اقتباس:
المشاركة الأصلية كتبت بواسطة شدن
السلام عليكم ورحمة الله وبركاته انا مسافر جديد وطالبه من اصحاب الخبره في مدينة الجمال اسبانيا ابغى جدول سياحي لمدة ٢٢ يوم والرحلة عائليه ٦ اشخاص والمدن الي نبغى نزورها مدريد وبرشلونه ومالقا غرناطه اشبيله وكم يوم مناسب للجلوس فيها ومع ذكر اماكن مناسبه للعائله مع العلم وسيلة الموصلات المستخدمه ايجار فان للتنقل وماهو رايكم بوسيلة الموصلات ويعطيكم الف عافيه
وعليكم السلام ورحمة الله وبركاته
برشلونه ممتعه تستاهل ٥ ايام واكثر
الجنوب عندك مالقا، ماربيا، بنالمذينه، قرطبه، غرناطه، اشبيليه، مالقا وماربيا وبنالمذينه هذول جنب بعض استقر بالسكن في وحده من هذول انا سكنت في بنالمذينه بمنتجع sunset room with terrace
وكنت اروح كل يوم لمدينه يوم قرطبه ويوم غرناطه اروح الصباح الباكر وارجع اخر العصر..
ويوجد مطار في مالقا
** برشلونه ومدريد مايحتاج سياره استخدمو المواصلات العامه
مدريد لاتكثرون فيها الايام ٣ او ٤ اشوف انها كافيه لانها مدينه صناعيه يمديكم تفرون معالمها خلال هالايام..
برشلونه سكنت بالشقق هذي Murmuri Residence Mercader على امتداد شارع الرامبلا وبجانب المترو..
مدريد عندك الشقه هذي حلوه بالقران فييا Gran via capital
ورحلة موفقه ان شاء الله