السلام عليكم

كثير من زوار الكويت يسالون ما هي افضل وسيلة مواصلات بالكويت؟



بالنسبة لي افضل طريقة مواصلات تأجير سياره من مطار الكويت لعدة اسباب منها:
1-لا يوجد ضرائب على التأجير
2-سعر الوقود رخيص بالكويت
3-اسعار التأجير معقولة
4-حرية التنقل والكويت ليست دوله كبيره فالاماكن الاساسية والترفيهية قريبه من بعضها

الحل الثاني اختيار اجره تحت الطلب  تتصل عليه  واهو يجيك المكان الى تبيه
من المميزان انه نظيف واييك بالوقت ولكن من عيوبه اسعارهم اغلى من التاكسي العادي

الحل الثالث اختيار التاكسي الجوال
من مميزاته رخص الثمن مقارنه بتاكسي المطار وتحت الطلب لان الاغلب ما يلتزم بالعداد تقدرون تكاسرونه بالسعر  ومتوفر عند المولات ولكن من عيوبه ريحة الزقاير وصغر حجم اغلب التكاسي

الحل الرابع
باص المواصلات من مميزاته رخص الثمن 
من عيوبه لا يوصل للاماكن السكنية ولا توجد خريطة واضحه لاتجاه الباصات يعني لازم تسال الناس كم رقم الباص والشي مميز ان اغلب الباصات حديثة واصبحت طابقين

السلام عليكم ورحمة الله وبركاته

جزاك الله خير مشرفنا 

وانا اتفق وياك  بتاجير السياره افضل شي  خصوصا  ان دوله الكويت صغيره  وعناوينها  واضحه جدا  في جهاز الجارمن ولا  جوجل  ولا اي برنامج  خرايط
مع  سهوله  المرور  عندنا في الكويت

والزحمه  سواء كنت ماجر سياره  ولا  بتركب  تكسي نفس الشي

جزاك الله خيرا .. وبارك الله فيك