في صيف 2009 من شهر 6 كانت لي رحله قصيره لقطر الحبيبه ، مدتها 3 أيام 
من وأنا صغيره كنت أزور قطر لأنه عندي أهل فيها وعقب انقطعت عنها سنوات طويله
ولما زرتها آخر مره ، ماشاءالله تفاجأت بالتطور والعمران اللي فيها والعمران وقطر الحين غيــــــــــــر
وايد استمتعت بهاي المده القصيره ، واللي أعطى هاي الرحله نكهه وحلاوه وزادها متعه ، هي اني كنت
في ضيافة الغاليه نجلهـ 
أشكرج ياأم مبارك ماقصرتي ، وهذا التقرير أقل شي أقدمه لج على كل شي حلو شفته معاج ... صح قطر تغيرت بس أهلها مثل ماهم كلهم حب وطيبه وكرم ومرحبانيين ...
تقريري بيشمل أكثر شي على الصور ، واسمحولي بحتفظ بالتفاصيل ، ماعدا البسيط منها
وبعلق على بعض الاشياء البدايه 
حجزنا على طيران الامارت ، وكانت الطياره جدا تعيسه الظاهر
مخلين الطيايير الجدام للدول القريبه ، وأذكر يومها ونحن
نركب الطياره شفت انه وااااايد هنود بيركبون ويانا ، وقلت في
خاطري وحليلج ياقطر ، كل هاذول يايينج:105:
في الطريق الى فندقنا
الحين أقولكم تصبحون ع خير ، وقريب برجع الكم 
رحلتي لقطر .. اهداء للغاليه نجلهـ 
..أسفرت وأنورت البوابة يا أم عيسى 
فأقترح عليج اتجين هاليومين حتي يكون التقرير فرش ,,إش رايج في هالإقتراح ..<<(( أدور سبب علشان إتعيدين الزيارة خصوصا الوالدة تتشره عليّ إنها ما قامت بالواجب معاج ))
