اليوم الرابع : رحله جزيرة جيمس بوند
الرحله من اجمل الرحلات لانهم يخذونك فى قارب مطاطى الى كهوف فى بعض الاماكن ,,,
اكيد بتسالون ليش سمية الرحله برحلة الجيمس بود ,, بعطيكم اختيارات والى يجاوب بيحصل على اهداء (( صوره)) عندكم هالاختيارات :
- لانى انا من الموجودين فى الرحله 
- لانهم صوروا فيها فلم جيمس بوند (( المسدس الذهبى)) 
- لان ابنى سيف 
احد المتواجدين فى القارب ترسل الاجابات على الخاص ,,,,,,,,, first answer first win.
الرحله تنظم عن طريق مكتب الرحلات و فى امكانيه للحصول على قارب خاص للى يبغى الخصوصيه,, المهم مر علينا الباص اول ناس و كنا مستانسين عشان نختار المكان الى نباه فى الباص (( تعرفون الواحد يستغل الوقت بالنوم لين ما نوصل الى مكان انطلاق القارب ..
بس الى عكر مزاجنا و اخرنا ,, طبعا فى غير العرب ,, شباب تاخروا لين ما طلعوا لنا اكثر من نصف الساعه و القهر انهم لما وصلوا قرب الباص واحد منهم نشع يبغى يدخن سجاره الله يهديه . وبعد طول انتظار وصلنا لمرسى السفن
الرحله تمر باربع مراحل وهى ركوب القوارب المطاطيه (( فى مكانين مختلفين)), زيارة جزيرة جمس بوند و اخيرا السباحه.
مسار الرحله
انطلقنا بالقارب متوجهين الى اول مراحل التشويق وهى ركوب القوارب ,,,, مع كل قارب يكون فى واحد يجدف و ياخذك الى الكهف ,,,,, والحمد لله رزقنا الله بواحد يحب اليهال ,,,, يعنى ما حسينا فيهم الا اخر الرحله ,,
صور واحنا على متن السفينه
وبعد انتظار طال 45 دقيقه وصلنا الى اول مراحل الرحله وهى ركوب القارب ,, هى تجربه حلوه وخصوصا عند دخول الكهف ,,, الواحد لازم ينام على ظهره عشان يمر بعض الاماكن ,,, بعنى الى ناوى يروح يبدء رجيم من الحين ,,, الكلام موجه لك ياللندنى,,,,
صورة القارب
صور واحنا فى الكهف
بعد الانتهاء من الرحله ,,,,عدنا الى القارب استعدادا للمرحله التالية
بعد ذالك توجهنا الى كهف اخر لركوب القارب المطاطى مره اخرى (( القارب جدا ممتع للاطفال ))
بعدين حطوا لنا الغداء وهو بوفيه على ظهر المركب وكان الاكل ممتاز وحلال ,,, بس من الزحمه و الجوع ما صورته...
عقب الغداء اللذيذ توجهنا الى ابرز مراحل الرحله و هى جزيرة جيمس بوند ,,,,,بس ركبنا قارب خشبي لو جمعوا فيه بو اليازيه و اللندنى لكان مصيره الغرق ,,, 
,,,,,,, وهذه صورة القارب يوجد فى الجزيزه سوق فيه بعض الاشياء التذكاريه و الجميله ,,,
اترككم مع صور من ارجاء الجزيزه
الصخر المشهور
الجزيره حلوه بس صغيرة فيها درج يوديك الطرف الاخر منها ,,,,,
بعد المشي على جزيرة جيمس بوند ختمنا برنامجنا بالسباحه فى جزيره ذات شاطي صغير ,,,, جبت لكم صوره له .
وبهذا انهينا يوم جميل فى ارجاء بحر بوكيت و هذه صوره عند رجوعنا مره اخرى لمرسى السفن
انهينا يومنا بوجبه خفيفه على شاطئ بتونج وهى فى بيتزا كمبونى
و نلقاكم فى الجزء القادم و الاخير
