السلام عليكم ورحمة الله وبركاته
تجربتي للقطار من القاهره إلى الإسكندرية والعكس
طلعت من محطة قطار مصر الاسكندريه
ونزلت في محطة قطار رمسيس في القاهرة
العوده نفس النظام
بس نزلت في محطة سيدي جابر وهي أول محطه في الإسكندرية
والرحلات على مدار الساعه تقريباً
حجزت على القطار الإسباني مكيف وبدون توقف خلال ساعيتن ونصف تقريباً وصلت
الأسعار تختلف من قطار لآخر
الدرجه الأولى 110 جنيه تقريباً
والدرجه الثانيه 54 جنيه تقريباً
جربت الدرجتين وكلها حلوه ونظيفه بس الفرق أن الدرجه الأولى الكراسي أوسع شي بسيط وكل صف عباره عن 3 كراسي إذا كنت لوحدك وبتحجز درجه أولى حاول تخلي الحجز على الكرسي اللي لوحده أفضل
أما الدرجه الثانيه الصف 4 كراسي واشوف أنها حلوه لو كان عددكم اربعه تقدر تختار 4 كراسي تخليها كرسيين على صف وكرسيين على الصف اللي قدامه مباشره وأول ماتركب القطار تخليهم يقلبون لك الكراسي وتصير متقابله
ولو ماحصلت حجز ممكن تركب القطار وتحجز منه مباشره بس السعر اغلا شوي الدرجه الأولى ب 130 جنيه طبعاً مايقصون لك تذكره الا بعد مايمشي القطار ولازم يكون الكرسي فاضي والا مايقصون لك
https://enr.gov.eg/ticketing/public/offers.jsf
هذا موقع سكك حديد مصر
تسوي حساب
وتختار الجدول الزمني للقطارات
وتختار التاريخ ومحطة المغادره ومحطة الوصول ويطلع لك المواعيد والأسعار بالتفصيل
حاولت احجز عن طريق النت من الجوال وللأسف ماضبط معي وعندهم تطبيق للحجز بس رفض التحميل على جهازي
وحاولت عن طريق جهاز اللاب توب وضبط الحجز بس ما قدرت اختار الكرسي
والاختيار كان تلقائي قبل ما اسوي تأكيد الحجز يطلع عندي رقم القطار ورقم العربه ورقم المقعد وبعدها تأكد الحجز وتكمل الدفع
والأفضل تصور الشاشه لأنه للأسف ما وصلني ايميل بخصوص الحجز
ولما ركبت القطار سألوني عن التذكره وطلعت لهم صورة الحجز من الجوال وقبلها وطبعاً لازم يكون معك إثباتك
والدفع كان باستخدام فيزا السفر من البنك السعودي للاستثمار
وهي أفضل وأريح من الطرق الأخرى لأني سبق أن حجزت من شباك التذاكر في المحطه وكان زحمه
ومره قالوا لي خلصت التذاكر واضطريت اشتري من داخل القطار
بالنسبه للشنط مافيه شي محدد
وأتوقع أن ماعندهم مشكله لأني شفت كثير معهم شنط واغراض ومافيه احد سألهم بالعكس العاملين كانوا يشيلون الشنط ويرتبونها ويحطونها في المكان المخصص مقابل مبلغ بسيط جداً
أتمنى الفائدة للجميع
