول شي أحب أشكر جميع أعضاء هذا المنتدى
وحاب أشاركم في تجربتي للسفارة الإيطالية ( بالخبر )
من تجهيز الأوراق والمتطلبات .. طبعاً بعد ما تحط موعد لتقديم الأوراق في موقعهم ..
1- تعبئة الأبلكيشن ويتم تنزيله من موقعهم .. ( وهذا مهم )
2- عدد صورتين لكل شخص ..
3- ترجمة البطاقة الوطنية مع صوره منها ..
4- ترجمة بطاقة العائلة مع صورة منها .. ( أذا كان معك أفراد العائلة )
5- تأمين طبي ..
6- كشف حساب 6 أشهر ..
7- تعريف بالراتب ( أنجلينزي )
8 - في أبلكيشن في موقع السفارة ( راح أضيفها بالمرفقات ) هذا مهم بعد أنا توقعته للـ ذاهبين للعلاج الطبي
لكنه مطلوب .. هو مكون من ثلاث فقرات وراح أشرحها لكم ( مقدم الطلب تعبي أول خانه وثالث خانه ،
أذا معاك العائلة أول خانه وثالث خانه بأسم صاحب الطلب والخانه الثانيه رب الأسرة )
9- حجز الفاندق ..
10- الجواز ولازم يكون فيه أكثر من 6 شهور ، مع صورة لـ أول صفحة مع ثاني صفحة إلي فيها توقيع صاحب الجواز ..
11- حجز تذاكر الطيران ..
12- أذا كان عودتك من دولة ثانية لازم تضيف وسيلة النقل إلي من إيطاليا إلى الدولة الأخرى ( أنا أضفت حجز السيارة )
13- صورة البطاقة الأئتمانية ..
14- أذا كنت مجدد الجواز وعندك فيزا شنغن من الجواز القديم لازم تصورها ..
هذي هي طلباتهم ..
نقاط مهمه حتى ما تتأخرون عند تقديم الطلب
- تأكد من الترجمة ( أنا كان عندي خطأ حرف في أسم البنت وقال لي الموظف روح عدل الترجمة ) فـ أنتبهوا لهذي الشغلة حتى ما تتأخر ..
- لما ذكرت تعبئة الأبلكيشن ويتم تنزيله من موقعهم .. ( وهذا مهم ) أنا كنت معبي من ابلكيشن نزلته من هنا من أحد الأخوان PDF وتعبئته بالكمبيوتر ونفس الأبلكيشن بس مكتوب فوق الأبلكيشن السفارة الأيطالية
أنا قبلها بـ ليله وأنا جالس أتأكد من الأوراق سبحان الله قلت أخاف يقولون شي عن هذا الأبلكيشن خل أعبي من أبلكيشن موقعهم وأخليه جاهز أذا قالوا شي إلا أنا معبيها وجاهزه ، وفعلاً قال هذي مو مقبوله لازم الثانيه وأنا أعطيه الأوراق إلي كنت معبيها
حبيت أخدمكم بهذي الشغله على شان تروحون وأنتم جاهزين بإذن الله ولا تتأخرون ..
دمتم بخير ..
