اولا مساءكم الله بالخير وشاكر جهودكم عندي بعض الاستفسارات لاارتب رحلتي الاولى لتركيا

١ كم المده المفترضه للانتظار في المطار حتى اخلص امور العفش والدخول لاني ناوي انزل باسطتبول واكون مرتب حجز على طرابزون على طول

٢ كلا المطارين يطلعون رحلات الى طرابزون ؟

٣ وش افضل طريقه امنه ورخيصه لاستيجار سيارة بطرابزون؟

٤ ناوي اجلس عشر ايام ثلاث ايام بطرابزون وثلاث باوزنجول واربع باسطتبول ؟ هل توزيعي مناسب خصوصا اني احب الارياف

٥ كيف الاوضاع مؤخرا في تركيا واتمنى الاجابه على هالسؤال من تجربه وليس فتوى وماذا تنصح اي ذاهب لاول مره ؟

شاكر ومقدر كل من شارك او نصح

نقطة المطارات ياليت توضح اكثر مسار تذاكرك
بالنسبة للأرياف نقص يوم من إسطنبول وزيدها للأرياف بما انك تحبها
ثلاث أيام كافية لإسطنبول
بالنسبة للوضع العام لتركيا مافيه شي يدعو للقلق اخوي

ماقصرت المجازف

بالنسبه للمطارات انا ناوي احجز على اسطنبول ومنها على طرابزون واكيد بخليها من نفس المطار وغالبا بيكون من مطار صبيحه

وبالنسبه لايجار السياره وش تشوف

وشاكر ومقدر عزيزي وقفتك

ممتاز جدا
المهم تكون رحلة ربط على نفس الناقل ونفس المطار تأكد من هذا الشئ اخوي
ويكون هناك متسع من الوقت بين الرحلتين لدواعي التأخير
بالنسبة لإيجار السيارات الأفضل لك تخلص امورك من هنا وتكون من الشركات المعروفة

تقسيمك للأيام جدا ممتاز ماشاء الله .
اوزنجول تكفيها ٣ ايام لزيارة اهم الاماكن الطبيعية القريبة منها .
و طرابزون ٣ ايام جدا ممتازة وانصحك بالسكن حول ميدن طرابزون عشان تصير قريب من كل شي و زيارة منطقة حيدر نبي ( اسمها في خرائط قوقل هضبة خضر نبي ) .

بالنسبة للوضع الأمني محد درى عنك في اسطنبول . اسطنبول يجيها ملايين السياح من انحاء العالم و الشعب التركي يفرح بالسياح لانهم ينمون الاقتصاد ولا يعرفون اصلا هل انت مغربي او سعودي او اردني ولايهمهم اصلاً و يعتبرون جميع العرب مسلمين .
اما اهل الشمال التركي فهم طيبون جدا وخصوصا القرى فهم يحبون اهل الخليج بالذات و ارياف الشمال الشرقي التركي سوف تلاحظ فيها انتشار التدين بين الأتراك بالذات ولاية طرابزون و ولاية بايبورت التي تقع جنوب طرابزون .

بالنسبة لايجار السيارات اضمن شي تحجز من موقع رينت كار من شركة معروفة .