الرحلة رقم 3 مثل ماقلت لكم كانت للقرية العالمية ..

أما الرحلة رقم 4 هي رحلة برية هالمره ..

وكانت فكرة احدى الزميلات لزيارة عزبتهم اللي مسوينها في البر وهي عبارة عن غرفتين ملحق معاهم حمام وخيمة ومظلة وساحة العاب للاطفال ..

واليكم الصور ..


جانب من العزبه .. واحنا كنا يالسين طول الوقت تحت المظلة اللي شايفينها في آخر الصورة لان الجو كان حلو والشمس باردة مافي حر .. والسيارات مغطية علينا وهذا أفضل شئ ..



ساحة العاب بسيطة للأطفال .. طبعا بعض الزميلات كان معاهم اطفالهم وكانوا بصراحة مسوين جو وانا استغليت وقت الغدا وصورت هالصورة لما صارت الساحة فاضية ..


غرفة ملحق معاها حمام وفيها تلفزيون وسجاد للصلاة ..


هالأكل طبعا كله من طبخ المعلمات الله يعطيهم العافية وكان من ضمنه برياني دياي ومالح وعيش وسمك ومكبوس دجاج وبعض الحلويات والعصاير والمشروبات الغازيه .. وهنيه حابه اشكر بعض المعلمات اللي منعتهم ظروفهم من المجئ ولكن فاجأونا بتقديم بعض الوجبات وتوصيلها الين العزبه .. ماقصروا الصراحة ..




فواكه ..



حلويات











ومستحيل نستغنى عن الشوي في البر ..



قعدنا الين المسا تقريبا مابين ضحك وسوالف وأكل وبعدين ودعنا بعضنا وكل وحده راحت بيتها ..



وتوته توته خلصت الحدوته .. وان شالله اكون قدمت التقرير بشكل مناسب ..

اختي حور ممكن اولا تترجمين هالرمسه ترى تعقدت منها

البر في كل الاحوال حلو وجميل

وما ادري ليش الحريم اذا راحوا للبر يكثرون الاكل رايحين توسعون صدركم ولا تملون بطونكم

فيه العافيه

اخوي ناصر من حقك ماتفهم والله .. لهجة صعبة شوي

عموما بالنسبة للي قالته الاخت فوفو واللي انا فهمته كالتالي
شحوالاش حور : اشحالج حور

واعمري همودوو ليي هالموضوع: ياعمري شو هالموضوع

بسطا حنوك يوم اليمئه : بسير هناك يوم الجمعة ..

ان شالله اكون وفقت في الترجمة ..

اما بالنسبة للحريم والأكل في البر فطبيعي لانهم راعيات مطبخ :3:

تسلم ايدج على الصور الحلوة

الله يعطيك العافية حور الامارات

رحلات جميلة استمتعنا بمتابعتها

ما عليج زود وربي يسلمج والامارات منوره باهلها

وتنور قطر بجيتكم وهذي الساعة المباركة

وانا بعد ما زرت الكويت وعمان والله يكتب لنا سفره

وطلعة البر رووووعة

وما شاء الله احلى حدوته

الله يعطيج الف عافية

غدير

ابو عبد العزيز

أم العبادلة ..

تسلمون وكلكم ذوق والله .. اشكر لكم متابعتكم واطلاعكم على الموضوع ..

الله الله ياحور الامارات ويش هل ابداع

تقرير جميل جداً الله يهنيكم

اشكرك جدا على الصور الحلوة

تحياتي الك

جزء جميل ورائع ... فليس هناك اجمل واروع واحلى من البر

الله يجمعكم على الخير

بقايا المجد

الاخ فهاد

حياكم الله وتسلمون على هالإطراء الجميل .. ماننحرم من طلتكم ان شالله ..