ريشة : لححححححححححححححححححظظظظظظظظظظظ ظة
أورتنسيا مبلله

فارس : تعالي شوفي إهني

ريشة : واااااااي المكان يخووووووف.....والرؤية صارت مش واضحة من الغيوم
لا صدق إحنا في الغيوووووووووووم
هذا الساحل

فارس كم الإرتفاع اهني؟!!

فارس : 1400 قدم تقريبا

ريشة : بدون تعليق...
فارس لحظة شوي

فارس : شو؟؟

بصراحة هالتجربة فعلا روعة ولازم الكل يجربها..
مع إنا تبللنا بس والله شعور أروع من الروعة إنك تكون داخل الغيوم

وواصنا المشي ..على فكرة لحد الآن ما ارتحنا ولا مرة

ريشة :الله شو هالماي شو هالمنظر

فارس: فعلاً المنظر رائع بس يالله ترانا تأخرنا....

ريشة: لحظة بس أغير الميموري كارد
بس ماعندي قلم ماعرف وين راح؟؟!!!!!
أبي أكتب عليها الرقم
خلاص خلاص حصلت الحل...هذا حرف ال S من الخارطة بقطعه
وال S يعني 2 ذكرني

فارس: شيطوووونه هالحرمة

فارس: يالله تعالي بس حاسبي إهني الدرب يبتدي يرتفع..حطي ريولج على هالحصاة واركبي...عطيني إيدج

ريشة : يامامييييييييييي يخوف والله ..
أخاف أطيح وايد إرتفع الدرب إهني...
ليش ماسسوه عدل >>> الأخت تقترح تعديل الدرب

ريشة : وصلنا السور..سيلفيو قال إذا وصلتوا سور مسكر عبروا وراه

فارس : أوكي أنا بعبر قبل وإنتي بعدي

ريشة : فارس متأكد إن الدرب صح ؟!! أنا شاكه أخاف نضيع..

فارس : إعتمدي علي مليون بالمئة صح

ريشة : أوكي إمسك الكاميرا شوي ....خخخخخخخ هالكاميرا مسوية لي بلبلة

فارس : حطي ريولج على هالحصاه هذي ثابته

ريشة :أوبااااا ...أوكي مريت..

ماشاء الله في طرق جانبية بعد ..هذي يمكن ملك خاص

ريشة : باقي وايد ؟!

فارس ليش تعبتي؟!!! ...

ريشة : لا بالعكس توني أفكر غريب لو أمشي في أي مكان ثاني 3 ساعات كنت هلكت
بس والله ما أحس بتعب أبدا

فارس : ولا أنا ولا حتى ألم بريولي

ريشة : غريب!!!!

ريشة : أقولك تعرف المدينة اللي بنروح لها في الجزيرة الجايه
اسمها هورتا
شو يوحي لك الإسم..؟

فارس : مايوحي لي بشي..

ريشة : أنا يوحي لي بمخلفات الأبقار

فارس وريشة :ههههههههههههههههههههههههههههه ههه

وعلى فكرة وايد في هورتا في هالدرب

فارس : هههههههههههههههههههههههههههههه ه
إي لاحظت...خلاص انا بنبهج أول ما اشوف شي بقولج هوووووووورتااااااااا وإنتي إنتبهي ماتدوسين عليها

ريشة : أوكي...مابقدر أصور أهني لازم أكز على الهورتات...خخخخخخخ

فارس : هوووووووووووورتا

ريشة وفارس : ههههههههههههههههههههه

ريشة : أوكي شفتها

يامكثر الهورتات في هالدرب

.............................. ..........

في هذه المناطق تتجول الأبقار لترعى ..وطبعاً لابد من ترك بعض الآثار

.............................. .........

وهذا شكلها ..طبعاً الحذاء حريمي ..

خاص بال Trekking

.............................. ..

فارس : حاسبي وااااااايد وااااايد يزلق

ريشة :أوكي بيود الزرع اللي على الجبل

فارس : لا أخاف تنقطع الزرعة وتنزلقين

.............................. .........

كنت فعلاً أمشي وأنا متشبثة في الزروع على الجبل...والزروع أصلاً ضعيفة كانت
تنقطع ماتتحمل...

.............................. .....

ريشة : لا فعلاً المكان صار خطر حتى ماقادرة أصور....

فارس : إنسي التصوير الحين

ريشة : أكيد ....المهم ما أزلق

شوف هاي إثنين جايين عكس الدرب

فارس : ما أظنهم يواصلوا وايد خطر الدرب...تتوقعين إن المفروض كنا نمشي بالعكس على الأقل ننتهي بمكان مريح

ريشة: لا ما أعتقد لأن سيلفيو هو أعلم بالطريق وهو أقترح إننا نمشي جذي..
عن نفسي أنا عجبني إننا ابتدينا من السهول...

فارس: صحيح أوافقج الراي...

.............................. .....

فعلاً كلها دقائق وعاد الشخصان..لم يستطيعا إكمال الدرب من خطورته..

.............................. ......

ريشة : واي شوف الدرب إحنا على الحافة مباشرة

فارس : لحظة شوفي كيف بنمر في هالمكان منحدر ولو إنزلقنا باي باااااااااااااااااااااااي

ريشة : واي واي هذا أخطر مكان ...نزله منحدرة وعلى الحافة مباشرة يمامي...وأنا جوتيي يزلق
كيف بمر ؟
!!!..
كيف ماخبرنا سيلفيو إن الدرب يصير خطر لهالدرجة!!!!

فارس إنزل شوي شوي وإحنى ظهرك أخاف تطيح...

.............................. .....

فارس بدأ بالنزول وأنا كنت في قمة الخوف أن يقع ...

.............................. .....

فارس : الحمد لله أنا نزلت يالله تعالي شوي شوي

ريشة: لا لا ما أقدر أمر صدقني بطيح....ماعندي شي أمسكه والنزلة خطره وايد
شو أسوي الحين؟!!!

فارس : يالله نزلي..

ريشة : ما قادرة بنزلق أكيد ...وإنت بعيد ...المشكلة الجوتي مايساعد..
والدرب كله حصى صغار...

فارس: أوكي خليج بعيدة عن الحافة...ومسكي الجبل على اليسار
...
ونزلي شوي شوي..

.............................. ........

الواقع إني كنت حاضنه الجبل ومش ماسكته بس
من خطورة المكان

.............................

فارس : عطيني إيدج...
ياربي والله خطر

........................

وبدأت أنزل شوي شوي...مستنده على الجبل وظهري للحافة..

.............................. .

ريشة :ماصدق إني نزلت...كنت بموت أكيييييييييييييييييد

لحظة بصور الهاوية اللي كنت بطيح فيها

وهذي النزلة ...زلة وحدة بس ... والله يرحمج ياريشة

شوفوا السهم الأحمر اللي فوق من هالصوب نزلنا...وشوفوا كيف قريب من الحافة...

تدري لو أهلي يعرفوا إني بسوي هالشي مستحيل يخلوني...

فارس : وأنا شو اللي مخوفني إنتي في عهدتي ..
أخاف يصير لج شي أنا ندمان إني جبتج اهني

ريشة : خخخخخخخخخخخخخخخخخخخخخ إنت شفيك ألحين
أنا عاجبني الوضع

الأدرنالين عند ريشة وصل التوب خخخخخخخخخخخخخخخخ

شوف آخر بقعة في أوروبا ماتذكرك بالفيليه ستيك؟ ....
ريشة قامت تتحلم من تأثير الصدمة خخخخخخ

فارس : الدرب وايد يزلق...واااااايد..
أوووووووووووو دخلت ريلي كلها في الطين والماي

.............................. ..........

هذا يعني أن حتى الحذاء الرياضي لا ينفع في هذه المغامرات...
مع إن حذاء زوجي خاص بالمشي ولكن ليس لل
Trekking
.............................. ........

ريشة : لا زلقت شوي بس مسكت الزرع في أخر لحظة

فارس : سمعيني اول ماتنزلقين على طول قعدي...فعلا خطر تفقدي توازنج

ريشة : أوكي

ريشة : آآآآآآآآآآآآآآآآآآآآآ
زلقت

فارس : شطورة إي جذي أول ماتنزلقين قعدي

ريشة : والله خخخخخخخخخخخخخخخ
أول مرة أشوف وحدة تزلق ويقولون لها شطورة

أنا ترى بديت أخاف الدرب وايد ضيق ويزلق والمكان مرتفع

ريشة : آآآآآآآآآآآآآآآآآآآآآآآ
فارس : شو صار
ريشة : أمزححححححححححح
خخخخخخخخخخخخخخخخخخخخخخخخخخخ

فارس : حرام عليج خوفتيني

ريشة : هع هع مجرمة

ريشة : آآآآآآآآآآآآآآآآآآآآآآآ

فارس : بس عاد خلاص والله خوفتيني عليج

ريشة : خخخخخخخخخخخخخخخخخخخ

أوني طحت...شفت كيف أسوي الصوت كأنه صار بعييييييييييييييييد
خخخخخخخخخخخخخخخخخخخخخخخ

فارس : الدرب صار أحسن إهني

بس المنظر مازال مخيف

ريشة : أووووو شوف الأشجار كيف مايله

فارس : أقولج لو بس تزل ريولنا رحنا فيها

فارس : حاسبي إهني نازل ماي ووايد يزلق الدرب

ريشة: أوكي
إهني في شلال

ريشة : آآآآآآآآآآآآآآآآآآآآآآآآآآآآ
( الزلقة الثالثة )

فارس : شطورة كل ماتزلقين قعدي

ريشة :إنت تمزح حرام عليك هاي ثالث زلقة

فارس : أهم شي التصرف سليم...شي يألمج؟!!!
توسختي؟!!!
ريشة : لا تصدق نجيت بأعجوبه خخخخخخخخخخخخخخخخخ
ولا بقعة
ولا ألم حتى خخخخخخخخخخ
هذا شلال صغير..

هذي الشلالات هي اللي مسببه لنا البلاوي كلها
ينزل الماي ويتحول المكان كله طين
ويصير المشي عذااااااااااااااب .....

الساعة الخامسة ...بعد مرور 4 ساعات من المشي المتواصل

ريشة : لحظة شوي فارس بريح إهني...تعبت

فارس ريولي صارت ترجف ..أكيد من الخوف...خخخخخخخخخ
فارس : فعلاً صرنا نمشي وإحنا على أعصابنا..

ريشة : شوف فارس

حلو لون الأوراق ماشاء الله

فارس: شوفي هاي الورقة

ريشة : اي حلوة

للحين باقي وااااااااايد؟!!!

فارس : يالله ترانا تأخرنا سيلفيو ينتظرنا في المدينة الساعة صارت 5 علشان يرجعنا الفندق

ريشة : عادي لو تأخرنا شوي

كيف تبيني أسرع وسط هالحالة اللي إحنا فيها

هذا شلال ثاني لحظة بصور ...

فارس : أوكي أنا بقعد عند الشلال اللي فوق

ريشة : شو هذااااااااااااااا؟!!!!!!!!

فارس شو رميت؟!!!!!!!!!!
أنا أبي أصور شفتك ترمي شي أبيض في الهاوية

فارس : رميت منظف ال LCD تبع كاميرتج

ريشه : ليشششششششششششش شو سوى فيك؟!

مثقل عليك يعني؟!

فارس : لا بس مابي أشوفه

ريشة وفارس :ههههههههههههههههههههههههههههه ههههههه

.............................. ......

من الضغط ..صرنا نتصرف تصرفات عشوائية خخخخخخخخخخخ

.............................. ................

ريشة : أوكي لأنك بتشتري لي واحد ثاني

ياربي شوف الدرب اللي رايحين نمشي عليه شقد ضيق وعلى الحافة( السهم الأبيض)

يالله نواصل لحظة بصور الشلال...والله شلالك حلو

وعبرنا الشلال

فارس: حاااااااااسبي ماااااااااااااااااااااااي

ينزل من كل مكان من هالجبل

وواصلنا......

فارس وسيلفيو واصلا الحوار أما أنا فهذا ما رأيت ...

ريشة : أووووووووووووو في وحدة مرحبا إهني
خخخخخخخخخخخخخخخخخخ

أوووووووووو صارت أوت أوف فوكاس
بس والله تهبل الصورة ...

الله حلو تميت أصور ....يا الله إنتظر يكتمل مش راضي
زوجي قال لي شوفي في واحد ثاني فوقه

وأنا

هو مايبين واضح لأنه بالكاميرا السوني دققوا زين بتشوفوه
معلمته بسهم

سبحان الله..

بعدها رحنا نتعشى العشاء الأخير في الجزيرة

وفي آخر الشارع مقابل المطار...قريب جداً من الفندق
عند محطة البترول
كافيتيريا
خخخخخخخخخخخخخخخخخخخ
الكافتيرا كانت جنبنا وإحنا أمس لفينا الديره كلها على الفاضي
وعلى فكرة الفندق نفسه يقدم وجبات الغداء والعشاء

وهذي صورة المقبرة على الدرب..

وصورة المطار والكافتيريا مقابلة المطار..

المهم دخلنا...
الكافتيرا فيها مطعم و مايفتح إلا في الويك إند
بس على حظنا كان مفتوح
كانت في عزووووووووووومة كبيييييييييييييييييييييييرة
يمكن كل أهالي المنطقة كانوا هناك
.....
يحتفلون بمناسبة ..وكانوا متجمعين على طاولة كبيييييرة

والمعاملة ...فوووووووووووووق الممتازة ...سيلفيو وصاهم علينا
بس والله هم وااااااااايد طيبين
الحرمة اللي تخدمنا كأنها أمريكية حتى لكنتها أمريكية
والأكل لذيييييييييييييذ
مقبلات الأزور والبرتغال بشكل عام الخبز والجبن الأزوري الرائع

زوجي طلب باربكيو الدجاج روووووووووعة طعمه
وأنا أخذت البيف ستروغونوف بدون كحول طبعاً
بس الدجاج كان ألذ...فشاركت زوجي الكمية كبيرة
وكل شي طعمه لذيذ حتى السلطة..
بتسألون وين صور الوجبات ؟!
نسيت أصورهم من كثر الجوع خخخخخخخخخخخخخ

والله من بعد هالمشي ..ماكان في شي ثاني نسويه غير نملي بطوننا
بعد الإنتهاء من الوجبة
شكرنا الطباخة على هالوجبة اللذيذة...

اللي يشتغلون في المطعم كلهم طيبين وبدون إستثناء
كل شوي يجي حد يسألنا إن كنا محتاجين شي وطبعاً رأينا في الطعام...
...

وتركنا المكان ...وإحنا راجعين شفنا عايلة قاعدة في الحديقة وحاطين شموع ويحتفلون ...فعلاً تحسون الناس مترابطين في هالجزيرة ...

ورجعنا الفندق نجهز أغراضنا للسفر لجزيرة جديدة اليوم اللي بعده..

المناظر من طريق العودة

تقيمي النهائي للجزيرة

من ناحية الطبيعة : رااااااااااااااااااااااااائعة. ..وبكر لم تمس من قبل الإنسان
من ناحية تعامل الناس : أطيب أهل الجزر على الإطلاق
من ناحية الجو: معتدل في النهار..وبارد في الليل
من ناحية المطاعم: المطاعم محدودة في الجزيرة..ولكن الطعام من ألذ ما أكلت في الأزور

من ناحية الطرق والمواصلات: الطرق سهلة وواضحة ومرصوفة ...
بالإمكان إستئجار سيارة أو التعاقد مع تاكسي ....

من ناحية الأسعار: الأسعار تعتبر نسبيا غالية....بالأخص الإلكترونيات..لا توجد مجمعات تجارية...
أماكن التسوق تقتصر على بعض المحلات المتفرقة....

وأخيراً نتكلم عن السكن وأماكن الإقامة ...سبق وأن وضحت بأن الفنادق على هذه الجزيرة قليلة..
وأغلبها مستواها نجمتين
هذه الفنادق المقترحة من الشركة السياحية..

طبعاً المعلم بالأصفر هو فندقنا الذي سكنا فيه
الثاني ..وهو الذي كنت أتمنى السكن فيه ...
عبارة عن كوخ ..هناك نوع بغرفة ونوع آخر بغرفتين
وهو على بعد كيلومترين من منطقة
Faja Grande

ولكن إستناداً للتعليق الوحيد الذي حصلنا عليه في Trip Advisor
عن هذا المكان ..
قررنا السكن فندق..

بالرغم من الموقع الرائع للكوخ ..حيث يقع في وسط الطبيعة...
لم نكن نعلم إن كان السكن في مكان كهذا آمناً أم لا
ولكن بعد تجربتي أؤكد بأن الجزيرة آمنه جداً ....
فهذه ليست مشكلة على الإطلاق..

شكل الكوخ من الخارج والمنطقة المحيطة...الصورة منقولة من Trip Advisor

المشكلة على حسب تقييم Trip Advisor
إن الأثاث غير عملي ...فالجلوس لتناول الطعام على الطاولة يكاد يكون مستحيلاً ...لصعوبة دخول الأرجل تحت الطاولة ...
السرير قاسي وغير مريح وقد شعروا بآلام في الظهر عند الإستيقاظ صباحاً..
ولكنهم أكدوا على جمال الموقع وطيبة الناس طبعاً كما سبق وأن ذكرت..

الكوخ يحتوي أيضاً على مطبخ صغير...وهذا يعني أنكم أنتم من ستقومون بإعداد الطعام..
على عكس الفندق حيث يقدم جميع الوجبات...

ولكنها تجربة مختلفة لمحبي الخصوصية...والتغيير..
أعتقد أنني سوف أقوم بتجربتها لو عدت وزرت فلوريش...

التقييم العام بناءاً على تجربتي :
ممتازة...وبالأخص التجول في الطبيعة
ترتيبها في الأفضلية بالنسبة لي : الثانية
ياترى أي الجزر إحتلت المركز الأول؟؟؟!!!!
تابعوا وبتشوفون

تابعوا معي الجزء الثالث

جزيرة فايال ....الجزيرة التي أحببت

مع

رحلة ريشة الخيالية***لجزر الأزور البرتغالية***جزيرة فايال Faial(الثالث)

كونوا على الموعد...

ابدااااااااااااااااااااااااااا ااااااااااااااااااااااع

حسيت اني الشخص اللي سبقكم بالرحلة

ما فيه مفردات



ما فيه جمل



مهب عارفة أعبر ريشــــــــــة

ما أقدر أقول إلا أني أهنيج مغامرتنا وفارستنا القادمة بقوة على هالرحلة والسرد الشيق

قولي آمين الله يجمع بينج وبين فارس على الإيمان وطاعة الرحمن وعسى أيامكم كلها سعاده وهنـا وتلفون الأرض من شمالها لجنوبها شرقها وغربها وأنتو أسعد إثنين

من جد قمة المتعة في تقاريرج ..تدرين وأنا أشوف المناظر وزوجي يتابع معي أقوله نفس مناظر الأفلام الخيالية وبالضبط جا على بالي the lord of the ring حسيت إليجا وود يتمشى فيها ولمن ذكرتي التشابه بين هالأراضي والي تصور فيها الفيلم :icon_thumleft:

رحلة سبع نجوم وزود .. الله يهدي سيلفيو للإسلام بعد هالتوضيح وينور الله طريقه ويجزيكم خير ويزيد من هممكم