الرائع وجودك وتشريفك لنا في تقريرنا المتواضع :

الله يعافيك ياام العبادلة وباذن الله ماراح تنتظرين كثير

دمتي بكل خير

	السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين عدنا لكم لاكمال ماتبقى من يوميات نمساويه وموضوعنا هذه الحلقة عن ((قصــــــــــــــــر الشــــــــــــو نبــــــرون)) هذه بعض المعلومات عن القصر ( من أهم المعالم السياحية بفيينا , قصر (( شونبرون )) الذي يعني النبع الجميل , ويقع هذا القصر في قلب فيينا , وكان مقراً للإمبراطور النمساوي (( فرانز جوزيف )) (1830-1916) . وقد تحول القصر في وقتنا الحاضر إلى متحف يُعرض فيه أثاثه الفاخر ونفائسه ، وتتميز مُعظم جدران حجراته بأنها منقوشة بالذهب الذي يخطف الأبصار , وإذا زُرت هذا القصر سوف ترى المخدع الذي كان مُخصصاً للإمبراطور الفرنسي (( نابليون بونابرت )) حين كان يأتي إلى القصر هو وزوجته (( ماري لويز )) ليزور حماه فرانز الأول إمبراطور النمسا في ذلك الوقت . ويبلغ عدد غُرف قصر شونبرون نحو ألف وخمسمائة غرفة عدا عشرات القاعات والصالونات والحمامات ، ومن أهم الغرف تلك المخصصة لعرض المجوهرات الرائعة لأباطرة النمسا ) المعلومات منقوله طبعا التصوير داخل القصر ممنوع ..لاتتوهق وهذا موقع قصر الشونبرون هنــــــــــــــــــــــــــــ ــــــــــــــــــا قبل الصور اود ان اشير الى ان تذاكر الدخول انواع تستطيع التعرف على انواع التذاكرمن هنــــــــــــــا بالنسبة لنا اخذنا النوع الثاني 40 غرفة بــ 12 يورو و90 سنت ادعكم مع الصور هنا باب الدخول الخارجي وهنا اخوكم ضمى يحييكم من ذلك الموقع وهنا نافورة في الحوش << حوش....اقول لايكون مستضيفينك في حلقة هذي حياتي انت وخشتك : الصورة اللي فوق لاحضوا اللوحات الحمرا اللي ورى النافوره ..من هنا دخول القصر وقص التذاكر النافورة هذي طاح فيها الترايبود حق الكاميرا ..وغطست وجبته : الحين نجي للمفاجأة... طبعا زي ماقلت لكم التصوير ممنوع وعليه قص رقبه في القصر لكن اخوكم أبى الا ان يصور لو يصير مايصير ...دسيت الكاميرا وطلعت الجوال وهذا اللي طلع معي على السريع وهذا الزي الرسمي للجيوش آنذاك << حلوه آنذاك (: هذي غرفة الامبراطور ..وهذا سريرة وصورته قبل يغز كراعه << يعني قبل يفطس :( وهنا صاله تحححفه صراحة حسبت ماقريت ان هالصالة مطليه بالذهب من احد شبابيك الغرف الصورة هذي كل ماشفتها مت من الضحك: ...اتحداكم تعرفون ليش :114: بقول لكم ليش....شوفوا الصورة السابقة ...تشوفون اللي لابس ابيض في اخر الصورة..هذا كبير المشرفين على القصر واللي وضيفته كفش المصورين : يعني <<< الاخ هذا مجرم مع سبق الاصرار والترصد : انا شفته قبل اصور لكن قلت هي خاربه خاربه والله وانا اظغط على زند الكاميرا واقبسها بوجهه : المهم كلم احد المشرفات بالجهاز اللاسلكي وجت لزقت فيني ليييييين طلعت من القصر :2111: .............................. ............ المهم طلعنا من القصر من الجهة الثانية..جهة الحديقة والمعلم اللي عند البحيرة ....تعالوا نشوفها في الرد التالي وفاااالكم طيب

	طلعنا من الجهة الاخرى للقصر ومن هناك التقطت هذه الصور اتمنى ان تحوز على رضاكم واستحسانكم وان ترتقي الى ذائقتكم هذي النافوره الاولى واستغربت انها طافيه ..وقلت لخويي غريبه طافيه انا متأكد اني شايف لها صور وهي شغّاله :114: كملنا صعودا الى البحيرة والمعلم اللي فوق ..والطريق متعب جدا ..يعني اللي ماعندهم لياقه زيي لايوهق عمره منظر عكسي وتشوفون الشنبرون هناااااااك قربنا نوصل بعد ماوصلنا النهاية رجعنا ..ولقيناهم مشغلين النافورة اللي قلت لكم في البدايه انها طافيه بعدها تعبت شوي قلت ارتاح..وانا جالس على الكراسي اعجبتني التماثيل وصورتها لكم هالصورة تعنيلي الكثير جازت لي فكرة تصوير التماثيل وهالصورة تجسد بر الوالدين..جعلنا الله واياكم بارين بوالدينا .............................. في الحلقة القادمة ستكون جولتنا في جبل الكلين بيرق وملاهي البلاتر كونوا معنا

الله يعطيك العافية عالاجزاء الحلوة مستمتعين معاك ومع التعليقات الحلوة


نترياك

ماشاء الله عليك ابوعبدالملك..تقرير وصور غاية في الجمال..
متابعين معك الرحلة الجميلة..

القصر عجبني وايد وبحطه في مخطط رحلتي للنمسا وزيارة فينا في سنة 2015 اذا الله عطانا عمر :

يكونون العيال اكبروا واعقلوا واقدر ازور هالمكان الحلو

هل يسمح دخول الاطفال للقصر ؟؟

واصل اخوي الكريم ومتابعينك

مبدع يابو عبدالملك
متابعين التميز
ربي يوفقك

ابو عبدالملك

تقرير رائع للغاية

ما شاء الله عليك مترت فينا

الواحد منا يبيله يتمرن اقل شي شهر عشان تتحسن لياقته ويتمشى في هالديار

عجبتني هالصورة وانعكاس المبنى على البحيرة