أحبـــج ياقــطر

سيتي سنتر :105:

الصراحه ماعجبني وايد

يمكن لأني أقارنه بسيتي سنتر اللي عندنا ..

فيلاجيو :105:

سمعت عنه وايد بس ماشفت فيه هاك الزود

يمكن لأنه يومها مزدحم بالوافدين وخصوصا الجاليه الهنديه

اللهم قسم الماركات كان خالي وهادي

ودخلنا مطعم فرنسي وتعشينا فيه وكان أكله لذيذ
بس نسيت أسمه:114:

(( أم مبارك فزعتج ، شو أسمه المطعم ؟ ))

لاند مارك

هذا أحلى سوق عجبني وحبيته وتسوقت منه وايد

ولو جيت قطر مابتسوق الا منه .

سنتر صغير اسمه ( أمبوريوم ):105:

هذا المحل فيه بوتيك إسكادا وكنزو ولوريل وماكس مارا وغيره

خذيت لفه سريعه وماعجبتني بضايعهم .

فندق شرق محل( زاي )

غالي ع الفاضي ، واذكر اخذت من عندهم لبسه غاليه شوي

وبعدين حسيت انها ماتسوى
وخصوصا لما شافوها هنيه وخبرتهم عن سعرها أستغربوا :114:

محل ( جلامور )

مختص بالملابس الجاهزه

عنده أشياء حلوه بس أسعارهم مبالغ فيها ..

سوق واقف

جميل بس ما قدرت أتمشى فيه لما وصلته كنت تعبانه ومنهد حيلي

يباله زياره ثانيه ...

محلات في جزيرة اللؤلؤه ...

للأسف الوقت كان ضيق ويادوب خذنا لفه باالسياره وطلعنا

ويباله زياره ثانيه .

وخلصت تسوق في قطر
يادوووووووووووب لفيت شوي

لولا اختلاف الاذواق لبارت الاسواق ...
هذا رأيي في الاسواق اللي زرتها

أدري تعبتوا ويايه اليوم من اللف في الاسواق
شورآيكم نريح ونتغدى في الشيراتون

تااابعوني

جزء جديد وخساير جديده خخخخخخ بس تراج تسوقتي وايد ويدنا طاحت من الشيل :3:

تبين الصج احنا نتسوق في دبي مهضومه بس اهل دبي يتسوقون عندنا هاذي عليها تحفظ

وآنا أأيدج ما احب صراحة السيتي لا إلي في قطر ولا إلي في دبي وخاطري أشوف إلي في البحرين أتمنى يكون أحلى

وفلاجيو صدقيني حلو وروعه للتمشي والتسوق وبعد الاند لكن عيب روحتنا لفلاجيو إنها يوم الخميس ولو رايحين اللاند مارك بعد جان تضايقتي من الزحمة لأن إحنا بالعاده ما إنروح مسا الويك إند مجمعات لكن علشانج كسرنا القاعده

ما شاء الله تبارك الرحمن

شفت قطر من خلال تقريرك ودي ازورها بس لين الحين ما كتب ربي

وتستاهل ام مبارك الاهداء

متابعين معك ياعسل

اوووووووووووووووووف !!

أخيراً وصلت من كثر اللف في السوق

حي الله ام عيسى ..

وانا اقول ليش قطر نوووورت ..

توا ماتبارك المكان ..

والحمدالله ان ام مبارك هي الي كانت تنتظركم لأنها من خيرة اهل قطر واستقبالها وحفاوتها سابقتها اهنا في المنتدى ..

ولوا انكم رجاجيل كان قمنا بالواجب ولكن مثل ماأيقولون ام مبارك عن 1000 رجال ( عندنا مثل ايقول ان بعض النسوان ابرك من 1000 رجال )

بالنسبه لنا الاندمارك هو المفضل لانه هادي + محلاته حلوه ..

السيتي سنتر روحتنا له معدوده ..فيلاجيو نفس الشي ..

سوق واقف بعد ماغيروه ماجيته إلا مره وحده بس

اللؤلؤه ولا مره جيتها :( <<< ماأدري وش سالفتي مع اللؤلؤه :(

والمحل محلكم ام عيسى واتعزمون عليه ..

الله يعطيك العافية

جزء التسوق جميل وما عجبني سيتي سنتر الدوحة بالرغم من انه كبير وعندي سيتي سنتر الحبرين احلى منه