اقتباس:
المشاركة الأصلية كتبت بواسطة ام فواازي
السلام عليكم ورحمة الله وبركاته
اخواني وخواتي في هالمنتدى العزيز اتمنى تعطوني رأيكم في مخططنا هالسنه لان الاماكن ولا مره رحنا لهم ف مو متاكدين عدل
قررنا نروح بعد العيد ان شاءالله لأوربا ونوينا
يكون مطاران مطار باريس
من المطار على طول راح نروح شيسي ديزني ثلاثة ليالي
من شيسي نروح بروج بلجيكا ثلاث ليالي
بعدها بنروح هارلم ليلتين السبب نبي امستردام ومالقينا سكن مناسبجظًغمبتن فقلنا نسكن في هارلم تبعد عن امستردام بالقطار ثلاث محطات بعني ١٣ دقيقه تقريبا
بعدها بنروح بروكسل اربع ليالي منهم يوم بنطلع إنتويرب رحله
بعدين بنروح باريس ليلتين عشان العوده من مطار شارل
الرحله فيها اطفال
وعليكم السلام ..
مخطط من رأيي أحسه متعب وجلوسكم في بلجيكا مده طويلة وحسب ما اطلعت عليه وقرأته من الاعضاء والتقارير ان 4 ليالي كفايه على بلجيكا ..
اذا كان بالامكان الطيران الى باريس والعودة من امستردام بيكون جدولكم مرتب ومريح ( لان السيارة في باريس متعب وزحمه والمواقف صعبه )
اقتراحي :
5 ليالي باريس ( بين دزني لاند ووسط باريس ) لا تحاتج سيارة اعتمادكم على المترو والتنقل من منطقة دزني لاند الى وسط باريس عن طريق التاكسي ..
4 ليالي بلجيكا والسكن في بروكسل او بروج ( او 5 ليالي اذا احببتم )
5 ليالي في امستردام ( في شقق فندقيه بعيدة عن وسط امستردام راح احط لكم اسمها تبعد تقريباً 4 او 5 كيلو ) ( Hotel TWENTY EIGHT ) او في هارلم ..
المقصد من هذا الاقتراح الاستفاده من كل منطقة تتجهون لها والتمتع بالاماكن السياحية ، وتوفير قيمه السيارة في باريس ، والذهاب من باريس الى بروكسل او بروج عن طريق القطار ..
اما اذا كانت تذاكركم الذهاب والعوده من باريس
الاقتراح الاخر :
3 ليالي في منطقة دزني لاند
4 ليالي بلجيكا
4 ليالي امستردام
3 ليالي وسط باريس
والانتقال من امستردام الى باريس عن طريق القطار ..
والسيارة تحتاجونها فقط في خارج بروكسل وامستردام ..
رحلة موفقه وممتعه بإذن الله ..
