اخواني ان شاءا لله طالع اورلاندو 20 يوم وما ودي احجز الايام كلها بنفس الفندق ابي اول كم يوم في فندق استكشف المكان اذا ما عجبني اغير هل بالمطار بامريكا يطلبون حجز الفندق ولازم يكون بعدد ايام حجز الطيران ولا لا ارجو افادتي من لديه الخبرة وجزاكم الله كل الخير

حياك الله ,,
بالنسبة للمطار ففقط يسألك عن عنوان تواجدك ولا يلزمك بعدد ايام الحجز
اما بالنسبة للفندق انا انصحك تحجز الان بسبب ارتفاع الاسعار المستمر
تقدر تحجز بفندقين مثلا 10 ايام والثاني 10 ايام عشان ما تمل.
لان الفنادق بالفترة الجاية قليل بتلقى عندها حجز يمتد لفترة طويلة بدون انقطاع واذا حصلت بتلقى السعر مرتفع.

مشكور اخوي لندن على الرد
يعني افهم منك انه بالمطار مايطلب حجوزات الفندق

 بالمطار المكان الوحيد اللي تعبي فيه عنوان الاقامه هو النموذج الازرق CBP Declaration Form 6059B
ولم اصادف ان طلبوا مني اثبات مكان سكني او مدة اقامتي عن طريق الاوراق !
اذا سألك وين بتجلس عطه اسم الفندق وعنوانه ,, واذا سالك كم بتجلس قوله اسبوعين ( هم يخافون من اللي بيجلس اكثر من 6 اشهر وما بيرجع بلده !)
واصلن الخانه حقت السكن تكفي لسكن واحد !! وهناك اشخاص يتنقلون من مدينه الى مدينه فغير منطقي انهم يسجلون كل الفنادق بنفس الورقه !!
الفورم واضح "If you are staying at a hotel, include the hotel's name and street address"
مو مكتوب ارفق اوراق الحجز.
واذا وصلت معاهم لأي سبب كان انهم يسالونك تثبتلهم قولهم انك بتجلس بالفندق كذا يوم والفندق اذا حلو بتمدد اذا خايس بتغيره ,, اهم شي لا تكذب ولا تجاوب اشياء ما سألوك عنها.
وتطمن امورك طيبه المكـسيكان يجون تهريب وما يصيرلهم شي

مهم  جدا يكون عندك  عنوان الفندق  او السكن اللي راح تسكن فيه  من اول يوم لك في امريكا

ويجب ان  تكون  هالورقه معاك  عند الجوازات

باقي الايام مو مشكله  تحجز بفندق وشقه او بيت ما حد  يسالك