ماشاء الله تبارك الله

الله يقر عينك بشفاء ولدك وصلاحه واخوانه

وتقرير مميز من بدايته ماشاء الله

متابعين معاكم التقرير

ما شاء الله الشقه روعه واختيار موفق

وسجليني متابعه لك اختي الغاليه ام العبادله

ماشاء الله تبارك الرحمن الله يخلي لكم العبادله كلهم ويستر عليهم

تستاهلون من يدليكم واهل الرياض كرماء في كل شي

بس انتي طولتيها وهي قصيره لو سامعه كلامي ما تحتاجين لا دكتور ولا اخصائي ولا شي


ومصيرج تسمعين كلامي


المطر في السفر شي رائع وجميل وبدايه حلوه وشيقه

والشقق رائعه وسعرها اكثر من رائع

متابعين التقرير الجميل


والله يجزاج الخير في شكر الاعضاء هذا الوفاء مو غريبه على اهل قطر

الله يحفظ لك عيالك ، ويصلحهم

والشقه ما شاء الله نظيفه وحلوه ، والسعر حلو

الله يعطيك العافيه ، ومتابعينك

الحمد لله إن رحلتكم كانت موفقة والله يشفي ولدك ، وبالعكس حنا ما سوينا شي يستاهل وهذا واجب علينا ونعتذر منكم عن التقصير ، أما بالنسبة للعبارة التالية :

اقتباس:

مع ان الشقة والله نظيفة والملحف كان نظيف بس اختكم فيها مرض الوسواس الله لا يبلاكم

عندنا وعندك خير .. أم سلطان في كل رحلة تاخذ معها لحاف ووجه مخدة ، عندها وسواس في النظافة شي غير معقول .. السكن بالنسبة لها أهم من الرحلة كلها .. لو كان السكن مو نظيف فهذا دليل على أن الرحلة غير جيدة ، إن شاء الله لو كانت في أجمل بقعة على وجه الأرض ولحاف السرير تشك .. مجرد شك أنه غير نظيف فقل على الرحلة السلام .. طبعا هذا الوسواس إنعكس على عيالي .. واعاني معاناة عند البحث عن دورة مياه للأطفال .. فالحمام لا بد أن يكون ذو مواصفات خاصة .. ويا ويل أحد من العيال يمشي في حوش البيت وهو حافي! .. أو ينام قبل ما يفرش أسنانه أو يمر عليه يومين بدون ما ياخذ حمام دافيء أو يأكل بصوت مسموع أو يفتح فمه أثناء الأكل .. صار الواحد ما ياخذ راحته في البيت بسبب بعض البروتوكولات .. أفكر بأخذ أم سلطان لإحدى الدول الأفريقية التي زارها المغامر أو كبيان علشان تعرف معنى النظافة على أصولها ..


بإنتظار باقي رحلتك أختي أم العبادلة والله يوفقك ويحفظ لك العبادلة وأبو العبادلة ..

حياك الله اخوي قارمن

اشكر حضورك الطيب ومتابعتك لتقريري المتواضع


هلا وغلا اختي عبير نجد

اسعدني مرورك العطر

نورتي وتابعي معاي باقي التقرير

هلا ومرحبا فيك اخوي بوباسل

عندي شرط بسمع كلامك بس بجيبه عندك وانت عاجله وجهز الظب مدري السحلية

واذا طاب الولد بسوي لك دعاية مجانية ويمكن تصير مشهور وتصير مليونير من ورا هالشغلة :

بس ادري انك بتعالج ولدي ببلاش اول تجربة بتكون لك

اشكر مرورك الطيب وحياك الله

حياك الله اخوي أبو رؤى

اشكر كلامك الطيب ومتابعتك لتقريري المتواضع




هلا ومرحبا فيك اخوي بوسلطان

والله نفس كلام ام سلطان كنت اقوله لـ ابو العبادلة يعني ممكن السفرة تخترب علي اذا ما عجبني السكن

ومستحيل استخدم ادوات المطبخ اشتري كل شي او اخذ معاي من البيت مدري مرض نفسي

وحتى المخدات نفسها اشتريت مخدات جديدة واخذ معاي ديتول واخلي الخدامه تمسح السرير كله وكل مكان في الغرفة

واعيالي تقريبا تعادوا مني في بعض الاشياء

مع اني احس انو تحسنت حالتي والله يشافينا

اشكر مرورك الطيب وحياك الله

ما شاء الله تبارك الرحمن

الله يشفي ولدك يالغاليه ويبشرك بصلاحهم

وانا ما سويت شي .. ياليتني فدتك اكثر .. خصوصا بالمطاعم :

متابعين معاك يالغلا للاخر باذن الله

ماشاء الله تبارك الله
تقرير رائع من بدايته

وحياك الله اختي الكريمه ام العبادلة في الرياض
وشرفنا تواجدك
لاشكر على واجب وترانا ماسوينا شي يستحق الشكر

متابعين معاك

ماشاء الله بداية موفقة ...

عاد تدرين يا أم العبادله مشتهيه أروح الرياض بس زوجي مو راضي

يقول ما أرتاح فيها !!!

ويقولي إذا تبين القصيم تحديدا - الرس - ما عندي مااااااااانع << لأن أصولنا وعمامنا هناك

فكل سنه نروح القصيم - الرس و بريده -


وأسأل الله العظيم رب العرش العظيم أن يشفي إبنك