1/ كشف الحساب اربعة اشهر باللغة الانجليزية والاسم فيه يكون متوافق مع الاسم بالجواز الفيزا بعض الدول تطلبها لكن المانيا ثلاث مرات اطلع فيزا من عندهم يطلبوني كشف حساب.
2/ بالنسبة للتأمين الطبي ورقه فيها معلوماتك نسخة ترفقها مع الاوراق اللي بتقدمها للسفارة ونسخة معك عشان تستخدمها في السفر لو احجتها لاسمح الله , الشركة اللي امنت فيها في المركز الموحد تحصلها اول ماتدخل المركز اسمها Allianz.
3/ الهوية الوطنية وكرت العائلة بالنسبة لي قدمتها بدون ترجمة واذا حاب تترجمها احتياط عادي.
4/ بالنسبة لي انا موظف حكومي اخذت تعريف بالراتب موجه للقنصلية الالمانية وصدقتها من جهة عملي وبعد كذا ترجمته القطاع الخاص بصراحه ماعندي عنه خلفيه.
5/ العنوان الوطني هو عنوان سكنك جميع العقارات مرقمه من البريد باربعة ارقام مسجلة على نفس البيت المطلوب تجيب ورقة موضح فيها عنوانك الوطني .
لي تجارب مع التاشيرات انا اسويها بنفسي وجدا سهله من موقع VFS
2011 فيزا نمساوية عطونا مدتها 30 يوم فقط !
2013 فيزا امريكية بطبيعه الحال ثابته 5 سنوان
2018 فيزا المانية سنه
2021 فيزا سويسريه 6 شهور فقط
