@ أول ماتوصل المطار : اسحب الفلوس دفعة وحدة من الصراف "بطاقة الصراف العادية" فلوس مصرية كاش من مكينة ( بنك مصر ) يسحب لك حتى ٨٠٠٠ جنيه = ١٦٠٠ ريال سعودي
بقية الصرافات تسحب أقل ..
@ خل عندك صرف " فكة " ١٠- ٢٠ - ٥٠ جنيهات دايما معك ، كثير من التكاسي يقول لك ماعنديش فكة وممكن تضطر تعطيه أضعاف سعره الحقيقي !
صارت معي وعطيت السواق ١٠٠ جنيه زيادة وحسابه بس ٢٠ !
وكل واحد ونيته
@ القاهرة مليئة بالأماكن الأثرية القديمة ، وهي مدينة عريقة ، ومصر فيها آثار تعود لـ ٣٠٠٠ سنة قبل الميلاد !
لاتفوتون الفرصة حتى لو كان هذا مو جوّك ، غيّر من روتين حياتك وراح تستمتع على مسؤوليتي يامنيب قايل [emoji1306]
@ أي مشوار بتروح له لازم تتفق مع سواق التاكسي ، وإذا كنت راعي مشاوير كثيرة وماتحب الهذرة .. استأجر سواق ليوم كامل أريح للدماغ بس أغلى .
@ عند زيارة أي مكان أثري : مساجد - متاحف - الأهرامات .. لازم تاخذ ( مرشد سياحي ) وتتفق معه عالسعر ، عشان تفهم موب تدربي راسك وبس ..
@ مافي شي اسمه ممنوع الدخول أو المكان فـُـل !
جهز البخشيش وراح تدخل وتنزرع لك طاولة من تحت الأرض [emoji81]
@ لاتضيع وقتك عند اللي يبيعون عطور مصرية .. العطورات في مصر مضروبة !! انتبه ..
@ في بعض الأماكن مثل برج القاهرة أو بعض الأسواق راح يجيك واحد بيسلم عليك وبيقول لك : حاخد من وأتك ٥ دآيق بعد ازنك انت ربحت معانا خلاط .. على طوول اسفهه وقل له أنا مشغول ..
@ بقدر الإمكان لاتشتري شي من الحسين أو خان الخليلي إلا إذا تعرف تكاااسر .. ماتعرف لاتدخل أي محل أبداً ..!
@ شارع طلعت حرب , أشوفه مكان مناسب للتسوق
@ مصر ديرة الفهلوة والاستهبال .. عبارة " أوعى تسدأ المصريين " هي عبارة حقيقية وليست مبالغة !
ممكن يحلف ويألف لك قصص .. واحنا شعب نصدقهم للأسف !
ولاحد يزعل من الواقع
@ من تسمع واحد يقولك أنا جاني مولود النهارده .. والا يقول زوجتي حتدخل غرفة العمليات .. اعرف انه كذاااب ، غير الموضوع انت وقل له متى يذن الفجر ؟؟
@ ركوب الحنطور ، مركب عالنيل ، المنجا والقصب ، الطعمية والفول ، الحمام المشوي والمسقعة ، كافيهات الحسين ، حضور مسرحية أو فلم ، غرفة مطلة عالنيل ، كلها لها طعم خاص في مصر [emoji7]
ملاحظات وتوجيهات سريعة عن القاهرة .. بدون زعل 
