واجرك يارب
بسيطة والله ييسر امرك
بالنسبة للغرف انت الوحيد اللي تقدر تحدد المناسب لك .
اما عدد الغرف غرفتين مناسبه جدا ًمن وجهة نظري.
البديل لصن واي ريزورت ما اقدر افتيك لأنه هو الفندق الوحيد اللي اسكنه كل ما رحت لأنه الفندق مطل على مدينة الألعاب المائية.
فيه فندق ملاصق له اسمه صن واي بيراميد
وفندق الخيول الذهبيه وتروح لمدينة الألعاب المائية بالتاكسي ويمدحونها لكن ما سبق جربتها اما صن واي ريزورت وصن واي بيراميد تروح المدينة المائية مشي.
لنكاوي:
اطلع على منتجع وسبا ذا ويستن لانكاوي على Booking.com!
http://www.booking.com/Share-CNmkxRA
هذا الفندق حلو بس يعيبه بعده عن المطار والأماكن السياحية زرته عام ٢٠١٢.
______________________________ ______
اطلع على شاطئ منتجع وسبا ميريتوس بيلانغي، لانكاوي على Booking.com!
http://www.booking.com/Share-DT8uZI
هذا الفندق ممتاز موقعه قريب من المطار وبعض الأماكن السياحية وعنده أنشطه بحريه جت سكي وبراشوت وغيرها وزرته ٢٠١١ و٢٠١٤
______________________________ ______
بينانج:
اطلع على منتجع بارك رويال بينانغ على Booking.com!
http://www.booking.com/Share-KyavGi
هذا الفندق ممتاز وقريب من معظم الأماكن السياحيه وعنده أنشطه بحريه
______________________________ ______
كوالالمبور:
اطلع على فندق ومساكن بولمان كوالالمبور سيتي سنتر على Booking.com!
http://www.booking.com/Share-fdLeOH
هذا شقق وغرف فندقية سكنت فيه ٢٠١١ و٢٠١٤ كان اسمه برنس وقتها وبعد كذا صار اسمه بولمان موقعه حلو عن شارع العرب مشي ٥ قايق تقريبا .
فيه فندق ثاني سكنت فيه ٢٠١٢ اسمه كراون بلازا متيارا كوالالمبور ما طلع لي في بحث بوكينق واقودا لكن في قول يطلع بالنسبه لي افضل بولمان.
______________________________ ______
بالنسبه للطيران الداخلي عندك طيران ماليزيا واير آسيا واير فلاي
جربتها كلها وأفضلها طيران ماليزيا واذا اخترت اير آسيا ترى لها مطار مستقل يعني تعلم السواق أن رحلتك مع إير آسيا هذا في كوالالمبور
بالنسبه للمواصلات في كوالالمبور التاكسي كثيرة فيها اللي لونها أزرق واللي لونها احمر واللي لونها اعتقد اصفر وأخضر وكل لون له سعره انظفها وأفضلها الأزرق.
المواصلات في لنكاوي اول ما توصل المطار تحصل شركات كثيرة تقدر تاخذ سواق وتتفق معه ياخذ من المطار ويجلس معك كل الايام ويرجعك المطار الساعه من ٢٠ إلى ٢٥ رينجت.
بينانج تحصل مكاتب حوالين بعض الفنادق او تحصل سيارات سواقين تتفق معه الايام اللي بتجلس فيها ويرجعك المطار والسعر زي لنكاوي تقريباً.
بالنسبه كوالالمبور اول ما تصل المطار تحصل مكتب رسمي تعطيه الفندق وعددكم وعدد الشنط يعطيك السعر تدفع ويعطيك إيصال ورقم البوابه تروح تسلم الإيصال وهم يجيبون السيارة ويوصلونك الفندق .
بالنسبه للفنادق حاسبهم فيزا وخلي معك كاش اللي يمشي امورك تقدر تسحب من صرافاتهم بالاضافه عندهم صراف الراجحي وساب واذا بغيت تسحب اسحب الحد الأقصى ٣٠٠٠ رينجت لأنه اذا سحبت ٣٠٠٠ اول اقل البنك يسحب منك نفس الرسوم.
المعلومات هذه جمعتها من خلال زياراتي لماليزيا عام ٢٠١١و٢٠١٢و٢٠١٤
يعني معلومات قديمه اكيد صارت تغييرات.
