وصلنا المطار صغير جدااااااااا
مكان استلام الأمتعة صغير....
وأصلا الناس اللي كانوا معنا على الطيارة عددهم قليل جداً....
معلومة :معظم أهل الأزور لم تسنح لهم الفرصة بزيارة كل الجزر...
بالرغم من أنهم يعيشون في نفس المنطقة...
وذلك لأن التنقل بواسطة الطائرة مكلف جداً للفرد....
والأزوريين مستوى دخلهم محدود ..فصعب عليهم السفر لباقي الجزر.
إستلمنا الشنط...
طبعاً أحلى مافي الطيران الداخلي هو إن العفش يوصل بسرعة البرق
وصلنا ...إنتظرنا...عادة يوجد شخص لإستقبالنا...
مافي حد !!!!!!!!!!!!!
:unsure:
لا لحظة قلت لزوجي شوف هذا ميني باص الفندق اللي بنسكن فيه
عليه الإسم
قلت له اسأل الحرمة اللي واقفة جنبه
قال لا خلينا ننتظر..
بعد شوي جت الحرمة نفسها وكلمتنا..
وطلعت فعلا هي من الفندق
ضحكني اسلوبها قالت إنتوا رايحين فندق بهذا الإسم
قلنا نعم..قالت أنا خبروني إن في حد جاي بس ماعرف اسمه
قلنا هذي أولها الله يعينا على تاليها خخخخخخخخخخخخ
:
المهم زوجي هو اللي صعد الشنط في الميني باص..ليش؟؟
لأن الحرمة هي اللي تسوق الميني باص
كانت معنا عائلة أخرى....فقعدنا في المقعد الأمامي
طبعا أنا كنت محشورة بالنص
وصلنا الفندق في ثواني...
ثواااااااااااااااااني
الفندق قرييييييييييييييب من المطار جداً...
أنا ماشفت شي غير دوار صغير وبعده وصلنا
الفندق اسمه Hotel Ocidental
كلمة Ocidental
أوسيدنتال بالبرتغالي تعني الغربي...
ووصلنا الفندق الغربي ... الفندق ن ج م ت ي ن نعم نجمتين فقط 
شوفوا النجمتين شحلاتهم 
معلومة : العمل قائم على إنشاء فندق 4 نجوم في الجزيرة
زوجي أصيب بحالة من الذعر والقلق أول مرة نسكن فندق نجمتين ههههههههههههههههههه... قلت لزوجي ليش خايف... مو إنت اللي إخترته؟؟؟!!!!!! دخلنا وشوي نشوف الحرمة اللي استقبلتنا في المطار واللي تسوق الميني باص.. هي نفسها موظفة الإستقبال طبعا إحنا مش مستوعبين... ههههههههههههههههههههههههههههه : وعن نفسي ماقدرت أخفي ابتسامتي اللي طلعت غصب عني .... وأنا أحاول أخفيها كردة فعل على اللي شفته..... أخذت الحرمة كل المعلومات...وخبرتنا إن غرفتنا في الطابق الثاني... طيب جميل...وين المصعد؟؟؟ عفوا مافي مصعد إستعملوا السلم زوجي
مسكين أنا هالمرة ماخليت شي ماحمّلته معي في الشنط
عندنا شنطتين كبار...وشنطتين صغار
المسكين طبعا حملهم...
بس طلع الطابق الثاني يعني نصعد السلم طابق واحد ونكون في الطابق الثاني
الحمد لله بعد...
دخلنا الغرفة ..واهني زوجي ما استحمل الفندق مافيه تكييف 
قال مستحيييييييييييييييييييل أقعد.. زوجي أبداً مايقدر ينام بدون مكيف.... أما أنا فتأقلمت مع الوضع حتى إن زوجي دايما يقول عني ...لو زوجتي يخلوها في جزيرة لحالها بتعرف تدبر روحها وبتصنع شي من لا شيء.... شكراً على الإطراء خخخخخخخ
ولكن هذا واقع....أنا تقبلت الوضع وقلت له أنا ما أبي أغير المكان
يود مينونك لا اييك اللي أين منه
قلت له إنت مفكر إن في فندق ثاني أحسن يعني؟؟؟
الجزيرة خالية أنا ماشفت فيها حد...
المهم هو يروح ويرجع ويتفحص المكان..
أما انا خلاااااااااااااااااص حطيت أغراضي ورتبتهم خخخخخخخخخ
عادي متقبله الوضع...
هذا شكل الغرفة ...بصراحة هي نظيفة يعني يمكن إعتبارها "غرفة شاليه"...
الشراشف نظيفة وريحتها حلوة..
مع إن الحمام الله يعزكم قديم شوي ومستهلك...
لكن ...عديها....المهم فيه قليل من النظافة
هو كل شوي يسألني متأكده ماتبين تغيرين الفندق
أقوله أكيد ما بغيره.... بنفتح باب البلكونه وبيدخل علينا الهوا
فتحنا الباب وشفنا المنظر
الفندق كموقع ...ماعليه كلام
مقابل البحر بالضضضضضضضضضضبط
معلومة: درجات الحرارة في فلوريس معتدلة في النهار وباردة في الليل
مدة إقامتنا كانت 3 ليالي...يعني ماكانت فترة طويلة الواحد مايقدر يتحملها... طبعا لما سألنا عن فنادق ثانية قالوا لنا في فندق ثاني بس هذا أحسن واحد خخخخخخخخخخخخ لاحظوا ....هذا أحسن واحد؟؟!!!!!! بعدها قرر زوجي يشتري لنا ماي ومشروبات 
يتبع....
