السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
صبحكم ربي بكل خير ي اخوان ..
اخوكم في الله معرس دعواتكم لنا ان الله يتممها علينا بكل خير .. وتعرفون موضوع الزواج وتبعاته من شهر عسل وغيره ..
ملحوظة : انا قد سافرت لأوروبا لكن جدولي الحالي ولا أي دولة سبق زيارتها ..
مدة الرحلة مايقارب 16 يوم ..
تبدأ يوم 22-12 ميلادي
والعودة 6-1 ميلادي
أحتاج مشورتكم في عدة أمور ومالي غنى عنكم أبدا اخواني ..
أولا البرنامج قلبت يمين شمال فوق تحت ماطلعت آخر شي إلا بهالبرنامج واشوف افضل .. في البداية كان المخطط إيطاليا فرنسا اسبانيا ولكن المسافات مشكله .. قررت كرواتيا وايطاليا والبوسنه لكن ماش ماحسه كويس ..
آخر شي إستقريت على التالي :
فرنسا ( بارس ) ومن ثم التوجه إلى أسبانيا ( برشلونه وبعدها مدريد ) ومن ثم البرتغال ( لشبونه وجزر الأزور ) والعودة من مطار مدريد ..
أحتاج رأيكم بالبرنامج .. هذا السؤال الأول ..
السؤال الثاني : هل في باريس أحتاج سياره ولا أخلي حجز السياره بأسبانيا وهذا افضل لي كسعر لان استلام وتسليم السياره بدولتين مختلفه يكلف كثيييير فرق حول 4 الاف ريال
السؤال الثالث : من باريس إلى برشلونه وش أفضل وسيلة مواصلات لأن إستئجار السياره مخليه من برشلونه ..
بيض الله وجيهكم مسبقا .. والله يعطيكم العافيه وانا متأكد إنكم ماراح تبخلون علي بأي معلومه ..
موفقين جميعاً ..
باريس و برشلونة و مدريد ما تحتاج سيارة نهائياً خلك على الاوبر أفضل لك من كل النواحي
البرتغال تحتاج سيارة خاصة في لشبونة أما بالنسبة لطيران أستخدم هذا الموقع ممتاز في أوروبا http://www.vueling.com/en
حاول تشوف ف الموقع كم وزن الشنطة الوحدة يعطونك إذا يعتبرونه داخلي بيكون أقل وإذا دولي بيكون الطبيعي .
بالنسبة للانتقال من مدريد لبرشلونة أستخدم القطار وبيوفر على 3 ساعات الانتقال بالسيارة 6 ساعات وبالقطار 3
استخدم هذا الموقع بيفيدك بحجز القطار https://www.raileurope-gcc.com/
بس في نقطة ودي أوضحها لك إذا عزمت على القطار أحسب حساب الشنط لانه غالبا ما يكون لهم أماكن كبيرة ف حطهم على الارض
في أماكن غير الممر وخل عينك عليهم
.
في لشبونة أنا تعاملة مع مكتب تأجير شركة سيكست وكانت معاملة ممتاز وسريعة أجرت من المطار وهذا موقعهم https://www.sixt.com/
بصراحة لاحظت انهم يركزون على رنق التاير وايد ف حاسب إذا ما كنت مسوي تأمين شامل وانا أنصح بالتأمين الشامل
رحلة موفقه أخوي والله يتمم لكم على خير
و سامحنا على القصور
مخطط بين فرنسا واسبانيا والبرتغال لمتزوج جديد *_^ 
