السلام عليكم

احد الزملاء قال انه لازم يكون عندي رقم مصري عشان يتفعل تطبيق اوبر وكريم في مصر

هل صحيح ابكلام هذا او يكفي اني اطلب الخدمة برقمي السعودي

وعليكم السلام ورحمة الله وبركاتة
لاماهو لازم تقدر تستخدم جوالك السعودي الوي فاي وتطلب لاوبر وكريم لكن مايعطونك اهتمام لان جوالك سعودي وصارت معي كذا حالة وسائق اوبر يكتسل الطلب وتحسب علي 10 جنية بغير حق
الافضل تاخذ شريحة من المطار وتحطها بجوالك

تمام الله يعطيك العافية

وعليكم السلام .
تحتاج رقم مصري علشان لمن يتصل السائق عليك .
لان لو الرقم غير مصري مثل ماقال الاخ قد يلغي الطلب.

ابد لا تشيل هم انا توني جاي من مصر وشغال اوبر وعلى جوال سعودي والامور طيبة ولا احد يقدر يلغي طلبك، وإذا ألغاه وحطو عليك مبلغ اعمل من نفس التطبيق ادخل على المشوار الملغي واختر "مراجعة رسوم الالغاء" واختر السبب (السائق ألغى المشوار) دقائق ويلغون الرسوم .. اللي هي تقريبا 12 جنيه يعني 3 ريال تقريبا


اهم شيء اول ما تنزل للمطار خذ لك نت من فودا فون ولا تكثر يعني 5 جيجا كافي لمدة 10 ايام لان النت ضعيف عندهم ما تستفيد منها خارج الفندق 


*** اهم شيء لا تأخذ غير أوبر ترى التكاسي دبل ومكاسر وقرف - واذا نزلت القاهرة دور اي محل عنده خدمة "فوري" وأشحن برنامج اوبر بـ 300 جنه حسب مشاويرك  وريح راسك علشان ما تبلش بالصرف..

تحياتي

وعليكم السلام ورحمة الله وبركاته 

يشتغل عادي

بس المشكله في التواصل مع السائق 

أفضل شي خذ شريحه علشان يكون التواصل سهل

أنا طلعت شريحه من شركة اورانج النت فيها حلو وشغال من ابدع ما يكون

وأفضل وسيله للتنقل في مدن مصر من ناحية الأسعار والراحه هي أوبر 

جربتها في القاهره وفي الإسكندرية لكن للأسف شرم الشيخ مافيها أوبر 

وتفرق في بعض المشاوير عن كريم بمبلغ ١٠٠ جنيه

وأفضل طريقه ريحتني من عدم وجود صرف مع السائق هي بطاقة الفيزا

والطريقه اللي ذكرها الأخ السيف الأسود حلوه

وان شاء الله اجربها إذا رجعت لمصر