السلام عليكم ورحمة الله وبركاته أولاً أحب أشكر كل من: ناصر كويتي و أبوعبدالعزيز وسطام الحميد و المجد abu_elyazia & KABAYAN و BUSHARAF وأسجلهم في أول الكراسي
سبب تأخيري بإنزال التقرير:
اسمحولي لأن رجعت من سنغافورة وسافرة سفرة إضطرارية وأول أمس راجعه وأوعدكم ببذل كل جهدي عشان أنزل التقرير
وبما إن مالي خبرة واااايد في كتابت التقارير وهذا يعتبر أول تقرير لي يكون خارج الدولة وأتمنى إتسامحوني على لغلاط وأتمنى إن التقرير ينال إعجابكم
أولاً أحب أشكركم على المعلومات اللى وردت عن سنغافورة وبما أن مافي أشياء واااايد إنشاءالله ببذل جهدي وبحاول أذكر كل شي عشان اللي ينوي يسافر يستفيد
معلومات عامة...
سنغافورة:
توجد سنغافورة في جنوب شرقي آسيا
العاصمة:
سنغافورة
المساحة:
697.1 كيلو متر مربع
عدد السكان:
أربعة ملايين نسمة
العملة:
الدولار السنغافوري
يساوي : 2.8
المناخ:
مناخ سنغافورة
إستوائي رطب ودافئ على مدار السنة
تتراوح درجات الحرارة بين معدل أعلى 31 درجة مئوية ومعدل أدنى 23 درجة مئوية4
تأشيرة سنغافورة:
جواز السفر
+
تعريف من العمل باللغة الإنجليزية
+
حجز طيران وفنادق
+
صورة شخصية مقاس 4×6
تروح للسفارة وتقدم أوراقك
وتعبي كليشة عندهم
وتأخذ التأشيرة بالضبط
عشرة أيام عمل
(( إللى أنا عرفتة فقط مواطني دولة السعودية لازم يدخلون بتأشيرة 
وباقي دول الخليج لا )) حرااااام هال العنصرية المسافرون : 2 بالغين وطفلة عمرها 4 سنوات
الطيران : السنغافوري
من مطار أبوظبي إلى مطار شانجي مباشرة
الإقلاع كان تاريخ 3/7/2010 الساعه 12 ليلاً
الوصول 4/7/2010 الساعة 12 ظهراً يتوقيت سنغافورة
بينا وبينهم 4 ساعات يعني إذا الساعة 5مساءً بدولة الإمارات يصادف 9 مساءً في سنغفورة
وحنا كنا حاجزين بكج تذاكر+سكن فنادق 5 نجوم+مواصلات الرئيسية يعني من المطار إلى الفندق ومن فندق الى جزيرة سنتوزا ومن الجزيرة لين الفندق وإلى المطار
عدد الأيام : 8
الفنادق:-
Swissotel The StamfordHotel
ليلة 4/7 الى 5/7
AmaraSanctuary Hotel
ثلاث ليالي 5/7 الى 8/7
Shangri-LaHotel
ثلاث ليالي 8/7 الى 11/7
خلونا نبتدي بالصور هذي الشنط جهزناها
وهذا المنيو مال الكوفي
وهذي الوجبة اللي بنتي كلتها
وهذي بعض صور سوق الحره
اسمحولي الصورة مش واضحة
وهذي صورتين من داخل الطائرة 
وهذي صورة السحاب قبل الوصول 
للأسف إنمسحت :4::4::4:صور الوصول واللي حاب إيشوف الفيديو إيراسلن على الخاص وببعث له مقاطع الفيديو وهذي الصورة الأخيرة أول ماحطت الطائرة على الأراضي السنغافورية 
وهذي صور صالات المطار ماعرف هذا الشخص كيف صورها لآن التصوير ممنوع في المطار ولما كنت أبا أصور الشرطي شافني وعصب:4::4: بعدين طلعنا وختمنا الجوازات وصلنا البوابة لقينا واحد ماسك لافته عليها اسم زوجي وكان اسم الريال على بس شكله 
ومايفتح النفس نوع السيارة كانت مرسدس وهذي ثلاث صور اللي حصلتهم الله يسامح اللي مسحهم:4::4::4: 
توضح لفلاير ومارينا بي سنس والبناياة الزرق أتوقع إنها مكاتب ولهم حكاية انتظروها بس لما نرجع من الجزيرة إنتظروني بحمل صور الفندق ومقتطفات من البلكونة وصور آخرى وحنا نتمشا ومقتطفات من سفاري نايت 
وأخيراً سنغافورة الساحرة ... 
هههههه خخخخخخخ
أأأأقصد تستفيد منها
