السلام عليكم ورحمة الله وبركاته
ساعدوني يرحم والديكم
انا بسافر فرانكفورت و المفروض نقعد ليلة وحدة و احنا منطلقين الى ميونخ
ساعدوني في تنظيم رحلة اذا ممكن انا مسافرة 20-7 هذا الشهر
و زوجي مصر نروح دوسلدورف
و نهايتة الرحلة لندن
مو عارفة شلون ارتبها
الي عنه افكار للرحلة لا يبخل علينا
كامل الرحلة شهر واحد
بتبدء في فرانكفورت
من الاماكن الي بغي نزورها بادن بادن و ميونخ
دوسلدورف
باريس بنتطر نروحها عشان القطار حق لندن
بس كترتيب ما سوينا و لا شي
اموركم طيبه انشالله
تبدون من فرانكفورت وحدها يومين فقط مو اكثر وتستلمون السيارة
بعدها الى بادن بادن 3 ايام
بعدها الى دوسلدروف 4 ايام لان جنبها مناطق جميلة تستحق الزيارة
بعدها الى شتوتغارت 3 ايام وتزورون اوت لت Metzingen
يبعد عن مدينة شتوتقارت 33 دقيقة باتجاه الجنوب
بعدها الى ميونخ من من 2-3 ايام
وبعدها الى زيلامسي من 4-5 ايام وممكن تسكنون بالكابرون
ثم الرجوع الى ميونخ ليله للراحه
وتسلمون السيارة
وبعدها تطلعون بالقطار الى باريس 5 ايام
او بالطائرة اذا وجدتو طيران اقتصادي سعره جيد
وبعدها الى لندن 6 ايام
بالقطار السريع من باريس ساعتين ونصف وميزة القطار انه ينزلكم بوسط لندن عكس الطائرة تماما
او بأمكانكم عكس المسار من ميونخ الى لندن بالقطار ومن ثم الى باريس الي يناسبكم
بالتوفيق