السلام عليكم ورحمة الله وبركاته مبارك عليكم الشهر وتقبل الله صيامكم وصالح اعمالكم 
اخواني الكرام انا مسافر امريكا انا والعائلة باذن الله عالعيد سياحة وسمعت عن الاجراءات بالمطار والصعوبات والترجيع والموضوع اقلقني ياريت الي سافر موخرا كعائلة او عنده خبرة بالموضوع يطمني سلون الاجراءات وهل فيه تعقيد وترجيع مثل ماسمعت علما انا رايح ترانزيت لندن انتظر ردودكم

وعليكم السلام ورحمة الله وبركاته

الامور سهله بآذن الله اذا رايح لمطار فلوريدا او لوس انجلوس

مطار جون اف كنيدي شوي متشدد لكن سهالات حتى لو يحولونك تحقيق كم ساعه وتطلع عادي وهذا روتيني

صاحبي حولوه تحقيق وانتظرته 5 ساعات خارج المطار يالله طلع يسئلونه اسئله عاديه وهو مسوي نفسه بهيم مايعرف لغه

مشكور ابومحمد على ردك وننتطر مشاركة البقية من اهل الخبرة

اي تذكرت شغله مهم وهذي مافيها لعب


الورقه اللي يعطونك اياها بالطياره لازم تجيب عن كل شي معاك من اطعهم بهارات فواكه سوائل

اذا كتبت ماعندك وطلع عندك بتبتلش ويمكن يغرمونك ف افصح عن كل شي عندك بالشنطه