السلام عليكم و رحمة الله و بركاته
بنزور فينيسيا لمدة يوم واحد بالسياره وين ممكن نحصل مواقف
و كم تكلفتها التقريبيه لأقل من 24 ساعه ؟
مع العلم ان السكن في سان ماركو و نفضل الموقف يكون قريب منها

يوجد موقفين فقط في فينيسيا
والتكلفة هي 24 يورو لليوم الواحد حتى لوكنت تبي توقف ساعه واحد فقط يجب ان تدفع 24 يورو

الله بحزاك خير اخوي ممكن تعطيني عناوينها؟

المواقف الموجودة بفينيسا واحدة وهي ابعد نقطة عن سان ماركو

اذا وقفت سيارتك هناك

انصحك بركوب باص بحري الى جسر ريالتو

والنزول هناك والمشي على الاقدام الى سان ماركو

حيث ان الوقت من ريالتو الى سان ماركو بالباص نص ساعة

وعشر دقايق على الاقدام

مشكوره اختي ام التؤام
فهمت من كلامك ان المواقف مو في فينيسيا العائمه في الجزء الثاني؟
يا ليت تعطيني عنوان المواقف و اكون لك شاكره

مايحتاج عنوان لانها بعد الجسر الموصل الى فينيسيا

مثل ما قال اخوي الهاوي

فيه جسر يشبك فينيسيا ب مستري

في اخر الجسر من ناحية فينيسيا

توجد ساحة بافاري روما

وفيها التكاسي والباصات

يمينها المواقف وهي واضحة مثل الشمس لانها تقريبا ست ادوار


وعندك حل ثاني

ممكن توقف سيارتك بمواقف المطار

وتركب باص بحري من المطار الى سان ماركو مباشرة

وهم خطين واحد يوصل لسان ماركو بساعة وربع

والثاني ب 55 دقيقة

وهالحل افضل فقط

اذا كنت بتدخل فينيسيا بالويك اند

لانك راح تهج عن الزحمات

معليش تحملوا اسئلتي شوي بما انها اول زياره لي لفينيسيا
راح نكون جايين من ميلانو و اوتيلنا في سان ماركو متى راح اشوف المواقف؟ صعبه اروح على عماي على امل اشوف مواقف قريبه مني :3:

لا تشيل هم ، المواقف مقابل التاكسي المائي ومقابل التاكسي الخاص ( طراد ) يعني المواقف آخر شيء تقابله واليك احداثيات المواقف :-

الاسم: Green Park
الاحداثية: N45 28.046 E012 15.917

الاسم: Ai Pili
الاحداثية: N45 27.958 E012 15.902

الاسم : Unknown
الاحداثية: N45 28.036 E012 15.977


والآن اشوف في القارمن مواقف ولا اعلم اذا هي مواقف كبيره او لا وهي تقع بعد الجسر في قريبه جداً من فينيسيا العائمة واحداثيتها كالتالي :-

الاسم: Interparking Italia Srl
الاحداثية: N45 26.599 E012 18.407

ويمكن ادخال الاحداثيات في قوقل ماب لمعرفة اماكنها بالضبط وقربها عن سان ماركو .

http://maps.google.com/

وبخصوص الذهاب الى سان ماركو انصحك عن الوصول ركوب تاكسي خاص ( طراد ) 60 يورو تقريباً وينزلكم قدام فندقكم مباشره .
لأن سحب الشنط في فينيسيا صعب جداً جداً لأن فينيسيا كلها جسور وعتبات سلالم فلا يمكن سحب الشنط على عتبات السلالم سواء هبوط او نزول ، وخاصة اذا كانت الشنط كبيره .

بارك الله فيك واتمنى لكم سفره موفقه .

هذه صور للمواقف مأخوذه من النت وهي بالضبط التي اعنيها والتي قلت بأنها امام التاكسي المائي وهي التي في الاحداثية الاخيره في شارع Piazzale Tronchetto
وهذا المبنى كله مواقف سيارات .
اوقف سيارتك واخذ مفتاحك معك وتوكل على الله ، اذهب الى التاكسي المائي .






وهذا الموقع الايطالي مفيد جداً للبحث عن المواقف وهو خاص بالمواقف

http://www.veniceparking.it/

http://www.informadove.it/webservizi...13&key=venezia


هذه صور الجسر للوصول الى المواقف القريبه في الاحداثية الاخيره





وهذه مواقف Tronchetto



وهذه صورة التاكسي المائي الخاص ( الطراد )




وهذه صورة المواقف في الاحداثية الاخيره وقربها من سان ماركو وفينيسيا العائمة




طبعاً اتكلم عن الاحداثية الاخيره واللي هي هذي :-


الاسم: Interparking Italia Srl
الاحداثية: N45 26.599 E012 18.407


اخوك:
رجل شرقي

يعطيك الف عافيه شرح وافي و كافي
الحين اتضحت لي الصوره
انسب مواقف لي الاخيره بعد الجسر و وجدتها في الرابط اللي وضعته و سعرها معقول
سؤال اخير تتوقع التاكسي الجماعي في فينيسيا شغال 24 ساعه؟
راح نطلع من اوتيلنا على 6 الفجر تقريبا لان ورانا طريق طويل للنمسا :(