........

اول شي انا منقهره وميته ومنهبله وكل شي لاني قبل كم ساعه نزلت هذا الموضوع نفسه

بس لما حطيت (اعتمد الموضوع الجديد ) طلع لي لايمكن عرض الصفحه وراح كل شي

مت من القهر وهذي الحركه دايم تصير وحتى بالردودبس قلت ياانا يا هو :ranting::ranting:

.............................. .............................. ..............

احم احم احم ...... وينا فيه يالبرنسيسة فشلتينا هدي اعصابك :ranting:

خلاص عاد عطيناك وجه ابدي وش عندك :ranting::ranting:

.............................. ..........................

السلام عليكم ورحمه الله وبركاته ....

قبل فتره كنا طالعين نتغدى بستيك هاوس وهو من المطاعم المفضله جدآ جدآ بالنسبه لي ولزوجي ..

اخذت معي الكاميرا علشان اصور لكم لان بصراحه الاخ الكريم ( تان تان ) حمسنا بصور المطاعم

شو رايكم نبدا والا تروحون تغلسون وجيبون شوك وسكاكين

هاه خلاص الكل جاهز ؟؟؟؟؟ ********>> بتستعبط


تفضلو ....



الجلسات وفيه منها المفتوح بدون بارتشن



المنيو ..... وطلبي كان ( دجاج جنوب الغرب الامريكي )( ساوث ويسترن تشكن برست )

سعر الطبق 55 ريال ..... وسعر المشروب اضن 6 ريال والشوربه والسلطه بـ 15 يال بوفيه

كان ذا اليوم فيه عرض على هذا الطبق اضن بنفس سعره 55 ومعاه المشروب والسلطه والشوربه ...


.

وهذي حوستي اقصد سلطتي ....

.

وهذا الشوربه بتاعتي .... بس ماحبيتها احب الخضار باللحمه ...******** تتشرط

.

وهذي لزوزي

.

وماننسى الخبز مع الزبده ...



ويصلح ترا تغطونها مع الشوربه ****************> هي ماتسويها ابد :mh1548:

.

وماننسى حبيب الجماهير .... والتعبئه مجانآ ...


.
راح معنا مره ولد خالتي يستهبل على الفلبيني يقول له وين الغطاء ؟؟؟؟؟ غطا الكاس :w00t2:
.

ونجي للدسم والسناعه :w00t2::w00t2::w00t2:



.

.
.


وطبعآ تتخير قبل وش تبغى مع الدجاج ... (بطاطس مقلي ....او بيق بوتيتو ... حلقات بصل )

وانا وزوزي واخواتي وكل الناس نحب ( البق بوتيتو ) بطاطس مشويه

.

بعد الانتهاء من الاكل ....


.
تفضلوووووووووووووووووووو .... باتشي بالنعناع ولا احلى منه :clap_1::clap_1:


.

.


وبالعافيه ...........

المطعم جدآ روعه وانا من محبي الستيك حقه وخصوصآ الطبق هذا لان مااطلب الا هو

ولكن برضو اللحم عندهم روعه وزوجي كثير يطلبه ....

انصحك الكل بتجربه .......


عليكم بالف الف عاااااااااااااااااافيه يارب .....

الحمد لله على السلامة ام هتون
الموضوع رائع و كنت اتكلم مع واحد من الشيبان اللي بالاستراحة عن هالمطعم و الظاهر فرصة اعرض عليه الموضوع ،،،


ياليت احد المشرفين يعدل الصور


مشكورة على هذا الموضوع و تعودي دائما اذا كتبتي اي شي تسوين له نسخ عشان ما تضيع المعلومات

ياهووووووووووووووووووووووووووو وه ..... وش اخباري

من جد وش هالصور اخوي كبيان ...:ranting::ranting:

وش السالفه انا نسخت الرابط زي ماقال اخونا الباب العالي في الشرح لاني اول مره

احمل بها الطريقه تقرير مصر ماكان كذا

دنا حظي تعبان اوووووووووووووووي :ranting:


حياك الله الغالي وشرفت ونورت الموضوع ويشرفني تكون اول الواصلين ...

بالفعل المطعم مره حلو وانا من محبيه جدآ ....

هذا فرع الثلاثين الي كنت فيه ....

بس اشوف فاتحين جديد قبال اليورومارشيه بدال مطعم كان ياباني او شي ...

انا كنت قبل فتره في مطعم ميراج واشوفه وشكله مرررره رايق ....

تشرفت بطلتك

هلا أختي ( برنسيسه ) موضوع أكثر من رائع

ولي تعليق عليه بعد ما قوم بعملية تعديل الصور ...

ما شاء الله عليك أختي (برنسيسه ) مطعم رائع وتصوير أكثر من رائع

لو دري صاحب المطعم عن هالصور لأخذها لدعايه

صراحة مجهود تشكرين عليه دائماً متألقة ومبدعة يعطيك العافية.

الله يعطيك الف الف عافيه على تضبيط الصور ...

منور الموضوع مشرفنا الكريم وكلامك الجميل يعطي دافع للكل للاستمرار....

منور الموضوع يكفي انه اعجبك ...

بس ماقلت لي اذا مره ثانيه بغيت انزل صور وش اسوي علشان ماتتكر معي هالمشكله

وابلشك معااااااااااي ....:w00t2::w00t2:

الأخت البرنسيسة ... تقديري لجهدك المبذول ويعطيك العافية

ستيك هاوس كان أول أفضل خاصة اللحم الحين أغلبها عروق ودهن كثير

على كل اكثر من المطاعم في الرياض مافي اولها بيكونوا روعة وبعد كذا يبدأ الإهمال ويعتمد على اسمه ...

لكم محبتي

حياك الله أختي (برنسيسه )

لا بلشه و لا شي نحن ما وضعنا هنا الا لخدمتكم فلا تترددِ بأي استفسار.

أما من ناحية طريقة أنزال الصوره ... فبعد ان تقومي بأنزال الصور بموقع التحميل التابع للمنتدى تضهر لك كودات النسخ التاليه:
كود BB للمنتديات
كود HTML
الرابط المباشر
رابط التحميل

وما عليكِ إلا أن تختاري (كود BB للمنتديات) و تقومي بالضعط على نسخ ومن ثم التوجه للمنتدى لإلصاقه بالموضوع .

أتمنى لك دوام التوفيق ان شاء الله

يعطيك العافيه..انا من عشاق هــ المطعم لكن اللي في الخبر
ويسون في ايام الاسبوع عروض على مااعتقد الشخص بــ30ريال
(بوفيه غداء)..والاطفال مجانا..