السلام عليكم ورحمة الله وبركاته
لدي رحله بعد مايقارب الشهرين الى ماليزيا لقضاء شهر العسل بحول الله 
وجدت اغلب الناس ينصحني بفندق صن واي بسيلانجور وحين البحث عنه اجده في كوالامبور اللي يقدر يفيدني ماستغني وجزاكم الله خير الجزاء 
ومن لديه نصايح او معلومه اقدر استفيد منها اكون له من الشاكرين

وعليكم السلام ورحمة الله
الف مبروك والله يتمم لك على خير ويرزقك الذريه الصالحه
المسافه من كوالالمبور الى سيلانجور حدود ٤٠ دقيقة تقريبا
الفندق فعلاً يستاهل الواحد يتعنى له لانه من افضل الفنادق وفيه مدينة الألعاب المائية
واي استفسار ان شاء الله أفيدك باللي اقدر عليه

اولا الله يبارك فيك ويسعدك ويرضى عليك 
الامر الثاني وبكل أمانه من اجمل الحسابات والمواضيع اللي استفدت منها مواضيعك 
يعني يالغالي تنصحني اسكن بالسكن في كوالامبور او فيع خيارات في سيلانجور اقدر اسكن فيها 
مع العلم اني حاط من ضمن الخطه يومين سيلانجور

ممكن تعطيني عدد الايام اللي ناوي تقضيها في ماليزيا وراح اقترح عليك جدول مناسب باذن الله مع الفنادق

اسأل الله ان يسعدك سعاده ابديه وشاكر ومقدر يالغالي 
طبعا رحلتي من تاريخ ١٩/٦ الى ٢/٧ تقريبا ١٣يوم
ترا ماحجزت الا تذاكر السفر الى حد الان ماستغني عن معلوماتك في الفنادق والجدول 
والله يبيض وجهك 

امين ومن يقول يارب
اولاً لازم تتنبه للرحلة اذا كانت رحلتك المساء يوم 19 راح يكون وصولك يوم 20 يعني حجز الفنادق يبدا من يوم 20 لان الفرق بينا وبينهم خمس ساعات تقريبا
رحلتك 13 يوم 
يكون التوزيع كالتالي:
يومين سيلانجور فندق صن واي لاقون ريزورت
اربعة ايام لنكاوي منتجع ميريتوس بيلانغي
ثلاثة ايام بينانق منتجع بارك رويال
اربعة ايام كوالالمبور بامكانك تسكن في شارع العرب فيه فندق جراند ميلينيوم والماريوت يمدحون الفندقين بالنسبه لي ما قد جربتها

جميييييييل جدا الله يسعدك ويكتب لك الخير اينما كنت جدول تشكر عليه وراح استفيد منه بحول الله 
اسأل الله ان يفرج همك وييسر امرك 

امين وبالتوفيق بإذن الله