اهلا اخي الكريم.. في البدايه اعتذر عن التاخر في الرد على استفاراتك ولكن هذي المره الثانيه اللي اعيد كتابه الرد فيها لان استوى خلل عندي وانمسح الرد :456ty:


1. سكنهم ( ديباج الخبيصي ) بغينا معلومات عنه ، واذا لهم موقع انترنت ورقم تلفون ياليت تذكرونه لنا
الاسم الصحيح هو: ديباج الخبيصي بلازا للشقق الفندقية..
الرقم: 97142620666..
للعلم محد مدح لي هالفندق.. وماعندي اي معلومه اذا استوت تجديدات في الفندق والا لا.. واسعارهم مبالغه فيها وايد..ع بالهم برج العرب ع غفله:mh1548:
ومالهم موقع على النت لاني دورت وماحصلت..:g:

2. شارع الرقه يغينا معلومات عنه ( على شنو يحتوي )
شارع الرقه من اشهر الشوارع في دبي.. يحتوي على الكثير من المحلات..والمطاعم... بس حبيت انوه الى ان هناك في صيانه وتحويلات بسبب مشروع مترو دبي.. ويمكن يتعرضون لبعض الازعاج والصعوبه في التنقل..

3. الجو ( شنو طبيعة اللبس عندكم ) ، ( كم درجة الحراره )
درجة الحراره عندنا اقل عن الكويت... وخصوصا هاليومين الجو متقلب عندنا يابرد ياحر ياوسط.. بس لازم يحسبون حسابهم في شي يدفي..

4. وين يحصلون شريحة جوال ( مكان قريب من سكنهم ، وهل في بالمطار ، وكم الاسعار )
يقدرون يحصلونها بسهوله اما من المطار او من اي مكان ثاني.. وهي تابعه لشركتين:
-اتصالات: وهي الافضل طبعا لانها القديمه في الدوله ومشغلاتها منتشره في اماره دبي.. وللحصول على الخط يرجى زيارة موقعهم ويتضمن الاماكن وكل شي.. موقع اتصالات

-دو: واللي ما افضلها ابد .. لان لين الحينه فيه مشاكل في المشغلات ويتعرض الرقم لبعض الانقطاع.. واحيانا مايشتغل في بعض المراكز.. بس عندهم عرض حلو للزوار وهو عباره عن شراء بطاقه الزوار مقابل 70 درهم.. ويكون فيها رصيد 20 درهم.. والبطاقه تنتهي عقب 90 يوم وهي قابله للتجديد.. ويقدرون يشترونها من مراكز المبيعات المنتشره في بعض المراكز.. او عن طريق النت.. موقع دو

5. صراف للنقود (مكينه آلي + محل صرافه ) ( قريب من سكنهم )
الصرافات منتشره وبكثره تقريبا في كل مركز اول ماتدخل تحصل مكينة السحب.. بالنسبه لمحل صرافه امم ما اعرف الا في لامسي بلازا..

6. مكان سياحي او مكانين ( لايكون مطعم او كوفي او مجمع ) شي غير طبيعه ، شاطئ ...
برشح لك شاطئين..
-الاول: شاطيء الممزر المفتوح.. وفيه بجانبه حديقه شاطئ الممزر.. الدخول للحديقه للفرد خمس دراهم.. اذا للسياره وهذا الافضل ثلاثين درهم.. طبعا تقدر تستاجر شاليه.. واسعارهم:
الشاليه الكبير 200 درهم.. الشاليه الصغير 150 درهم (يكون عباره عن صاله وحمام عزكم الله)
وفي الكثير من الانشطه المنتشره في الحديقه مثل الشواء-تاجير الدراجات الهوائيه-حمامات السباحه وغيرها..)
ومراعاة اليوم.. لان في ايام مخصصه للنساء...

-الثاني: شاطئ جميرا المفتوح.. وفي بجانبه حديقة شاطئ جميرا.. الدخول خمس دراهم للفرد.. ودخول السياره عشرين درهم.. تقريبا انشطتهم مشابهه للسابق بس هنيه ماشي شاليهات..

7. مطعم ترشحونه لهم او مطعمين
ارشح مطم قيصر في القصيص >>عجيب في المشاوي والحلوو..
وارشح المطاعم الموجوده في سنشري مول..

8. التكسي ( هل متوفر بالقرب من السكن وشلون طريقة التعامل معهم ، اذكرلي مشوار وجم يكلف )
التاكسي مكلف وايد عندنا وللعلم صارلي فتره طويله ما استخدمت فلذلك ما اقدر اقول كيف التعامل وهالامور.. ويفضل انك تتصل وتطلب تاكسي من الفندق قبل لاتطلع لان مثل ماذكرت الامور شوي صعبه في هذاك المكان.. وهذا هو الرقم للحجز 0097142080808

9. السوق وياليت تذكرون لي كل سوق بشنو متخصص ، واذكروا لي اي الاسواق اللي تتكاسر وايها اسعارها ثابته
الاسواق كثيره ومنتشره منها
سوق الدراغن مول (سوق التنين) يقع على طريق حتا عمان..
وهذي خريطه للطريق:


والسوق وايد كبير ويقدرون يكاسرون وايد وهذي خريطه للسوق

وانصحكم بالقريه العالميه دام ان الفتره قصيره.. خصوصا انها تضم وايد اشياء..

وفي العديد من المراكز مثل مول الامارات-ابن بطوطه-مركاتوا بس بعيده عن هناك..

10. لو تسون لي جدول لقضاء اليومين يكون تمام

اعذرني بحذف هالسؤال:mh1548:

وعطونا نبذه عن مهرجانكم وين مكانه وقته وين الزحمه

المهرجان في العديد من المراكز والشوارع.. وتفضل موقع المهرجان
طبعا الفعاليات متنوعه ومتغيره كل يوم من الافضل الاطلاع ع الجدول.. في الجريده قبلها بيوم او في اليوم نفسه..


والسموحه منك ع القصور.. وحاضره لاي استفسار.. وان شاء الله بقيه الاخوه مايقصرون وياكم..

مسموح اخويه..

بالنسبه للقريه العالميه.. بتكون مفتوحه حتى تاريخ 1-3..
الطريق اليها:


القريه تتضمن العديد من القرى المتوزعه +المطاعم وبعض الفعاليات لكل دوله على حدى..

وهذي خريطه القرى واماكن القرى واماكن الاشياء الهامه:



الدخول للقريه مقابل خمس دراهم للشخص..
تفتح القريه (السبت-الخميس من الساعه اربع لين 12) مع العلم ان يوم الاثنين للعائلات فقط..
ويوم (الجمعه تفتح من 4 لين 1)..

ينصح باخذ خريطة القرى من شباك التذاكر..او طباعه الخريطه من هنيه لان احيانا تخلص بسرعه..

القرى تكون زحمه وايد في الويكند..!!

بالنسبه للقرى اذا شافوا سعر شي وايد ومب راضين ينزلون يتمهلون شوي في الشراء لان اكثر الاشياء تلاقيها متكرره في القرى ثانيه وبسعر اقل..
بالنسبه للقريه الصينيه.. اسعارهم مبالغ فيها وايد.. واكثر الاشياء يقدرون ياخذونها من سوق التنين بسعر اقل بوايد..

وهذا موقع القريه على النت..

اتمنى اني اكون افدتك ولاي استفسار حاضرين..
والسموحه ع القصور

لاشكر ع واجب..

القريه على شارع الامارات.. وانصح اذا كانوا بيزورونها يكونون قريب من القريه.. مثلا يتغدون في مول الامارات واذا طلعوا ع الساعه 3 وربع من هناك تقريبا اربع او اربع وعشر بيوصلون..

بالنسبه للمسافه من شارع الرقه لين القريه.. ما اقدر اقولك الوقت التقريبي لاني مااعرف لمسافه بالضبط واضافه لذلك في اصلاحات وايد صوب الرقه وعلى حسب الطريق اللي بيون منه والزحمه (وقت ظهورهم من الدوامات من وحده ونص تبدا الزحمه لين ثلاث ونص تقريبا.. شارع الامارات يكون مزدحم بشكل فضيع)..

الويكند الجمعه والسبت مثلكم.. واحسب الخميس وياهم لان الزحمه اكثر في هالثلاث ايام..
مع مراعاة ان اذا كان الجو متعكر ممكن القريه تكون متسكره..
ومراعاة ان تاريخ 20 من هالشهر عندنا عطله في الامارات.. وممكن القريه تكون مزدحمه..

(لاينسون الجاكيت..!!)

والسموحه منك..