اللهم اني ناويته تقرير لإيطاليا بس مدري وش خلاه الطايف .. مير جعله خيره

طبعا مثل ماهو مكتوب بالعنوان .. مقتطفات.. يعني لاترجون فائده كبيره من هالتقرير الا الصور فقط لاغير وهي صور لمناطق متفرقه من الشفاء ..
لان كنا كل يوم العصريه على المغرب نطلع نتمشى بالاوديه القريبه .. طبعا نسيت اسمائهم كل ابوهم الا اللهم وادي ذي غزال.. هو أصلا اونس شي..

الرحله هذي كانت أحد أرووووق رحلاتنا ..
وقتنا كان مره ممتاززز ..

كان برمضان.. وطبعا مارحنا للبلد نفسها.. طول الوقت بالشفاء

مدة الرحله تقريبا اسبوع.. ناوينها عمره مع استرخاء يومين
بالطايف .. بس مددناها شوي ويالله رجعنا اصلا .. ودنا لو كنا جالسين كم يوم زياده..

طبعا الجو.. لايعلى عليه.. من يصدق اننا نتهاوش على الجاكيتات بالليل وحنا بعزّ الصيف .!!!

ياعمري امي ماقصرت.. تعبت تقول خوذوا جاكيتات تراه برد.. وكنا بكل طلاقة وجه نضحك انا واخواني ونقول اي برد بهالصيف تكفين !!

من اهم المميزات.. ان الشفا فاضي فاضي فاضضضضضضي .. وان لقيتوا ناس.. تلقونهم قبل الفطور بساعه.. وينعدون على الاصابع بعد.. يعني من جد روقآآآآآن .. لازحمه.. لا ناس.. ولا إزعاج

وبعد من احسنن الاشياء ان الاوتيلات او الشاليهات فاضيات.. لدرجه ما فيها الا حنا وعائلتين بس !!<<هذا بالويك اند يوم صار زحمه يقال لكم!! والا بالايام العاديه ما فيه الا حنا.. والسكن بتطرق له بوسط الموضوع إن شاءالله

يللا نبدا..


بالصيف هالمكان يقولون زحمه بشكل شنيييييييع.. بس بوقتنا ما فيه ولا نسمَه !!


شكل الشجره اعجبني.. اتوقع هذي ظاهره لها اسم.. وقال لي ابوي عنها.. بس نسيت صراحه


شكل الجبل هنا غريب..<<حالفين عليها تعلق على كل صوره ههههههه


صورة شبه شامله للمنطقه..


مكانٍ ما..

مكانٍ ما آخر..



منطقةٌ ما..<<لاياشيخه!!


منظقةٌ ما من قريب..


خاروفات <<على قولة بعض صديقاتي ههههههههه



لاتعليق



برج.. مدري يستخدمونه للحين. او انه شي قديم وأثري..


منظرٌ ما.. <<:( اغسلوا يدكم منها


منظر شاما نوعاً ما..


جبلٌ ما...


لاتعليق



لاتعليق



مكان كشتات..



حسيت كأني بفيلم كاوبوي على هالطريق اللي بين الشجر ..



امتداد للطريق


حصى.. واكتشفت اني احب تصويره من زمان,, وتوني ادري عن هالشي.. كل ما اشوف صور رحلات الاحظ فيها كم صوره مثل هذي



الجو هذاك اليوم رهيــــب.. طالعوا كيف الغيم..


تووووت رهيب بارررررد..<<شهيتكم صح ههههه


جمل <<قولي والله:(



ناس يبيعون شي.. بس نسيت وشو.. اتوقع حليب او مدري...



طريق ..


جبل..



مدري وشو هذا الشي صراحه بس متكرر كثير



طريق



طبييعه ..



طريق ثاني.. او هو نفس اللي تو ترى مدري :P



جبل



شكل الغيمه يجنننننن


ياكلك.. اكل البرشومي :P



منظر من فوق


منظر ثاني من فوق


طبيعه


منظر



برشوم مره ثانيه



هذي مره جايزة لي الصوره..


بآخر الصوره طالع شكل الجبال مره يحمس




جبال مرةً اخرى..


وأخيرا ..

بيوت شعبيه جدااااااا .. ومزارع
[/B][/COLOR]

الجزء الثاني.. بالقريب العاجل يحتوي على السكن ..عذرا ما قدرت انزله اليوم لان االنوم باغتني.. ولو مانزلت لكم شي.. معناتها ماراح انزله ابد..
فقلت اخليه على اجزاء افضل من ولا شي !!
ازعجني بالمنتدى ان الرموز راحت والابتسامات.. وحتى حجم الخط مو موجود :(
وحتى لما جيت اعدل على العنوان ما ضبط معاي.. يارب انها مشكله مؤقته..
تصبحون على الف خير.. والله الله بالتعليقات..

ماشاء الله تبارك الله

الله يعطيك العافية وننتظر الجزء الثاني

يعطيك العافية
حمستيني شوي للجبال والبراد



هذا حصن وليس برج

يستخدم سابقا للحروب وحماية الحدود وأحيانا حماية الأارضي الزراعية
غالبا موقعه حدودي على حدود القرى وأحيانا القبائل
وفي بعض الأحيان يكون حصن لوجستي للإمداد حصن ما حدودي قريب منه
الفرق بين حصن الحروب الحدودي والحصن اللوجستي (الإمداد)
اللوجستي دائما قصير

شكرا

جزاج الله خير اختي نجلاء وتوقيتكم رائع لابعد الحدود ومنو فينا ما يحب الطايف الجميله والشفا الرائعه


انا متعود قبل الحج اجلس فيها ثلاث ايام استعداد للحج

متابعين الجزء الثاني واذا في اي تعديل على العنوان حاضرين

اولا:ياليتك تحذفى صورة طلال مداح فلقد أفضى الى ربه رحمه الله عليه

ثانيا: الطائف صايرة قشاش واعشاش ومافيها من الوناسة زود ..

ثالثا:اتمنى ان تتطور أكثر واكثر ونلاقى فيها اماكن نظيفة نجلس فيها ومنتجعات رخيصة نسكن فيها

رابعا : الصور اللى بتوقيعه منهى لحيه..

خامساً: الله يعطيك العافية والصحة الوافية

تقرير رائع
يعطيك العافيه
اعجبتني هذه الصوره


ملاحظه : ياليت بالمستقبل تحميل الصور على الموقع حتى لانفقدها مع الزمن

اقتباس:

اللهم اني ناويته تقرير لإيطاليا بس مدري وش خلاه الطايف .. مير جعله خيره

هذا صار كابوس مو تقرير .. خير اللهم اجعله خير! ..
ما شاء الله تبارك الله ثقافتك الجغرافية لا يعلى عليها : جبل ما .. جبل آخر .. لا تعليق .. صورة جمل .. صورة حجر .. صورة خروفات .. صور برشومي .. صورة سحاب .. صورة شجر .. ما أدري ليش حسيت بعد ما قرأت التعليق على الصور إني رجعت لأولى ابتدائي! .. هذا خروف : خ ر و ف .. هذا جمل : ج م ل ..


وبعدين يا أخت نجلاء فيه أحد ينزل تقرير وهو نعسان ووده يروح ينام ؟ .. صرنا نتثاوب معك خاصة بعد التعليق على الصور والأماكن .. شوفي يا أختي بالنسبة للأماكن التي مررت بها في الطائف هذه أماكن مشهورة ولها تاريخ : عندك مثلا الوادي اللي مريتوا عليه اسمه وادي حلفا وفيه بعض المناطق مثل صرم والغيث وشول وبارون وصويبر وحارم والنقعاء وأخدود مردم وجبل الفاعور وبرج الياجر وقرية علما والطريق اللي مريتوا فيه واللي ذكرك بافلام الكابوي طريق هضبة غرار ويوصل لقرية اسمها بدنة .. لا تتوقعين إني خبير بالطائف فأنا زرت الطائف أكثر من مرة لكن ليس بالدرجة التي تجعلني قادر على استرجاع جميع الأسماء هذا بالإضافة إلى أن كل الكلام والشرح بالأحمر من بنيات أفكاري يعني ولا معلم أو اسم من الأسماء المذكورة أعلاه صحيح! .. لذلك أعترف بأنني عضو مثلك في جمعية كارهي الجغرافيا وخاصة ما يتعلق بأسماء المناطق والتضاريس والرياح الموسمية .. لذلك أبدي إعجابي بالتعليق على الصور وبانتظار الجزء الثاني من التقرير

يعطيك الف عافية أختي الفاضله
بالفعل مقتطفات أكثر من رائع
وتصوير أبداعي ينبئ بأننا أمام شخصية موهوبة بالتصوير
سنبقى هنا لنتابع ماتبقى من التقرير المميز
و تمنياتي لك بالتوفيق . ...