أريد محلات جلابيات للنساء تكون روعة
يعني اشكال غريبه مهب موجوده بالسعوديه لانها هديه للغالية وموصى عليها بعد .
بس ابغى الوصف بشكل مفصل لاني ما اعرف البحرين زين

الفزعه

اعتقد تجد مبتغاك عند اليشمك في مول الدانة وتجده بعد ما تعدي السيف على اليمين وانت باتجاه المحرق

أو محل السعفة واعتقد انه بمول العالي الي جنب السيف

قد سبق ان ذهبت الى البحرين لهذا الغرض ، واعتقد بان مبتغاك راح تحصله في محل ( كبرى قصير ) او ( كبرى قيصر ) شيء من هذا القبيل في شارع البوكواره في مدينة الرفاع .
والله يعينك على الاسعار .

نعم مثل ما قالوا مشرفينا garmin و رجل شرقي

1- بوتيك السعفة ترى هو نفسه كبرى القصير

2- وأزيدك محل اسمة أنمار

وتجد هذين المحلين متلاصقين في الرفاع الشرقي في شارع بوكوارة << بس يبيلك قارمن

ولا ترى بدوخ السبع دوخات عشان توصل .

موفق ,,,

السعفه موجود في مجمع الراشد بالخبر فليش اروح شارع بكواره
بعدين يقولون غالي جدا اسعاره

اذا تدور جلابيات بحرينيه احسن مكانين تلقاهم فيه

في سوق المنامة ... خلف باب البحرين

وفي سوق محرق ...

بس لازم تروح وتدور

نعم محل السعفة موجود في مجمع الراشد < والله هو غالي لأن جلابياته ثقيله يعني فيها فصوص وايد - بالكويتي .. خبه - فما أحب أشتري منه

وكذلك أنمار موجود في مول فينيسيا بجانب الراشد
محل أنمار فيه جلابيات نواعم ...

والله يسهل عليك

مثل ماقالو الاخوان
السعفه موجود فى السيف والستى سنتر وبكواره
نهر الفنون فى بكواره
وفى محرق محل اسمه مهاي
وفى سوق محرق محل اسمه كارت بلانش موجود فى جدعلي وبكواره.

واذا تحتاج الوصف والارقام ادزهم لك على الخاص
ومايكون خاطرك وخاطر المدام الا طيب